முழுக்க பெண் ஊழியர்களை கொண்டு உலகை வலம் வந்த விமானம்: ஏர் இந்தியா நிறுவனம் உலக சாதனை

**ayyasamy ram** · **ayyasamy ram** Mon Mar 06, 2017 6:24 am

-
புதுடெல்லி:
முழுக்க முழுக்க பெண் ஊழியர்களை கொண்டு உலகம்
முழுவதும் விமானம் ஒன்றை சுற்றி வர செய்து
ஏர் இந்தியா நிறுவனம் உலக சாதனை படைத்துள்ளது.

உலகம் முழுவதும் வருகிற 8ம் தேதி சர்வதேச பெண்கள்
தினம் கொண்டாடப்படுகிறது. இன்றைய நவீன உலகில்
ஆண்களுக்கு இணையாக பெண்களும் பல்வேறு
துறைகளில் சாதனைகளை படைத்து வருகின்றனர்.

சர்வதேச பெண்கள் தினத்தை முன்னிட்டு இந்தியாவில்
உள்ள ஏர் இந்தியா நிறுவனம் புதுமையான சாதனை
ஒன்றை படைத்துள்ளது.

முழுக்க முழுக்க பெண் ஊழியர்களை கொண்டு இயக்கப்படும்
விமானம் ஒன்றை உலகம் முழுவதும் வலம் வர செய்துள்ளது.

இதையடுத்து கடந்த 27-ந் தேதி, டெல்லியில் இருந்து ‘போயிங்’
ரக ஏர் இந்தியா விமானம், அமெரிக்காவின் சான் பிரான்சிஸ்கோ
நகருக்கு புறப்பட்டது. செல்லும்போது, பசிபிக் நாடுகள் வழியாக
சென்ற விமானம், திரும்பி வரும்போது, அட்லாண்டிக் நாடுகள்
வழியாக உலகை சுற்றி வந்து டெல்லி வந்தடைந்தது.

இந்த விமானத்தில் பைலட்கள், ஊழியர்கள், சிப்பந்திகள், தொழில்
நுட்ப பணியாளர்கள், ஓடு பாதை சோதனையாளர்கள், தரை
கட்டுப்பாட்டு பிரிவு ஊழியர்கள் என அனைத்து பிரிவிலும் முழுக்க
முழுக்க பெண்களே பணியாற்றினர்.

தற்போது இதற்கு உலகம் முழுவதிலும் இருந்து ஏர் இந்தியாவுக்கு
பாராட்டுகள் குவிகின்றன. மேலும் உலகிலேயே முதன்முறையாக
முழுக்க முழுக்க பெண்களை கொண்டு இயக்கப்பட்ட விமானம்
என்ற சாதனைக்காக கின்னஸ் சாதனையில் இடம் பெறுவதற்காக
விண்ணப்பித்துள்ளதாகவும் ஏர் இந்தியா தரப்பில் தெரிவிக்கப்
பட்டுள்ளது.

இனி ஒவ்வொரு மார்ச் 8ம் தேதியும் சர்வதேச பெண்கள் தினத்தை
முன்னிட்டு முழுக்க முழுக்க பெண்களால் நிர்வகிக்கப்படும்
விமானத்தை இயக்கப் போவதாக அறிவித்துள்ளது.
–
—————————————-
தினகரன்

முழுக்க பெண் ஊழியர்களை கொண்டு உலகை வலம் வந்த விமானம்: ஏர் இந்தியா நிறுவனம் உலக சாதனை

முழுக்க பெண் ஊழியர்களை கொண்டு உலகை வலம் வந்த விமானம்: ஏர் இந்தியா நிறுவனம் உலக சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக