நியூயார்க் டைம்ஸ் சதுக்கம்போல மாறுகிறது தியாகராய நகர்

**ayyasamy ram** · **ayyasamy ram** Sun Feb 26, 2017 6:26 am

-
சென்னை தியாகராய நகரில் நடைபாதை வளாகம் அமைக்கும் பணிக்கான இரண்டாம் கட்ட ஒத்திகை சனிக்கிழமை நிறைவு பெற்றது.
நியூயார்க் நகரத்தின் டைம்ஸ் சதுக்கம் எனும் இடத்தில் அமைந்துள்ள நடைபாதை வளாகம் போல், இந்தப் பகுதியை மாற்ற நடவடிக்கை எடுக்கப்பட்டுவருகிறது.

பொலிவு நகர திட்டத்தின் கீழ் சென்னையும் தேர்வு செய்யப்பட்டு, ரூ.1366 கோடி மதிப்பீட்டில் மேம்பாட்டு பணிகள் நடைபெறவுள்ளன. இதில், பகுதி மேம்பாட்டு திட்டத்தின் கீழ் முக்கிய வணிக மையமான தியாகராய நகர் தேர்வு செய்யப்பட்டு, சுமார் ரூ.50 கோடி முதல் ரூ.55 கோடி மதிப்பீட்டில் தியாகராய சாலை (பாண்டி பஜார்) நடைபாதை வளாகம் அமைப்பதற்கான வடிவமைக்கும் பணி நடைபெற்று வருகிறது.

இதற்கான இரண்டாம் கட்ட ஒத்திகை சனிக்கிழமை காலை 8 முதல் மாலை 5 மணி வரை நடைபெற்றது. அப்போது, முன்மாதிரியான நடைபாதை வளாகப் பகுதியில் பொதுமக்களை ஊக்கப்படுத்தும் விதமாக உடல் நலம் குறித்து விழிப்புணர்வு நிகழ்ச்சி, மருத்துவ முகாம், ஓவியப் போட்டி, விளையாட்டு போட்டிகள், யோகா பயிற்சி, உயிர் காக்கும் முதலுதவிக்கான செய்முறை விளக்கம், இசை நிகழ்ச்சிகள் உள்ளிட்ட பல்வேறு நடத்தப்பட்டன.

மேலும், வணிக நிறுவனங்களுக்கு சென்று வர பேட்டரி கார்கள் ஏற்பாடு செய்யப்பட்டு, சிரமமின்றி சென்று வர வசதி செய்யப்பட்டிருந்தது.

"வெளிநாடுகளில் உள்ளதை போன்று தியாகராய நகரில் ஏற்படுத்தப்படுவது மகிழ்ச்சிக்குரியது. இந்தத் திட்டம் அமையும் தருணத்தில் உடல் நலத்துக்கு கேடு இல்லாத காற்றின் மாசுத்தன்மை வெகுவாக குறையும்' என்பன உள்ளிட்ட பல்வேறு கருத்துகளை பொதுமக்கள் கூறினர்.

முன்னதாக, நடைபாதை வளாகம் அமைப்பதற்காக போக்குவரத்து மாற்றம் செய்யப்பட்டது குறிப்பிடத்தக்கது.

பெருநகர சென்னை மாநகராட்சி ஆணையர் தா.கார்த்திகேயன், துணை ஆணையர் (கல்வி) எம்.கோவிந்தராவ், மத்திய வட்டார துணை ஆணையர் சுபோத் குமார், போக்குவரத்து காவல்துறை துணை ஆணையர் ப.அரவிந்தன் உள்ளிட்டோர் பங்கேற்றனர்.
-
தினமலர்

**M.Jagadeesan** · **M.Jagadeesan** Sun Feb 26, 2017 7:54 am

முதலில் உஸ்மான் ரோட்டில் கட்டப்பட்டுள்ள மேம்பாலங்கள் இடிக்கப்படவேண்டும் . அது T . Nagar -ன் அழகையே குலைத்துவிட்டது .

**krishnaamma** · **krishnaamma** Sun Feb 26, 2017 5:52 pm

வணிக நிறுவனங்களுக்கு சென்று வர பேட்டரி கார்கள் ஏற்பாடு செய்யப்பட்டு, சிரமமின்றி சென்று வர வசதி செய்யப்பட்டிருந்தது.

கேட்க நன்றாகத்தான் இருக்கிறது புன்னகை

**krishnaamma** · **krishnaamma** Sun Feb 26, 2017 5:53 pm

M.Jagadeesan wrote:முதலில் உஸ்மான் ரோட்டில் கட்டப்பட்டுள்ள மேம்பாலங்கள் இடிக்கப்படவேண்டும் . அது T . Nagar -ன் அழகையே குலைத்துவிட்டது .

ஆமாம் ஐயா, பலவருடங்களுக்குப் பின் போனவருடம் நாங்கள் தி.நகர் சென்றோம்..............மிகவும் அதிர்ச்சியாக இருந்தது, ஏதோ நாடே இருட்டி விட்டாற்போல இருந்ததது சோகம்

**ராஜா** · **ராஜா** Mon Feb 27, 2017 5:28 pm

krishnaamma wrote:ஆமாம் ஐயா, பலவருடங்களுக்குப் பின் போனவருடம் நாங்கள் தி.நகர் சென்றோம்..............மிகவும் அதிர்ச்சியாக இருந்தது, ஏதோ நாடே இருட்டி விட்டாற்போல இருந்ததது

நான் தி.நகர் பக்கம் போயி பல வருடம் ஆகிறது, சில வருடங்களுக்கு முன் சென்னை வந்தபோது விமான நிலையத்தில் இருந்து அதிரா அக்கா வீட்டுக்கு போனேன்.

யார் வீட்டுக்குள்ளேயே காரை போட்டுட்டு போவது மாதிரி ஒரு பிரம்மை, வழியெங்கும் மேம்பாலங்கள் அடியில் தான் பயணம் சோகம்

நான் பார்த்த சென்னை 10 வருடங்களில் இப்படி ஆகிவிட்டது.

**T.N.Balasubramanian** · **T.N.Balasubramanian** Mon Feb 27, 2017 6:35 pm

டைம்ஸ் ஸ்கொயர் ....நம்ம T Nagar ஆ ? முடியுமா ??
பாண்டி பஜார் மட்டும் என்றால் .......பாண்டி பஜாரிலேயே எல்லாம் முடியாதே.
கும்பல் முழுதும் குமரன் /நல்லி /போத்திஸ் /பிரம்மாண்டமாய் சரவணாஸ் /GRT என்று இருக்கும்போது .
முதலில் traffic control (போக்குவரத்து சீரமைப்பு ) செய்யவேண்டும். பொங்கல் தீபாவளி சமயத்தில் துரைசாமி சப்வே கடப்பதற்கு 100 /120 நிமிடங்கள் ஆகின்றன.
பாண்டி பஜார் பக்கத்தில் உள்ள குடும்பத்தினர் என்ன சொல்கிறார்கள் ...தெரியவில்லை.

ரமணியன்