எல்லோருக்கும் வாய்க்கிறது காதல்

**ayyasamy ram** · **ayyasamy ram** Tue Feb 21, 2017 6:28 pm

-
உலகம் காதலால் ஆனது. காதலுக்காக ஆனது.
இறைவன் தான் காதலிக்கப்பட வேண்டும் என்பதற்காகவே
படைப்புகளை உண்டாக்கினான். உயர்திணை மட்டுமல்ல
அஃறிணையும் காதலிக்கட்டும் என்பதற்காகவே
எல்லாவற்றையும் ஆண் பெண்ணாகப் படைத்தான்.

கிரகங்களுக்கு ஈர்ப்பு சக்தி இருக்கிறதல்லவா.
அதுவேறொன்றுமில்லை காதல் தான். உயிர்களும்
அப்படித்தான் காதலால் இயங்குகின்றன. காதல் இல்லை
என்றால் அவை இறந்துவிடும்.
–
– கவிக்கோ அப்துல் ரகுமான்.
–
——————————————

**ayyasamy ram** · **ayyasamy ram** Tue Feb 21, 2017 6:28 pm

காதல் என்பது காமமா? இல்லை; அது ஏதோ ஒன்று,
ஏதோ ஒரு விசித்திர உணர்வு. உயிர்மாதிரி உருவமில்லாத
விஷயம். லவ்ங்கிறது காஸ்ட்லி வார்த்தை.

ரெண்டுபேர் சேர்ந்து சொல்ற வார்த்தை! காதலிக்கிறதுக்கு
அர்த்தம் கடைசி காலம் வரைக்கும் சந்தோஷமாய்
இருக்கணும்கற ஆசைதான். அதனால எண்ணித் துணிக
கர்மம் துணிந்த பின் எண்ணுவம் என்பது இழுக்கு.
–
– பாலகுமாரன்
–
——————————————

‘பருவம் கடந்தாலும் கடவாமல் நின்று உருவம் மாறினாலும்
மாறாமல் நின்று உள்ளத்து உணர்ச்சிகளுக்கெல்லாம்
தலைமை வகிப்பது காதலாகும்.

மனிதனுடைய உச்சந்தலை முதல் உள்ளங்கால் வரை
உணர்ச்சிகளை ஓடவிட்டுச் சூழ்நிலைகளை மறக்க வைப்பது
காதலாகும்’.
–
– கவியரசு கண்ணதாசன்
–
———————————————

‘காதல் எல்லோருக்கும் வாய்க்கிறது. காதல் கவிதைகள்
எழுதி காதலிக்கத் துவங்கி, காதலில் தோற்றோ, வெற்றி
பெற்றோ, வாழ்க்கையைத் தொடர்வது பலரின் கதைதான்.

ஒரு காதல் கவிதைகூட எழுதத் தெரியாத நானும்
காதலிக்கிறேன்’
–
– கவிஞர் அ. வெண்ணிலா
–

**ayyasamy ram** · **ayyasamy ram** Tue Feb 21, 2017 6:29 pm

ஒரு பெண்ணைக் காதலிக்கத் தெரியாதவனுக்கு
மண்ணைக் காதலிக்கத் தெரியாது. மனிதர்களையும்
காதலிக்கத் தெரியாது.

இலக்குள் இல்லாத சுயநலம் கொண்ட முரட்டுத்தனமான
இளைஞர்களின் இதயத்தை – இன்னொருவரை நேசிக்கிற,
கனிந்த மனம் உள்ளவனாக ஆக்குவது காதல்
உணர்ச்சிதான்!
–
– கவிஞர் மு. மேத்தா
–
——————————————

காதல் என்பது ஆண், பெண் சம்ப்நதப்பட்டது மட்டுமல்ல!
நம் உடலில் ஏற்படும் ரசாயன மாற்றத்தால் உருவாகிற
நிர்பந்தத்தை மட்டும் காதல் என்று எண்ணாதீர்கள்.

அடிப்படையாக காதல் என்றால் மனநிலையிலான
உணர்வு நிலையிலான ஆழமான ஈடுபாடு,
இந்த ஈடுபாட்டின் காரணமாக மனிதனுக்குள் ஒரு
புதுவிதமான ஆனந்தம் உருவாகிறது.
–
– ஜக்கி வாசுதேவ்
–
——————————————-

நன்றி- குமுதம்

Sponsored content · Sponsored content

எல்லோருக்கும் வாய்க்கிறது காதல்

எல்லோருக்கும் வாய்க்கிறது காதல்

Re: எல்லோருக்கும் வாய்க்கிறது காதல்

Re: எல்லோருக்கும் வாய்க்கிறது காதல்

Re: எல்லோருக்கும் வாய்க்கிறது காதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக