திருச்செந்தூர் கோவில் மாசித்திருவிழா

**ayyasamy ram** · **ayyasamy ram** Wed Mar 01, 2017 6:08 pm

-
பிப்ரவரி-28
–
திருச்செந்தூர் கோவில் மாசித்திருவிழா கொடியேற்றத்துடன்
நாளை தொடக்கம்: 10-ந்தேதி தேரோட்டம்
–
திருச்செந்தூர் சுப்பிரமணிய சுவாமி கோவிலில்
மாசித் திருவிழா ஆண்டுதோறும் மிகச்சிறப்பாக நடைபெறும்.
இந்த ஆண்டு இத்திருவிழா நாளை கொடியேற்றத்துடன்
தொடங்குகிறது.

இதை முன்னிட்டு அதிகாலை 1 மணிக்கு கோவில் நடை
திறக்கப்பட்டு, 1.30 மணிக்கு விஸ்வரூபம், 2 மணிக்கு
உதயமார்த்தாண்ட அபிஷேகம், தொடர்ந்து காலை 5.30 மணிக்கு
மேல் 6 மணிக்குள் திருக்கோவில் செப்புக் கொடிமரத்தில்
திருவிழா கொடியேற்றப்படுகிறது.

மாலையில் அருள்மிகு அப்பர் சுவாமிகள் திருக்கோவிலிலிருந்து
தங்க சப்பரத்தில் புறப்பட்டு திருவீதிகளில் உழவாரப் பணி
செய்யும் நிகழ்ச்சியும், இரவில் ஸ்ரீபெலி நாயகர் அஸ்திரத்
தேவருடன் தந்தப் பல்லக்கில் 9 சந்திகளில் திருவீதி உலாவரும்
நிகழ்ச்சியும் நடைபெறுகிறது.

திருவிழாவின் முக்கிய நிகழ்ச்சியாக வருகிற 5-ந்தேதி ஐந்தாம்
திருவிழாவை முன்னிட்டு மேலக்கோவிலில் இரவு 7.30 மணிக்கு
குட வருவாயில் தீபாராதனை நடைபெற்று, சுவாமியும் அம்மனும்
தனித்தனி தங்க மயில் வாகனத்தில் வீதி உலா வரும் நிகழ்ச்சி
நடைபெறும். 6-ந் தேதி காலையில் கோரதமும், இரவில் வெள்ளி
ரதமும் வீதி உலா வரும்.

7-ந்தேதி ஏழாம் திருவிழவை முன்னிட்டு அதிகாலை 5 மணி
முதல் 5.30 மணிக்குள் அருள்மிகு சண்முகப் பெருமானின் உருகு
சட்டசேவை நிகழ்ச்சி நடைபெறும். அதைத் தொடர்ந்து காலை
9 மணிக்குள் ஆறுமுகப் பெருமான் வெட்டிவேர் சப்பரத்தில்
எழுந்தருளி, பிள்ளையன் கட்டளை மண்டபம் சேர்கிறார்.

அங்கு சுவாமிக்கு சிறப்பு அபிஷேகம், அலங்காரம், தீபாராதனை
நடைபெற்று, மாலை 4.30 மணிக்கு மேல் சுவாமி தங்கச் சப்பரத்தில்
சிவப்பு சாத்தி எழுந்தருளி, வீதிஉலா வந்து பக்தர்களுக்கு
காட்சியளிக்கிறார்.

**ayyasamy ram** · **ayyasamy ram** Wed Mar 01, 2017 6:09 pm

திருச்செந்தூர் கோவில் மாசித்திருவிழா NZ5mJUICReSAePfUehWl+84aaa810

-
8-ந்தேதி எட்டாம் திருவிழாவை முன்னிட்டு அதிகாலை
பெரிய வெள்ளிச் சப்பரத்தில் வெள்ளை சாத்தி சுவாமி
எழுந்தருளி, திருவீதி வலம் வந்து மேலக்கோவில் வந்ததும்,
சுவாமிக்கு சிறப்பு அபிஷேகம், அலங்காரம், சிறப்பு
தீபாராதனை நடைபெறும்.
பகல் 11.30 மணிக்கு மேல் பச்சை கடைசல் சப்பரத்தில் சுவாமி
பச்சை சாத்தி எழுந்தருளி வீதி உலா வந்து திருக்கோவில்
சேர்கிறார்.

9-ந்தேதி சுவாமி தங்க கயிலாய பர்வத வாகனத்திலும்,
அம்மன் வெள்ளி கமல வாகனத்திலும் எழுந்தருளி வீதிஉலா
வரும் நிகழ்ச்சி நடைபெறும்.

பத்தாம் திருவிழாவான 10-ந்தேதி (வெள்ளிக்கிழமை) காலை
6.30 மணிக்கு தேரோட்டம் நடைபெறுகிறது. இதில் விநாயகர்,
சுவாமி, அம்பாள் தனித்தனி தேரில் ரதவீதிகளில் பவனி
வருவார்கள். 11-ந் தேதி பதினோறாம் திருவிழாவை முன்னிட்டு
இரவு தெப்பத் திருவிழா நடைபெறும். முன்னதாக சுவாமி
மாலையில் யாதவர் மண்டகப் படியில் அபிஷேகம், அலங்காரமாகி
எழுந்தருளி, இரவு தெப்பக்குளம் நகரத்தார் மண்டகப்படி
மண்டபத்துக்கு வந்து சேர்கிறார்.
12-ந் தேதி 12-ம் திருவிழாவுடன் திருவிழா நிறைவு பெறுகிறது.

மாசித் திருவிழாவை முன்னிட்டு 1-ம் திருவிழா மற்றும் 7-ம்
திருவிழா ஆகிய நாட்களில் அதிகாலை ஒரு மணிக்கும், 2,4,5
மற்றும் 12-ம் திருவிழா நாட்களில் அதிகாலை 4 மணிக்கும், மற்ற
நாட்களில் வழக்கம்போல் அதிகாலை 5 மணிக்கும் கோவில்
நடை திறக்கப்பட்டு தொடர்ந்து பூஜைகள் நடைபெறும்.

திருவிழாவுக்கான ஏற்பாடுகளை கோவில் தக்கார் கோட்டை
மணிகண்டன், இணை ஆணையர் வரதராஜன், அலுவலக
கண்காணிப்பாளர் யக்ஞ. நாராயணன் மற்றும் கோவில்
பணியாளர்கள் செய்து வருகின்றனர்.

—————————–
மாலைமலர்

திருச்செந்தூர் கோவில் மாசித்திருவிழா

திருச்செந்தூர் கோவில் மாசித்திருவிழா

Re: திருச்செந்தூர் கோவில் மாசித்திருவிழா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக