நெருடல்

முனைவர் ப.குணசுந்தரி · 18/07/2015

எதிர்பார்ப்பும்
காத்திருப்பும்
குறைந்துவிட்டது

ஓடிவந்து
ஒட்டிக்கொள்வதும்
நடப்புகளை விவரிப்பதும்
காணாமல் போனது

இவளின்
எங்கம்மா சலுகையில்
என்னருகே
வருவதேயில்லை அவன்

ஓரிரு முறை
எனக்கும் அம்மா தான்
போடி என்றாலும்
விலகியே நிற்கிறான் மனதால்

அவளின்
குலை நடுங்கும் அழுகையில்
அவன் மருளும்
ஒவ்வொரு முறையும் நினைப்பதுதான்

குழந்தைகளை
அடிக்கவோ பேசவோ கூடாதென்று

கட்டுப்பாடற்ற
வார்த்தையிலும் செயலிலும்
அவர்கள் வயதைவிட
இறங்கிப் போகிறேன்

கதை சொல்வதில்லை
விளையாடுவதில்லை
சிரிப்பதில்லை
இப்படி ஏன் மாறிப்போனாய்
பிடிக்கவே இல்லை அம்மா என்கிறான்

மடியில் அமர்ந்து கதை பேசி
கன்னம் உரசி
தோளில் சாய்ந்து
நெஞ்சோடு அணைந்திருந்த
காலங்களை
நினைவு கூர்கிறான் இவ்வயதில்

இப்பொழுதெல்லாம்
அவனின்
வாய் நிறைந்த வார்த்தைகள்
இவை

பிடிக்கவில்லை
வேண்டாம் அவள்
பெருந்தொல்லை
போ இங்கிருந்து
நான் போகிறேன்
அனுப்பிவிடு அவளை
இப்படி........

மனநலம்
மண்ணுயிர்க்கு ஆக்கமல்லவா

என் குடும்பம்
என் குழந்தைகள்
எப்படி நேர் செய்வது
இயலாமையில்

பாரதியின்
மனை வாழ்ந்திடச் செய்பவள் அன்னை
வார்த்தைகள்
நெருடலாய் மனதில்

குணசுந்தரி தர்மலிங்கம்

**T.N.Balasubramanian** · **T.N.Balasubramanian** Thu 9 Feb 2017 - 8:31

மிகவும் அருமை
நெருடலும் ரசிக்கவே செய்கிறது.
ரமணியன்

முனைவர் ப.குணசுந்தரி · 18/07/2015

நன்றி ஐயா.

Sponsored content · Sponsored content

நெருடல்

நெருடல்

Re: நெருடல்

Re: நெருடல்

Re: நெருடல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக