வரி பாக்கி வைத்துள்ளது யார்? பத்திரிகைகளில் பெயர் வெளியீடு

**ayyasamy ram** · **ayyasamy ram** Sun Mar 19, 2017 8:13 am

புதுடில்லி:
அதிகளவில் வருமான வரி மற்றும் கார்ப்பரேட் வரி
செலுத்தாமல் பாக்கி வைத்திருக்கும், 29 நிறுவனங்கள் மற்றும்
தனி நபர்களை அவமானப்படுத்தும் நோக்கில், அவர்களது
பெயர்களை, வருமானவரித் துறை, பத்திரிகைகளில்
வெளியிட்டு உள்ளது.

வருமான வரி செலுத்தாமல் தலைமறைவானவர்கள் அல்லது
வருமான வரி வசூலிப்பதற்கு எந்த சொத்துக்களையும்
காட்டாதவர்களுக்கு எதிராக, வருமான வரித்துறை அவ்வப்போது
நடவடிக்கை எடுத்து வருகிறது. இதற்கு முன், அதிகளவில்
வரி செலுத்தாத தனி நபர்கள் அல்லது நிறுவனங்களின் பெயர்கள்
மற்றும் பிற விபரங்களை, வருமான வரித்துறை, முன்னணி
பத்திரிகைகளில் விளம்பரமாக வெளியிட்டு, நடவடிக்கை
எடுத்தது.

வருமான வரி செலுத்தாமல் மோசடி செய்தவர்களை
அவமானப்படுத்தி, வரி வசூலிக்கும் நோக்கில் இந்த நடவடிக்கை
எடுக்கப்பட்டது. அதே போன்ற நடவடிக்கையை, தற்போது, மீண்டும்
எடுத்துள்ள வருமான வரித்துறை, 29 தனிநபர்கள் அல்லது
நிறுவனங்களின் பெயர்கள் உள்ளிட்ட விபரங்களை பத்திரிகைகளில்
வெளியிட்டுள்ளது.

எச்சரிக்கை விடுப்பு

உடனடியாக வரி பாக்கியை செலுத்தும்படி, அவர்களுக்கு எச்சரிக்கை
விடுக்கப்பட்டுள்ளது. இவர்கள், மொத்தம், 448 கோடி ரூபாய் வரி பாக்கி
வைத்துள்ளதாக, வருமான வரித்துறை அதிகாரிகள் தெரிவித்துள்ளனர்.
-
-----------------------------------------
தினமலர்

**krishnaamma** · **krishnaamma** Mon Mar 20, 2017 11:31 am

மாத சம்பளக்காரர்களை தான் இவர்கள் கண்ணில் விரலை விட்டு ஆட்டுவார்கள்.........மற்றவர்களிடம்......ஹுஹும்...........இவர்களின் பாச்சா பலிக்காது ............. ஊத்திக்கிச்சு

வரி பாக்கி வைத்துள்ளது யார்? பத்திரிகைகளில் பெயர் வெளியீடு

வரி பாக்கி வைத்துள்ளது யார்? பத்திரிகைகளில் பெயர் வெளியீடு

Re: வரி பாக்கி வைத்துள்ளது யார்? பத்திரிகைகளில் பெயர் வெளியீடு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக