தாக்குதல் நடத்தும் சதி திட்டத்துடன் தமிழகத்தில் ஐ.எஸ். தீவிரவாதிகள்: போலீஸார், என்ஐஏ தீவிர தேடுதல் வேட்டை

**ayyasamy ram** · **ayyasamy ram** Fri Mar 24, 2017 8:45 am

தமிழகத்தில் தாக்குதல் நடத்தும் சதித் திட்டத்துடன் ஐ.எஸ். தீவிர வாதிகள் சிலர் இங்கு பதுங்கி யிருப்பது தெரியவந்துள்ளது. மாநில போலீஸாருடன் இணைந்து அவர்களை தேசிய புலனாய்வு முகமை அதிகாரிகள் தீவிரமாக தேடிவருகின்றனர்.

சர்வதேச தீவிரவாத அமைப் பான ஐ.எஸ். அமைப்பின் தீவிர வாதிகள் தென் மாநிலங்களில் ஊடுருவியிருப்பதாக மத்திய உளவுத்துறை கடந்த மாதம் தகவல் தெரிவித்தது. அதைத் தொடர்ந்து தமிழகம், கேரளா, தெலங்கானா மாநில காவல் துறை யுடன் இணைந்து குறிப்பிட்ட சிலரை தேசிய புலனாய்வு முகமை (என்ஐஏ) அதிகாரிகள் தேடி வருகின்றனர்.

இந்த நிலையில், கேரளாவில் சில நாட்களுக்கு முன்பு 6 பேர் கைது செய்யப்பட்டனர். அதில் 3 பேர் தமிழகத்தை சேர்ந்த வர்கள்.
அவர்கள் கொடுத்த தகவலின்பேரில் தமிழகத்தில் விசா ரணை நடத்தப்பட்டு வருகிறது.

இதுகுறித்து கேட்டபோது என்ஐஏ அதிகாரிகள் கூறியதாவது:

கேரளாவில் கைது செய்யப்பட் டுள்ள 3 தமிழர்களில் ஒருவர் கோவையையும், மற்றொருவர் நெல்லை மாவட்டம் கடையநல் லூர் பகுதியையும் சேர்ந்தவர்கள். அவர்களிடம் இருந்து லேப்டாப் கள், செல்போன்கள் பறிமுதல் செய்யப்பட்டன. அதில் பதிவாகி அழிக்கப்பட்ட தகவல்களை ‘ரெக்க வரி சாப்ட்வேர்’ மூலம் பெற்று விசாரணை நடத்தியதில் பல முக் கிய தகவல்கள் கிடைத்துள்ளன.

ஐ.எஸ். அமைப்புடன் தொடர் பில் இருக்கும் மேலும் பலர் தமி ழகத்தில் பதுங்கியிருப்பது அதன் மூலம் உறுதிசெய்யப்பட்டுள்ளது. மேலும், தென் மாநிலங்களில் குறிப் பாக தமிழகத்தில் சில இடங்களில் தாக்குதல் நடத்த ஐ.எஸ். தீவிர வாதிகள் திட்டமிட்டிருப்பதும் தெரியவந்துள்ளது.

ஐ.எஸ். தீவிர வாத அமைப்புடன் தொடர்பில் இருக்கும் மேலும் சிலரும் தமிழகத் தில் பதுங்கியுள்ளனர். அவர் களைப் பிடிக்க தமிழக காவல் துறையுடன் இணைந்து தொடர்ந்து முயற்சி எடுத்து வருகிறோம்.
இவ்வாறு அவர்கள் கூறினர்.

கடையநல்லூரைச் சேர்ந்த இஸ்மாயில் மகன் அமீர்(19), மானூர் அருகே கட்டாரங்குளம் சுப்பிரமணியன் மகன் சுரேஷ்(20) ஆகியோரை சந்தேகத்தின் அடிப் படையில் விசாரிக்க, தேசிய புலனாய்வுப் பிரிவு அதிகாரி சுனில்குமார் தலைமையிலான அதிகாரிகள் திருநெல்வேலிக்கு நேற்று முன்தினம் வந்தனர். கடையநல்லூரில் அமீர் வீட்டுக் கும், கட்டாரங்குளத்தில் சுரேஷ் வீட்டுக்கும் அதிகாரிகள் சென்ற போது அவர்கள் வீடுகளில் இல்லை.

இதனால், கேரளாவில் உள்ள தேசிய புலனாய்வுப் பிரிவு அலுவலகத்தில் ஆஜராகுமாறு சம் மனை அளித்துவிட்டு சென்றனர்.
-
--------------------------

தாக்குதல் நடத்தும் சதி திட்டத்துடன் தமிழகத்தில் ஐ.எஸ். தீவிரவாதிகள்: போலீஸார், என்ஐஏ தீவிர தேடுதல் வேட்டை