தமிழர்கள் இந்தி திணிப்பை எதிர்ப்பதற்கான 7 முக்கிய காரணங்கள்!

இந்தியை ஏன் கற்கக் கூடாது? அதுதானே தேசியமொழிதானே என சொல்லி நம்மில் பலரும் உண்மை தெரியாமல் அல்லல் பட்டுக்கொண்டிருக்கிறார்கள். பலரும் தங்கள் குழந்தைகளை இந்தி கற்பிக்கும் பள்ளிகளில் சேர்ப்பதில் ஆர்வம் காட்டுகிறார்கள். அவர்கள் இந்தி தேசியமொழி அல்ல என்பதையோ, அல்லது இந்தியாவிற்கு என ஒரு குறிப்பிட்ட தேசிய மொழி வரையறுக்கப்படாது என்பதையோ அறியாதவர்கள். இந்தியன் என சொல்லிக்கொண்டால் மட்டும் போதாது. இந்திய நாட்டுடைய இறையாண்மையையும் அறிந்து அறிந்திருக்க வேண்டும். அதை அறிந்தவர்களுக்கு மட்டுமே தெரியும் மொழித் திணிப்பு என்றால் என்ன? மொழியறிவு என்றால் என்ன? என்று. மத்திய அரசின் இந்தி திணிப்பை ஏற்பதால் என்னென்ன பின்விளைவுகள் ஏற்படும்? இந்தி திணிப்பின் உள்கட்டமைப்பு என்ன? மொழியறிவுககும் மொழி திணிப்பிற்கும் இடையில் உள்ள வித்தியாசம் என்ன என்று இக்கட்டுரை உங்களுக்கு விரிவாக எடுத்துரைக்கும்.                                                                                                        
  தாய்மொழி வளம் பறிபோகும்:           ஒரு மொழியை அதிகார மொழியாக்கி அதை மற்ற மாகாணங்களில் திணிப்பது என்பது, அந்த மாநில தாய்மொழியின் அழிவுக்கு வழிவகுக்கும். தமிழகத்தில் இந்தியை கொண்டுவந்தால், தமிழ்மொழி பாதிப்படையும். தமிழ் பேச்சுவழக்குகளில் அந்நிய மொழி கலந்து, காலப்போக்கில் தமிழ் மொழி தனது அடையாளங்களை இழக்கும். இலக்கணச் செறிவை கொண்டுள்ள வளம் மிக்க தமிழை விட்டுவிட்டு வேறொரு மொழியை ஏற்றுக்கொள்வதில் இங்கு யாவருக்கும் ஆர்வமில்லை.ஒரு மொழியின் சிதைவு என்பது, அதன் வரலாறு மற்றும் இலக்கிய வளங்களின் அழிவுகளையும் உட்கொண்டதுதான். நமது தமிழின் பெருமை எத்தகையது என்பதை நாமறிவோம். கல் தோன்றி, மண் தோன்றா காலத்தே முன் தோன்றிய மூத்தக்குடிகளின் மொழியாக திகழும் தமிழில் எண்ணற்ற வரலாறுகளும், இலக்கியச் செல்வங்களும் அடக்கம். இந்தி உள்ளே நுழையும்போது, அது நிச்சயமாக வட மாநிலங்களின் வரலாற்று இலங்கியங்களையே சுமந்து வரும். தமிழ் இலக்கியங்கள் யாதையும், அவற்றின் சுவை குன்றாமல் இந்தியில் மொழிபெயர்த்திட முடியாது. உதாரணமாக சொல்ல வேண்டுமென்றால், இராமயணத்தை சொல்லலாம். இராமனை மரியாதை இல்லாமல் வஞ்சம் புகழ்ந்து எழுதப்பட்டிருந்த காவியத்தை கம்பர் தமிழுக்கு கொண்டுவரும்போது இராமனுக்கு புகழ்மாலை சூட்டினார். காவியத் தலைவனாக்கினார். இந்த மாதிரியான இலக்கிய வரலாற்று நல்லெண்ணங்கள் யாதும் அங்கிருப்பவர்களுக்கு இல்லை                                                                                                                
 வரலாறுகளும் இலக்கியங்களும் அழியும்:.ஒரு மொழியின் சிதைவு என்பது, அதன் வரலாறு மற்றும் இலக்கிய வளங்களின் அழிவுகளையும் உட்கொண்டதுதான். நமது தமிழின் பெருமை எத்தகையது என்பதை நாமறிவோம். கல் தோன்றி, மண் தோன்றா காலத்தே முன் தோன்றிய மூத்தக்குடிகளின் மொழியாக திகழும் தமிழில் எண்ணற்ற வரலாறுகளும், இலக்கியச் செல்வங்களும் அடக்கம். இந்தி உள்ளே நுழையும்போது, அது நிச்சயமாக வட மாநிலங்களின் வரலாற்று இலங்கியங்களையே சுமந்து வரும். தமிழ் இலக்கியங்கள் யாதையும், அவற்றின் சுவை குன்றாமல் இந்தியில் மொழிபெயர்த்திட முடியாது. உதாரணமாக சொல்ல வேண்டுமென்றால், இராமயணத்தை சொல்லலாம். இராமனை மரியாதை இல்லாமல் வஞ்சம் புகழ்ந்து எழுதப்பட்டிருந்த காவியத்தை கம்பர் தமிழுக்கு கொண்டுவரும்போது இராமனுக்கு புகழ்மாலை சூட்டினார். காவியத் தலைவனாக்கினார்.    
கலாசாரம் – பண்பாடு அழியும்: இந்த  மாதிரியான இலக்கிய வரலாற்று நல்லெண்ணங்கள் யாதும் அங்கிருப்பவர்களுக்கு இல்லை.இந்தி எனப்படுவது பல மொழிகளை அழித்து உருவாக்கப்பட்ட மொழியாகத்தான் புலமையர்களால் நோக்கப்படுகிறது. அன்று இந்திய விடுதலைப் போராட்டங்களின்போது, அடிமைப்பட்டுக் கிடந்த அனைத்து மாகாணங்களையும் ஒரே தேசிய நீரோட்டத்தில் இணைப்பதற்காக மகாத்மா காந்தியடிகளால் அறிவுறுத்தப்பட்ட மொழியாகத்தான் இந்தி அறிமுகமானது. இந்தியாவில் பேசப்பட்ட பல மொழிகளுடன், சமஸ்கிருதம் மற்றும் உருது சொற்களை ஒன்றாக திரட்டி இந்தி உருவாக்கப்பட்டது. எனவே இந்தியானது பல பகுதிகளை சார்ந்த கலாசாரத்தையும், பண்பாடுகளையும் குழப்பிய நிலையில் கொண்டிருக்கும் மொழி ஆகும். இப்படியான ஒரு மொழி, நம் தமிழகத்தைப் போன்று தெளிந்த கலாச்சாரமும் பண்பாட்டு அறிவியலும் கொண்ட ஒரு மாநிலத்துக்குள் வருவதை அனுமதிக்க முடியாது என்பது தமிழறிஞர்களின் கருத்தியலாக உள்ளது.