நெடுஞ் சாலைகளில் உள்ள மதுக்கடைகளை மூட உத்திரவு - சுப்ரீம் கோர்ட்டில் இன்று விசாரணை

புதுடெல்லி,

இந்தியாவில் விபத்துகளில் ஏராளமானோர் உயிர் இழப்பதற்கு
தேசிய மற்றும் மாநில நெடுஞ்சாலைகளில் உள்ள மதுக்கடைகள்
தான் காரணம் என்று கூறி சுப்ரீம் கோர்ட்டு கடந்த ஆண்டு
டிசம்பர் மாதம் அத்தகைய மதுக்கடைகளை மூட உத்தரவிட்டது.

தேசிய, மாநில நெடுஞ்சாலைகள் மற்றும் அவற்றுக்கு 500 மீட்டர்
தூரத்திற்குள் உள்ள மதுக்கடைகள் அனைத்தையும் மார்ச்
31-ந் தேதிக்குள் (வெள்ளிக்கிழமை) மூடவேண்டும்.

ஏப்ரல் மாதம் 1-ந்தேதியில் இருந்து அத்தகைய மதுக்கடைகளின்
அனுமதி தாமாகவே காலாவதியாகிவிடும் என்றும் உத்தரவில்
கூறப்பட்டு இருந்தது.

தமிழக அரசு மனு

இந்த உத்தரவில் திருத்தம் செய்யக்கோரி மது விற்பனையாளர்கள்
சங்கம், பல மதுபான ஆலைகள் சுப்ரீம் கோர்ட்டில் மனுக்கள் தாக்கல்
செய்தன.

தமிழக அரசு சார்பில் கடந்த 23-ந் தேதி ஒரு மனு தாக்கல் செய்யப்
பட்டது. அதில், நெடுஞ் சாலைகளில் உள்ள மதுக்கடைகளை வேறு
இடங்களில் மாற்றி அமைக்க அவைகளின் அனுமதி காலம் வரை,
அதாவது நவம்பர் மாதம் 28-ந் தேதி வரை காலநீட்டிப்பு வழங்க
வேண்டும் என்று கோரிக்கை விடுக்கப்பட்டது.

கேரளா, பஞ்சாப் மற்றும் தெலுங்கானா மாநிலங்களும் நேற்று
சுப்ரீம் கோர்ட்டை அணுகி இந்த உத்தரவில் மாற்றம் செய்யக்கோரி
மனுக்கள் தாக்கல் செய்தன.

இன்று விசாரணை

இதைத்தொடர்ந்து சுப்ரீம் கோர்ட்டு தலைமை நீதிபதி
ஜே.எஸ்.கேஹர், நீதிபதி சஞ்சய்கிஷன் கவுல் ஆகியோர் கொண்ட
அமர்வு முன்பு நேற்று அட்டார்னி ஜெனரல் முகுல் ரோஹத்கி மற்றும்
பல வக்கீல்கள் ஆஜராகி, நெடுஞ்சாலைகளில் உள்ள மதுக்கடை களை
மூடும் உத்தரவு 31-ந் தேதி அமலுக்கு வருகிறது.

எனவே இந்த வழக்கு மிகவும் முக்கியமானதாகிறது. இந்த மனுக்கள்
மீது விரைவாக விசா ரணை நடத்த வேண்டும் என்று கோரிக்கை
விடுத்தனர்.

இதனை ஏற்றுக்கொண்ட நீதிபதி ஜே.எஸ்.கேஹர், இன்று (புதன்கிழமை)
இந்த மனுக்கள் விசாரணைக்கு எடுத்துக்கொள்ளப்படும்.
ஒருவேளை நீதிபதி சந்திரசூட் இன்று வரவில்லை என்றால், வேறு ஒரு
அமர்வு அமைத்து கொடுப்பதாகவும் அவர்களிடம் நீதிபதி கூறினார்.
-
----------------------------
தினத்தந்தி

இதற்காக பாடுபட்ட பாமக கட்சிக்கும், இன்று வரை போராடிக்கொண்டிருக்கும் பாமகவின் வழக்கறிஞர் அணி தலைவர் அண்ணன் பாலு அவர்களுக்கும் நன்றிகளும் வாழ்த்துக்களும்

மதுவால் தமிழகத்தில் சீரழிந்து போய் கொண்டிருக்கும் குடும்பங்களை பற்றி பாமக மட்டுமே கவலைப்பட்டு அக்கரையோடு வழக்கறிஞர் பாலுவை வைத்து வழக்கு நடத்தி,அதில் வெற்றியும் பெற்றிருப்பதை பாராட்டதான்வேண்டும்,

இரா.மூர்த்தி wrote:மதுவால் தமிழகத்தில் சீரழிந்து போய் கொண்டிருக்கும் குடும்பங்களை பற்றி பாமக மட்டுமே கவலைப்பட்டு அக்கரையோடு வழக்கறிஞர் பாலுவை வைத்து வழக்கு நடத்தி,அதில் வெற்றியும் பெற்றிருப்பதை பாராட்டதான்வேண்டும்,

வழக்கு இன்று பட்டியலில் உள்ளது என்று செய்திகளில் படித்தேன். நல்ல தீர்ப்பு வரவேண்டுமென்று இறைவனை வேண்டுவோம்