ரூ.90 லட்சம் ஊழல்: லாலு மகனை அமைச்சர் பதவியிலிருந்து நீக்க பாரதிய ஜனதா கோரிக்கை

**ayyasamy ram** · **ayyasamy ram** Wed Apr 05, 2017 12:13 pm

பாட்னா,

மண் கொள்முதல் செய்வதில் ரூ.90 லட்சம் வரை ஊழல் நடந்துள்ளதையொட்டி அமைச்சர் பதவியில் இருந்து லாலு பிரசாத் மகன் தெஜ் பிரதாப் யாதவை நீக்க வேண்டும் என்று பாரதிய ஜனதா கோரியுள்ளது.

பீகார் மாநில தலைநகர் பாட்னாவில் உள்ள பாரதிய ஜனதா அலுவலகத்தில் ஜனதா தர்பார் நிகழ்ச்சி நடைபெற்றது. இந்த நிகழ்ச்சியில் மாநிலத்தின் மூத்த தலைவர் சுஷில் குமார் மோடி கலந்துகொண்டார். நிகழ்ச்சியின் ஒரு பகுதியாக மோடி நிருபர்களுக்கு பேட்டி அளித்தார். அப்போது அவர் கூறுகையில் மண்கொள்முதல் செய்வதில் ரூ.90 லட்சம் வரை ஊழல் நடந்துள்ளது.

இந்த ஊழலில் லாலு பிரசாத் யாதவ் மகனும் மாநில சுற்றுப்புறசூழல் மற்றும் வனத்துறை அமைச்சருமான தெஜ் பிரதாப் யாதவ் சம்பந்தப்பட்டுள்ளார். அதனால் பிரதாப் யாதவை உடனடியாக அமைச்சர் பதவியில் இருந்து முதல்வர் நிதீஷ்குமார் நீக்க வேண்டும்.

அதோடுமட்டுமல்லாது உயர்மட்ட அளவில் இந்த ஊழல் குறித்து விசாரணை நடத்த வேண்டும் என்றும் மோடி கோரியுள்ளார்.

மாநில தலைநகர் பாட்னாவில் அமைக்கப்படும் சஞ்சய் காந்தி தாவரவியல் பூங்காவில் பள்ளங்களை மூடுவதற்காகாகவும் அழகுபடுத்துவதற்காகவும் மண் கொள்முதல் செய்ய எந்தவித டெண்டரும் விடாமல் ஒரு கம்பெனிக்கு யாதவ் காண்ட்ராக்ட் கொடுத்துள்ளார்.

இதில் மக்கள் பணம் வீணடிக்கப்பட்டுள்ளது. மேலும் போலி கம்பெனிகளும் பீகார் மாநிலத்தில் அரசியல்வாதிகள் தொடங்கியிருப்பதாக தெரிகிறது என்றும் மோடி மேலும் கூறினார்.
-
தினபூமி

**krishnaamma** · **krishnaamma** Wed Apr 05, 2017 1:26 pm

ஊழல் செய்த எல்லோரையும் பதவியை விட்டு எடுத்துவிட்டால், நாட்டில் நல்ல புதிய தலைவர்கள் பதவிக்கு வருவார்கள் ஜாலி

ரூ.90 லட்சம் ஊழல்: லாலு மகனை அமைச்சர் பதவியிலிருந்து நீக்க பாரதிய ஜனதா கோரிக்கை

ரூ.90 லட்சம் ஊழல்: லாலு மகனை அமைச்சர் பதவியிலிருந்து நீக்க பாரதிய ஜனதா கோரிக்கை

Re: ரூ.90 லட்சம் ஊழல்: லாலு மகனை அமைச்சர் பதவியிலிருந்து நீக்க பாரதிய ஜனதா கோரிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக