சட்டசபை காவலர்களாக போலீஸ் அதிகாரிகள்; தி.மு.க.வை வெளியேற்ற அனுமதி

சென்னை: சட்டசபையில் இன்று (பிப்.,18) நடந்த களேபரத்தில்
தி.மு.க., எம்.எல்.ஏ.,க்களை வெளியேற்ற 9 போலீஸ்
அதிகாரிகளுக்கு அனுமதி அளித்தது பரபரப்பை ஏற்படுத்தியுள்ளது.


நம்பிக்கை ஓட்டெடுப்பு
-
தமிழக சட்டசபையில் இன்று (பிப்.,18) முதல்வர் இடைப்பாடி
பழனிச்சாமி அரசு மீது நம்பிக்கை ஓட்டெடுப்பு நடந்தது.
ரகசிய ஓட்டெடுப்பு நடத்த கோரி தி.மு.க, எம்.எல்.ஏ.,க்கள்
கோரிக்கை விடுத்தனர்.

எதிர்கட்சியினரின் கோரிக்கையை ஏற்க சபாநயாகர் தனபால்
மறுத்துவிட்டார்.
-

-
தி.மு.க., அமளி
-
இதை கண்டித்து தி.மு.க., எம்.எல்.ஏ.,கள் சபாநாயகர்
இருக்கையை முற்றுகையிட்டு அமளியில் ஈடுபட்டனர்.

இதனால், கடுப்பான சபாநாயகர் சட்டசபை காவலர்கள்
மூலம் தி.மு.க., எம்.எல்.ஏ.,க்கள் வலுக்கட்டாயமாக வெளியேற்ற
உத்தரவிட்டார்.

எதிர்கட்சி தலைவர் ஸ்டாலின் சட்டசபை காவலர்களால்
சட்டை கிழிக்கப்பட்ட நிலையில் வெளியேற்றப்பட்டார்.
தி.மு.க., எம்.எல்.ஏ.,க்களும் வெளியேற்றப்பட்டனர்.



போலீஸ் அதிகாரிகளுக்கு அனுமதி


இந்நிலையில், தி.மு.க., எம்.எல்.ஏ.,க்களை வெளியேற்ற
9 போலீஸ் அதிகாரிகளுக்கு சட்டசபை செயலர் அனுமதி
வழங்கியது பரபரப்பை ஏற்படுத்தி உள்ளது.

அம்பத்துார் போலீஸ் துணை கமிஷனர் சுதாகர் சட்டசபை
காவலர் உடையில் வந்த புகைப்படம் சமூக வலைதளங்களில்
வேகமாக பரவி வருகிறது.

இதுதொடர்பாக, சென்னை போலீஸ் கமிஷனருக்கு
சட்டசபை செயலர் ஜமாலுதீன் அனுப்பிய கடிதத்தில்
கூறியுள்ளதாவது:

தி.மு.க., உறுப்பினர்களை சட்டசபையிலிருந்து
வலுக்கட்டாயமாக வெளியேற்ற சபாநாயகர்
உத்தரவிட்டுள்ளார்.

இதற்காக, சட்டசபையை ஒத்திவைக்கப்படுவதாக
சபாநாயகர் 1.28 மணிக்கு அறிவித்தார்.

சட்டசபை ஒத்திவைக்கப்பட்ட பிறகும் தி.மு.க., உறுப்பினர்
வெளியேற மறுத்து சபைக்குள் அமர்ந்து உள்ளனர்.

சபாநாயகரின் அறிவுறுத்தலின்படி, தி.மு.க.,உறுப்பினர்களை
சட்டசபை வளாகத்திலிருந்து வெளியேற்ற பின்வரும் மூத்த
போலீஸ் அதிகாரிகளை சட்டசபைக்குள் நுழைய அனுமதி
அளிக்கப்படுகிறது.

போலீஸ் அதிகாரிகள் விவரம்:
1. ஸ்ரீதர் - கூடுதல் கமிஷனர்
2. சந்தோஷ் குமார் - இணை கமிஷனர் (மேற்கு)
3. ஜோஷி நிர்மல் குமார் - இணை கமிஷனர் (வடக்கு)
4. சுதாகர் - துணை கமிஷனர் (அம்பத்துார்)
5. ரவி - உதவி கமிஷனர் (பூக்கடை பஜார்)

6.கோவிந்த் ராஜ் - உதவி கமிஷனர் (மடிப்பாக்கம்)
7. சிவ பாஸ்கர் - உதவி கமிஷனர் (கீழ்பாக்கம்)
8. முத்தழகு - உதவி கமிஷனர் (பூந்தமல்லி)
9. தேவராஜ் - உதவி கமிஷனர் (கட்டுப்பாட்டு அறை)

சென்னை போலீஸ் அதிகாரிகளை சட்டசபை காவலர்களாக
பயன்படுத்திய சம்பவம் தமிழக அரசியலில் பெரும் பரபரப்பை
ஏற்படுத்தி உள்ளது.
-
தினமலர்