பெருந்தன்மை...

**ayyasamy ram** · **ayyasamy ram** Mon Apr 03, 2017 2:19 pm

-

திரைக்கடலோடி திரவியம் தேடு...’
திருப்பதியை,
தாரை வார்த்துவிட்டு,
கண்ணகி கோயிலை,
விட்டுக் கொடுத்து
ஆற்று படுகைகளை
வரைந்துப்பார்த்து
அய்யப்பனுக்கு
இருமுடிகட்டி
மிஞ்சியதை கோவிந்தா,
கோவிந்தாவென்று
கொண்டு போய்
உண்டியலில் கொட்டுவதால்
போன இடமெல்லாம்
தமிழன் சாகிறான்...
-
பவானி, பெரியாறு,
சோலையாறு, வெள்ளாறாய்,
கேரள எல்லையில்
...
பாலாறு, காவிரி
கர்நாடக எல்லையில்
-
கிருஷ்ணா, வடபெண்ணை
ஆந்திர முடிவில்
நமக்கான தாமிரபரணியும்
வைகையும் கை வையென
காய்நுது கிடப்பதால்
,’திரைகடலோடி திரவியம் தேடு’
-
-----------------------
-நா.சுப்புலட்சுமி
கிழிக்கப்படவேண்டிய கறுப்புப் பக்கங்கள்-
கவிதை தொகுப்பிலிருந்து
படம் - இணையம்

**M.Jagadeesan** · **M.Jagadeesan** Mon Apr 03, 2017 2:40 pm

திருப்பதியை தாரை வார்த்து இருக்காவிட்டால் , சென்னை , நம் கையைவிட்டுப் போயிருக்கும் .

**krishnaamma** · **krishnaamma** Tue Apr 04, 2017 7:46 pm

நான் இரண்டு சொல்ல வேண்டும் ராம் அண்ணா புன்னகை

1 . 'நல்லகாலம்' திருப்பதி ஆந்திராகாரர்களிடம் இருப்பதால் தான் பிழைத்து இருக்கிறது......காப்பாத்தப்பட்டார் பெருமாள்! அன்பு மலர்

2 . நம் நாட்டில் உள்ள ஆறுகளைக் கூட ஏன் ஏரி குளங்களை கூட சரியாக பராமரிக்காமல் இருந்து விட்டு மற்றவரை குறை சொல்வது ஏன் ?.........எல்லா ஆறுகளும் ஏரிகளும் சரிவர தூர் வரப்பட்டு பன்னிரண்டு ஆண்டுகளுக்கு ஒருமுறை கோவில்களுக்கு கும்பாபிஷேகம் செய்வது போல ஆறுகளும் சுத்தம் செய்யப்பட்டு, பூஜைகள் நடத்தப்படவேண்டும் ........செய்தார்களா ?..............இது போல தமிழ்நாட்டில் எப்போதாவது செய்து இருக்கிறார்களா?............கேள்வியாவது பட்டுள்ளீர்களா?...........எல்லாம் கழகங்களால் வந்த வினை .............. கோபம்

இதையெல்லாம் விட்டுவிட்டு அடுத்தவர்களின் கை இல் இருப்பதைப் பார்த்து பொறாமைப் படுவானேன்?............உள்ளதை வைத்து பிழைக்கத் தெரியவில்லை............எத்தனை எத்தனை கோவில்கள் எத்தனை எத்தனை தமிழ பண்பாட்டையும் கலையையும் சித்தரிக்கும் இடங்கள்...........அவைகளை நன்கு பராமரித்து,
சுற்றுலாவை முன்னேற்றலாமே?.............தண்ணீருக்கு விவசாயிகள் தவிக்கும்போது பெப்சி போன்ற கம்பெனிகளுக்கு எதற்கு உரிமை தந்திரங்கள்?....இப்படி பல தும் சொல்லலாம்...... புன்னகை

**M.Jagadeesan** · **M.Jagadeesan** Tue Apr 04, 2017 8:32 pm

பூலோக வைகுண்டம் ஸ்ரீரங்கம் தமிழ்நாட்டில்தான் இருக்கிறது . அங்கிருக்கும் ரங்கநாதர் சௌக்கியமாகத்தான் இருக்கிறார் . அதுபோல திருப்பதியும் தமிழ்நாட்டில் இருந்திருந்தால் , வெங்கடாஜலபதியும் சௌக்கியமாகத்தான் இருந்திருப்பார் .

**krishnaamma** · **krishnaamma** Tue Apr 04, 2017 10:00 pm

M.Jagadeesan wrote:பூலோக வைகுண்டம் ஸ்ரீரங்கம் தமிழ்நாட்டில்தான் இருக்கிறது . அங்கிருக்கும் ரங்கநாதர் சௌக்கியமாகத்தான் இருக்கிறார் . அதுபோல திருப்பதியும் தமிழ்நாட்டில் இருந்திருந்தால் , வெங்கடாஜலபதியும் சௌக்கியமாகத்தான் இருந்திருப்பார் .

மேற்கோள் செய்த பதிவு: 1237586

உண்மைதான் ஐயா, என்றாலும் திருப்பதி அளவிற்கு இங்கு வருமானம் இல்லை புன்னகை