சென்னை மெரினாவில் விதிக்கப்பட்ட 144 தடை உத்தரவு விலக்கிக் கொள்ளப்பட்டது: ஆணையர் ஜார்ஜ்

**ayyasamy ram** · **ayyasamy ram** Sat Feb 04, 2017 8:15 pm

-
சென்னை மெரினாவில் பொதுமக்கள் கூடுவதற்கு எதிராக
விதிக்கப்பட்டிருந்த 144 தடை உத்தரவு வாபஸ் பெறுவதாக
அறிவிக்கப்பட்டுள்ளது.

தமிழகத்தில் ஜல்லிக்கட்டு நடத்துவதை வலியுறுத்தி
சென்னை மெரினா கடற்கரையில் மாணவர்கள் உட்பட
பொதுமக்கள் பலரும் கடந்த மாதம் 18-ம் தேதி ஒன்று கூடி
தொடர்ச்சியாக அறப்போராட்டத்தில் ஈடுபட்டனர்.

பின்னர் ஜல்லிக்கட்டு நடத்துவதற்கான புதிய சட்டம்
அறிமுகம் செய்யப்பட்டதையடுத்து மாணவர்களை
கலைந்து செல்லும்ப்டி போலீசார் கேட்டுக் கொண்டனர்,

ஆனால் இதில் திடீர் குழப்பம் ஏற்பட போலீஸார் வலுக்
கட்டாயமாக மாணவர்களைக் கலைத்ததில் வன்முறைகள்
நிகழ்ந்தன.

இந்த சம்பவங்களையடுத்து சென்னை மெரினா கடற்
கரையில் பொதுமக்கள் கூடுவதற்கு தடை விதிக்கும்
144 தடை உத்தரவைப் பிறப்பித்தார் காவல்துறை
ஆணையர் ஜார்ஜ்.

இந்த உத்தரவு பிப்ரவரி 12-ம் தேதி வரை அமலில் இருக்கும்
என்று அவர் தெரிவித்திருந்தார்.

ஆனால் தற்போது 144 தடை உத்தரவை பராமரிக்க
வேண்டிய சூழ்நிலை இல்லாததாலும், நிலமைகள்
கட்டுக்குள் இருப்பதாலும் அந்த உத்தரவை வாபஸ்
பெறுவதாக அறிக்கை ஒன்றில் ஆணையர் ஜார்ஜ்
அறிவித்துள்ளார்.

ஆனால் சென்னை மாநகர் காவல் சட்டப்பிரிவு 41-ன் படி
மக்கள் அனுமதியின்றி கூடுவதற்கான, போராட்டங்கள்
நடத்துவதற்கான தடை நீடிப்பதாக அவர் அந்த
அறிக்கையில் கூறியுள்ளார்.
-
------------------------------
தி இந்து

சென்னை மெரினாவில் விதிக்கப்பட்ட 144 தடை உத்தரவு விலக்கிக் கொள்ளப்பட்டது: ஆணையர் ஜார்ஜ்

சென்னை மெரினாவில் விதிக்கப்பட்ட 144 தடை உத்தரவு விலக்கிக் கொள்ளப்பட்டது: ஆணையர் ஜார்ஜ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக