தெற்கத்தி சீரணி மிட்டாய்!

**krishnaamma** · **krishnaamma** Mon Mar 27, 2017 11:33 am

தெற்கத்தி சீரணி மிட்டாய்!

தெற்கத்தி சீரணி மிட்டாய்! WFq4yyNOTr6zSJW2yZS9+E_1490330023

விதவிதமான இனிப்பு வகைகள், சாக்லேட்டுகள் என, நவீன குழந்தைகள், கார்ப்பரேட் இனிப்புகளுக்கு மாறிவரும் வேளையில், ஆறுதல் தருகிறது, நம் பாரம்பரிய இனிப்பான, கருப்பட்டி மற்றும் வெல்லத்தில் தயாரிக்கப்படும், சீரணி மிட்டாய்!

விருதுநகர், மதுரை, திருநெல்வேலி மற்றும் தூத்துக்குடி உள்ளிட்ட, தென் மாவட்டங்களில் இது பிரபலமானது என்பதால், 'தெக்கத்தி சீரணி மிட்டாய்' என இதைச் சொல்வதுண்டு. அத்துடன், ஏணி மிட்டாய், சீனி மிட்டாய் மற்றும் ரயில் மிட்டாய் என, ஊருக்கு ஒரு பெயர் உண்டு.

தோற்றத்தில், ஜிலேபிக்கு பெரிய அண்ணன் இது. சங்கிலி போல, சுருள் சுருளாக இருக்கும் இந்த மிட்டாயை, வட்டமாக, மூன்று அடி உயரத்திற்கு, அடுக்கி வைத்திருப்பர்.

மிட்டாய் மீது வடியும் வெல்லப் பாகு, சாப்பிடும் ஆவலைத் தூண்டுகிறது. கருப்பட்டி, வெல்லம் மற்றும் சீனி என, மூன்று விதமான மிட்டாய்கள் விற்கப்படுகின்றன.

லேசான மொறுமொறுப்புடன், நாவில் கரையும் போது தித்திக்கும், இந்த மிட்டாய்.
விருதுநகர் மாவட்டம் காரியாபட்டி, பாலவநத்தம், அருப்புக்கோட்டை, பந்தல்குடி, தூக்குத்துடி கீழஈரால் மற்றும் கோவில்பட்டி உள்ளிட்ட ஊர்களில் பெயர் பெற்றது, சீரணி மிட்டாய்!

தினமலர்

**krishnaamma** · **krishnaamma** Mon Mar 27, 2017 11:34 am

நான் சின்னவயதில் சாப்பிட்டிருக்கிறேன் ............அப்போது ஓலைப்பெட்டிகளில் வரும் என்று நினைக்கிறேன், அப்பா கோவில்பட்டி இல் இருந்து வாங்கி வந்ததாக சொல்வார்கள்....இன்னம் அதன் சுவை எனக்கு நினைவில் இருக்கிறது ஜாலி