'மதுவை விட மனித உயிர் பெரியது': சுப்ரீம் கோர்ட் கருத்து

புதுடில்லி: மதுவை விட மனிதன் உயிர் பெரியது எனக்கூறியுள்ள சுப்ரீம் கோர்ட், மாநில அரசின் வருமானம் பாதிக்கப்படும் என்பதற்காக பொது மக்கள் உயிரை பணயம் வைக்க முடியுமா என கேள்வி எழுப்பியுள்ளது.

உத்தரவு:

சாலை விபத்துகளால் நிகழும் உயிரிழப்புகளை தடுக்கும் வகையில், தேசிய மற்றும் மாநில நெடுஞ்சாலைகளை ஒட்டி செயல்படும் மதுக்கடைகளை, வரும், 31க்குள் மூட, 2016 டிசம்பரில், சுப்ரீம் கோர்ட் உத்தரவிட்டது. அதே போல், நெடுஞ்சாலைகளிலிருந்து, 500 மீட்டருக்குள் மதுக்கடைகள் இயங்கக் கூடாது என்றும், அந்த உத்தரவில் தெரிவிக்கப்பட்டது.
இந்நிலையில், நெடுஞ்சாலைகளை ஒட்டிய மதுக்கடைகளை மூட, சுப்ரீம் கோர்ட் விதித்துள்ள காலக்கெடுவை, நவ., 28 வரை நீட்டித்து, மறு உத்தரவு பிறப்பிக்கக் கோரி, தமிழக அரசு சார்பில், மனு தாக்கல் செய்யப்பட்டது. இதே போல், சுப்ரீம் கோர்ட் உத்தரவில் மாற்றம் செய்யக் கோரி, தெலுங்கானா, பஞ்சாப், கேரளா, மாநிலங்களின் சார்பிலும், நேற்று(மார்ச் 28) மனு தாக்கல் செய்யப்பட்டன. இன்று, இந்த மனுக்கள் மீதான விசாரணை நடக்குமென, சுப்ரீம் கோர்ட் தலைமை நீதிபதி, ஜே.எஸ்.கேஹர் தெரிவித்தார்.

கோரிக்கை:
இந்த வழக்கு இன்று விசாரணைக்கு வந்தது.அப்போது மத்திய அரசின் சார்பில் ஆஜரான தலைமை வழக்கறிஞர் முகுல் ரோத்தஹி, தேசிய நெடுஞ்சாலைகளில் உள்ள மதுக்கடைகளை மூடுவதற்கான பரப்பளவை 500மீட்டரில் இருந்து 100 மீட்டராக குறைக்க வேண்டும் எனக்கூறினார்.
தமிழக அரசு சார்பில் ஆஜரான வழக்கறிஞர், சுப்ரீம் கோர்ட் உத்தரவால், தமிழகத்தில் 1,731 மதுக்கடைகளை மூட வேண்டிய நிலை ஏற்பட்டுள்ளது. சுப்ரீம் கோர்ட் உத்தரவு தமிழக அரசுக்கு ரூ.25,500 கோடி வருமானத்தை பாதிக்கும். என தமிழக அரசு வாதாடியது.

அறிவுரை:
அப்போது நீதிபதிகள் கூறுகையில், மாநில அரசு வருமானம் ஈட்டுவதற்காக வேறு வழிகளை கண்டறிய வேண்டும். மதுக்கடைகளை மட்டும் நம்பியிருக்கக்கூடாது. மாநில அரசின் வருமானம் பாதிக்கப்படுகிறது என்பதற்காக பொது மக்கள் உயிரை பணயம் வைக்க முடியுமா என கேள்வி எழுப்பியுள்ளது.
-
தினமலர்

உச்ச நீதிமன்றம் கேட்பதில் தவறென்றும் இல்லை,அரசின் வருவைவிட மக்களின் உயிர் பெரியது என்ற வாதம் முற்றிலும் உண்மையே...தமிழகத்தில் அனைத்து மதுகடைகளையும் மூடவேண்டும் என்பதே அனைவரின் வேண்டுகோள்,நீதிமன்ற உத்திரவால் 1731கடைகளை முயற்சி எடுத்த பாமக வையும்,வக்கில் பாலுவையும் பாராட்டியே ஆக வேண்டும்.

சாராயம் விற்று தான் அரசை நடத்த வேண்டும் என்று சொல்வது தமிழக அரசின் கேவலமான வாதம் , விபசாரத்தையும் டாஸ்மாக் மூலம் அரசே நடத்தினால் இன்னும் பல்லாயிரம் கோடி வருமானம் கிடைக்கும்.

இரா.மூர்த்தி wrote:உச்ச நீதிமன்றம் கேட்பதில் தவறென்றும் இல்லை,அரசின் வருவைவிட மக்களின் உயிர் பெரியது என்ற வாதம் முற்றிலும் உண்மையே...தமிழகத்தில் அனைத்து மதுகடைகளையும் மூடவேண்டும் என்பதே அனைவரின் வேண்டுகோள்,நீதிமன்ற உத்திரவால் 1731கடைகளை முயற்சி எடுத்த பாமக வையும்,வக்கில் பாலுவையும் பாராட்டியே ஆக வேண்டும்.

பாராட்டுக்கள் வழக்கறிஞர் பாலு அண்ணன் & பாமக