மத்திய அரசு ஊழியர்களுக்கு 2 சதவீதம் அகவிலைப்படி உயர்வு

**ayyasamy ram** · **ayyasamy ram** Wed Mar 15, 2017 10:06 pm

புதுடில்லி:
மத்திய அமைச்சரவை கூட்டம் துவங்கியது.
இதில் மத்திய அரசு ஊழியர்களுக்கு 2 சதவீத அகவிலைப்படி
வழங்கிட ஒப்புதல் அளிக்கப்பட்டது.இந்த அகவிலைப்படி உயர்வு
2017-ம் ஆண்டு ஜனவரி மாதம் முதல் கணக்கிட்டு வழங்கப்படும்
என அறிவித்துள்ளது.

இந்த அகவிலைப்படி உயர்வால் 48.85 லட்சம் மத்திய அரசு ஊழியர்களும்,
55.51லட்சம் ஓய்வூதியதாரர்களும் பயன்பெறுவர்.
ஆந்திர மாநிலத்திற்கு சிறப்பு நிதி ஒதுக்கவும் மத்திய அமைச்சரவை
கூட்டத்தில் ஒப்புதல் வழங்கப்பட்டது.

திட்டப்பணிகளுக்கு கூடுதல் நிதி ஒதுக்கவும் அமைச்சரவை கூட்டத்தில்
ஒப்புதல் வழங்கப்பட்டது.

மேலும் ஐ.ஐ.டி. சட்ட திருத்த மசோதாவிற்கும் கூட்டத்தில் ஓப்புதல்
அளித்துள்ளது. பொதுத்துறை தனியார் பங்களிப்புடன் ஐ.ஐ.டி நடத்த
ஒப்புதல் வழங்கப்பட்டுள்ளது.

நாடு முழுவதும் 50 கேந்திரிய வித்யாலயா அமைக்கவும் ஒப்புதல்
வழங்கப்பட்டுள்ளது.
-
---------------------------------
தினமலர்

சிவனாசான் · சிவனாசான் Fri Mar 17, 2017 3:02 pm

அகவிலைப்படி உயர்வு உணவுப்பொருள்கள் விலை உயர்ந்திடும் .
கூலி வேலை செய்யும் சாமான்யர்கள் என்ன செய்வார்கள்.>>>>>>>
நாட்டில் சிப்ட்டுமுறையில் அரசு உத்தியோகம்கொடுத்து நிர்வகம்
செய்னும். அப்பேவேலை நிறுத்தமே செய்ய மாட்டாடார்கள்.
பதினைந்து நாள் ஊதியத்தையே முப்பது நாளுக்கு செலவிடனும்
என்ற நிலை ஏற்பட்டால் லஞ்சம்கொடுத்து தனியார் பள்ளிக்கு
போக மாட்டார்கள் ஊதியம் போதல என்று உண்ணா விரதமும்
இருக்க மாட்டார்கள்.அரசுக்கும்மக்களுக்கும் கடமை உணர்ந்து
சேவை செய்வார்கள்.திறமையாக பணி செய்வோருக்கே ஊக்க
ஊதிய உயர்வும் அளித்திடனும் . எல்லோருக்கும் அளிக்க கூடாது.
இப்படி செய்தால்தான் இனி ஆட்சிநிர்வாகமே செய்ய முடியும் .
இல்லையேல் எருதை கேட்டு கொட்டா கட்ர நிலையையேதான் தொடரும்.
அரசு ஊழியற்கள் சங்கம் என்ற பெயரில் அரசியல் நடத்த முன் வரமாட்
டார்கள். திறமைக்கு ஊக்கம் கொடுக்கனும். ஜாதிக்கு சலுகை
கொடுப்பதை கட்டுப்படுத்தனும்,>>>>>>>>>>>>>>>