55,000 வங்காள தேச தொழிலாளர்களின் விசாக்கள் ரத்து

**சிவா** · **சிவா** Wed Mar 11, 2009 1:00 am

தொழிற்சங்கங்களின் கோரிக்கையை அடுத்து அரசாங்கம் 55,000 வங்காள தேச தொழிலாளர்களுக்கு வழங்கப்பட்ட விசாக்களை ரத்துச் செய்துள்ளது.

கடந்த ஆண்டு விசா வழங்கப்பட்டு இன்னும் மலேசியா வந்து சேராதவர்கள் இங்கு வேலை செய்ய அனுமதிக்கப்பட மாட்டார்கள் என்று உள்துறை அமைச்சர் சைட் அமிட் அல்பார் கூறினார்.

“நாட்டின் இப்போதைய சூழலில் இப்படி செய்வது அவசியமாகிறது. ஒரு சில துறைகள் தவிர்த்து அந்நிய தொழிலாளர்களுக்குத் தேவை இல்லாதிருக்கிறது”, என்று அவர் கூறியதாக தேசிய செய்தி நிறுவனமான பெர்னாமா அறிவித்தது.

**சிவா** · **சிவா** Wed Mar 11, 2009 1:01 am

வங்காளதேசத் தொழிலாளர்கள் தேவையில்லை:எம்டியுசி

நாடு, ஆள்குறைப்பு நடவடிக்கைகளையும் பொருளாதாரத் தேக்க நிலையையும் எதிர்நோக்குவதால் 70,000 வங்காளதேசத் தொழிலாளர்களுக்கு வழங்கப்பட்ட விசாக்களை அரசாங்கம் ரத்து வேண்டும் என்று மலேசிய தொழிற்சங்கங்கள் வலியுறுத்தியுள்ளன.

மலேசிய தொழிலாளர்களின் எதிர்காலம் இருள் சூழ்ந்துள்ள நிலையில் கூடுதல் அந்நிய தொழிலாளர்கள் தேவையில்லை என்று மலேசிய தொழிற்சங்கக் காங்கிரஸ் (எம்டியுசி) உதவித் தலைவர் ஏ.பாலசுப்ரமணியம் நியு ஸ்ரேய்ட்ஸ் டைம்ஸ் நாளேட்டிடம் கூறினார்.

“ஆள் குறைப்பு நடவடிக்கையை எதிர்நோக்குவதாகவும் வேலை நேரம் குறைக்கப்படுவதாகவும் மிகைநேர வேலையும் குறைக்கப்படுவதாகவும் அதிகமதிகமான தொழிலாளர்கள் முறையிட்டு வருகிறார்கள்.

“நம்முடைய தொழிலாளர்களின் எதிர்காலமே நிச்சயமற்றிருக்கும் நிலையில் 70,000 வங்காளதேசத் தொழிலாளர்களை அழைத்து வருவது ஏற்கத்தக்கதல்ல”, என்றாரவர்.

ஜனவரியில், அரசாங்கம் தயாரிப்புத் துறையிலும் சேவைத்துறையிலும் அந்நிய தொழிலாளர்களை வேலைக்கு அமர்த்துவதைத் தடை செய்தது.

இந்த 70,000 தொழிலாளர்களும் தோட்டம் மற்றும் கட்டுமானத் துறைகளில் வேலை செய்வார்கள் என்றும் அத்துறைகளுக்குத் தடை பொருந்தாது என்றும் மனித வள அமைச்சர் எஸ்.சுப்ரமணியம் கூறியுள்ளார்.

“அத்துறைகளில் வேலை செய்ய உள்நாட்டவர் கிடைப்பது சிரமமாக இருப்பதால் அந்நிய தொழிலாளர்களுக்குத் தேவை இருக்கிறது”, என்று அந்நாளேட்டிடம் அமைச்சர் கூறினார்.

வங்காள தேச தொழிலாளர் தூதுவர் தலாத் முகமட் கான், 70,000 வங்காளதேசத் தொழிலாளர்கள் விரைவில் மலேசியா வருவார்கள் என்று கூறியதை அடுத்து இவ்விவகாரம் பரபரப்படைந்துள்ளது.

55,000 வங்காள தேச தொழிலாளர்களின் விசாக்கள் ரத்து

55,000 வங்காள தேச தொழிலாளர்களின் விசாக்கள் ரத்து

Re: 55,000 வங்காள தேச தொழிலாளர்களின் விசாக்கள் ரத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக