மாவீரர் நாள்

வித்யாசாகர் · வித்யாசாகர் Thu 26 Nov 2009 - 18:41

மாவீரர் நாள்

ஒரு -
உயிர்போன உடலிலிருந்து
ஒவ்வொரு சொட்டாய்
சொட்டி எரிகிறது -
ஈழ விடுதலைக்காய் காத்திருந்த
அறுபது வருடக் காத்திருப்பின்
பொழுதுகளும்;

கைபாதி
கால் பாதியோடு
உறவுகளை தொலைத்துவிட்டு
உயிர் என்னும் -
ஒற்றை சொல்லில்
ஒட்டிக் கொண்டு எதிர்நோக்கும்
எஞ்சியவர்களின்
விடுதளைக்காவது -

நான் பொறுப்பென
சபதம் -
செய்கிறதா தெரியவில்லை நெருப்பு;

மிக
ஒய்யாரமாக தன்
அகலக் கால் நீட்டி விழுங்குகிறது -
ஒவ்வொரு போராளிகளையாய்!

எரித்துக் கரிந்து
காற்றில் பறந்து - நாசி துளைக்கும்
சாம்பல்களின் ஒவ்வொரு
துளிகளிளிருந்தும் கூட
பிறப்பான் தமிழுக்கான போராளியென்று
நெருப்பிற்கு தெரிய வில்லை போல்;

தெரியப் படுத்தி தீபமேற்றுங்கள்
மாவீரர் தினத்தில்; தீபத்தின் வெளிச்சத்தில் -
பிறக்கட்டும் ஈழ விடுதலைக்கான உணர்வு
ஒட்டுமொத்த தமிழருக்கும்!
-------------------------------------------
வித்யாசாகர்

செந்தில்குமார் · 04/10/2009

"கைபாதி
கால் பாதியோடு
உறவுகளை தொலைத்துவிட்டு
உயிர் என்னும் -
ஒற்றை சொல்லில்
ஒட்டிக் கொண்டு எதிர்நோக்கும்
எஞ்சியவர்களின்
விடுதளைக்காவது "

மிகவும் அழுத்தமான, வேதனை தரும் வரிகள் அண்ணா,
வீறு கொண்டு எழுவோம் , ஈழ விடுதலை உணர்வு எம் மக்களின் ஒவ்வொரு சொட்டு குரிதியிலும் கலந்திருக்கும் .

நன்றி வித்யா சாகர் அண்ணா

வித்யாசாகர் · வித்யாசாகர் Thu 26 Nov 2009 - 20:01

மிக்க நன்றி செந்தில் வெகு நாட்களாக ஈகரைக்கு வரவில்லையோ. ஆம்; ஒவ்வொரு தமிழருக்கும் இவ்விடுதலையின் வேட்கை எழுகையில் ஈழம் இலகுவாய் கிடைத்துவிடும். முன்பை காட்டிலும் நிறைய தமிழர் ஒற்றுமை பெருகித் தான் வருகிறதென்பதில் மகிழ்வே கொள்வோம்; ஆயினும் புயலெழுந்து புறப்பட்ட நெருப்பாய் ஒவ்வொரு இளைய ரத்தங்களும் துடித்தேழவேண்டும் செந்தில்..