12 மணி நேர போராட்டம் முடிவுக்கு வந்தது; பயங்கரவாதி சுட்டுக்கொலை

**ayyasamy ram** · **ayyasamy ram** Wed Mar 08, 2017 6:15 am

லக்னோ:
உ.பி.,யின் லக்னோவில் வீட்டில் பதுங்கிய பயங்கரவாதியை,
12 மணி நேர போராட்டத்துக்கு பின், பயங்கரவாத தடுப்பு
பிரிவு படையினர் சுட்டுக் கொன்றனர்.

ரயில் குண்டுவெடிப்பு:

ம.பி.,யில், போபால் - உஜ்ஜயின் ரயிலில், நேற்று(மார்ச்,7) காலை,
வெடிகுண்டு வெடித்ததில், எட்டு பேர் காயமடைந்தனர்.
இந்நிலையில், இந்த சம்பவத்தில் தொடர்புடையதாக கருதப்படும்
பயங்கரவாதி ஒருவன், உ.பி.,யின் லக்னோவில் பதுங்கியிருப்பதாக,
போலீசாருக்கு, மத்திய உளவு அமைப்புகள் எச்சரிக்கை விடுத்தன.

வீட்டில் பதுங்கல்:

லக்னோவின் புறநகர் பகுதியான, காகோரியில் உள்ள ஒரு வீட்டில்,
பயங்கரவாதி ஒருவன் பதுங்கியிருப்பதை, உ.பி., போலீசாரும்,
பயங்கரவாத தடுப்புப் படையினரும் உறுதி செய்தனர். அதன்படி,
அந்த வீட்டை அவர்கள் சுற்றி வளைத்தனர்.

அருகில் உள்ள வீடுகளில் இருந்த மக்கள், பாதுகாப்பான இடத்துக்கு
அப்புறப்படுத்தப்பட்டனர்.

துப்பாக்கிசூடு:

போலீசார் தன்னை சுற்றி வளைத்ததை உணர்ந்த பயங்கரவாதி,
அவர்கள் மீது துப்பாக்கியால் சுடத் துவங்கினான். அவனை உயிருடன்
பிடிக்க, போலீசார் திட்டமிட்டனர். இருப்பினும் தொடர்ந்து நடந்த
துப்பாக்கி சண்டையில் பயங்கரவாதி சுட்டுக் கொல்லப்பட்டான்.
வீட்டில் இரண்டு துப்பாக்கி, கத்தி உள்ளிட்ட ஆயுதங்கள்
கைபற்றப்பட்டன.

நேற்று மாலை, 3:30 மணிக்கு துவங்கிய இந்த நடவடிக்கையானது
12 மணி நேரத்துக்கு பின் இன்று அதிகாலை 3.40 மணிக்கு முடிவுக்கு
வந்தது. பயங்கரவாதிக்கு ஐ.எஸ்.ஐ.எஸ்., பயங்கரவாத அமைப்புடன்
தொடர்பு இருப்பது உறுதி செய்யப்பட்டுள்ளது.
-
--------------------------------------
தினமலர்

**krishnaamma** · **krishnaamma** Wed Mar 08, 2017 10:09 am

12 மணி நேர போராட்டம் முடிவுக்கு வந்தது; பயங்கரவாதி சுட்டுக்கொலை

12 மணி நேர போராட்டம் முடிவுக்கு வந்தது; பயங்கரவாதி சுட்டுக்கொலை

Re: 12 மணி நேர போராட்டம் முடிவுக்கு வந்தது; பயங்கரவாதி சுட்டுக்கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக