நினைவு குப்பை

சசி · சசி Fri Feb 03, 2017 8:00 pm

பாவாடை சட்டையில்
பள்ளி செல்லும் போது
கொஞ்சலாய் சீண்டும்
எதிர் வீட்டு அண்ணண்
அப்போது எதார்த்தமாய்
தீண்டுகிறான் என
நினைத்துவிட்டேன்
அவனது பாலியல்
இச்சைக்கு
பாவாடை சட்டையின்
பருவம்
கூட கண்ணுக்கு
விருந்தாயின...

பதின்ம வயதில் பள்ளியில்
நண்பர்கள் தோள் சாயும்
போது தீண்டும் தீண்டல் கூட
யதார்த்தமானதாகவே
எண்ணியது
மனம்
அவனோ நண்பன் போர்வையில்
வக்கிரத்தோடு வாரி அணைக்க
துடித்தவன் என்று பிறகு தான்
கண்டு கொண்டேன்..

கல்லூரி நாட்களில்
விட்டில் பூச்சி
விளக்கில் விழுந்த கதையாய்
காதலில் விழுந்து
மொத்தமாய் தொலைந்தேன்..

இவையெல்லாம்
மூளையின் ஓரமாய்
அமர்ந்து அவ்வப்போது
எட்டிப்பார்த்து
ஏளனமாய் சிரிக்கிறது..

அன்பு கணவன் மட்டும் தான்
தேடலின் ஆரம்பம்
என்று
நினைக்க தொடங்கிய
கணத்தில்
ஆரம்பித்ததெல்லாம்
காமத்தின் தேடல் தான்
என்று
கட்டிய கணவன்
யோனியை கிழித்து
பொங்கும் உதிரத்தின் வழியே
உயிரையும் உணர்வையும்
உ றிஞ்சிவிட்டப்பிறகு
உணர்த்திவிட்டான்..

நினைவு குப்பைகளிலிருந்து
நீக்கி விட நினைக்கின்றேன்
நீங்கி
விடாமல் நிலையாய்
பிடித்து கொண்டிருக்கிறது
மனம்.

சசி