நள்ளிரவில் மெரினா

ச. சந்திரசேகரன் · 17/09/2012

நள்ளிரவில் மெரினா

காரிருள் நிலைமாறி
கடற்கரை மனிதனின்
கைப்பேசிக் கண்கள்
கனலாய்க் கொதித்தன

மென்பொருள் வல்லுநர்
மெல்லப் பேசாமல்
மெருகேறிப் போய்
மண்வளம் பேசினர்

வன்பொருள் வல்லுநர்
வணிகம் பேசாமல்
வாட்டும் குளிரில்
விவசாயம் பேசினர்

மாணவ மணிகள்
மாபெரும் புரட்சியாய்
மாநிலம் முழுவதும்
மாட்டை போற்றினர்

காளையர் கன்னியர்
காதலை மறந்து
கடற்கரை மணலில்
காளையை மீட்டனர்

காவல் நண்பர்கள்
கண்ணியம் மாறாது
கடமைக்கு இடையில்
காளையைப் போற்றினர்

நல்லவர் பலரும்
நிசப்தம் கலைத்து
நிஜ சப்தங்களால்
நிஜங்களை உரைத்தனர்

காலையில் வேலையும்
கடற்கரையில் மாலையும்
கனவான்கள் மாறிமாறி
காரியம் ஆற்றினார்

குடும்பத் தலைவியர்
குடும்பத்தோடு கடற்கரையில்
கடுகடுத்த முகத்தோடு
கெடுவைத்துப் பேசினர்

காத்திடுவோம் கலாச்சாரம்
காத்திடுவோம் பாரம்பரியம்
காத்திடுவோம் காளைதனை
காத்திடுவோம் விவசாயம்
ச.சந்திரசேகரன்

சிவனாசான் · சிவனாசான் Sat 21 Jan 2017 - 10:15

படிப்பைவிட மாணவ மாணவிகளிக்கு மெரினா கடற்கரை இனிமை
தருகிறது போலும். இவ்வாறு கூடுவதற்கு சில ஊடகங்களும் உற்சாக
மூட்டிஉதவி புரிகின்றன என்பதும் பொய்யல்லவே>>>>>>>>>>
பள்ளியை மறந்தவன் கல்வி இழப்பான்...........எதையும் சட்டப்படித்தான்
எதிர்கொண்டு வெற்றிபெறனும். படை சேர்ந்து சேர்த்து பயமுறுத்தி
பெறுவது பெருமைதராது. இக்காரணங்களினாலோ என்னவோ
இந்திர பகவான் ஸ்ரைக் செய்கிறார் போலும்>>>>>>>>>

**M.Jagadeesan** · **M.Jagadeesan** Sat 21 Jan 2017 - 10:44

இந்திர பகவானா ? வருண பகவான் என்று சொல்லுங்கள் !

**T.N.Balasubramanian** · **T.N.Balasubramanian** Sat 21 Jan 2017 - 11:08

காலத்தே உதித்த நற்கவிதை,
சாலச் சிறந்ததே.
வாழ்த்துக்கள் சந்திரா!

ரமணியன்

**ayyasamy ram** · **ayyasamy ram** Sat 21 Jan 2017 - 11:15

சிவனாசான் wrote:படிப்பைவிட மாணவ மாணவிகளிக்கு மெரினா கடற்கரை இனிமை
தருகிறது போலும். இவ்வாறு கூடுவதற்கு சில ஊடகங்களும் உற்சாக
மூட்டிஉதவி புரிகின்றன என்பதும் பொய்யல்லவே>>>>>>>>>>
பள்ளியை மறந்தவன் கல்வி இழப்பான்...........எதையும் சட்டப்படித்தான்
எதிர்கொண்டு வெற்றிபெறனும். படை சேர்ந்து சேர்த்து பயமுறுத்தி
பெறுவது பெருமைதராது. இக்காரணங்களினாலோ என்னவோ
இந்திர பகவான் ஸ்ரைக் செய்கிறார் போலும்>>>>>>>>>

[url=http://www.eegarai.net/t134667-
topic#1231917]மேற்கோள் செய்த பதிவு: 1231917[/url]
---
அமைதி வழியில் நடக்கும் போராட்டத்தைக் கண்டு
இந்திர பகவான் உள்ளம் குளிர்ந்தார்....!!!
-
இன்றும் நாளையும் மழை பொழியும்
-
#வானிலை அறிக்கை

**T.N.Balasubramanian** · **T.N.Balasubramanian** Sat 21 Jan 2017 - 11:17

சிவனாசான் wrote:படிப்பைவிட மாணவ மாணவிகளிக்கு மெரினா கடற்கரை இனிமை
தருகிறது போலும்.

கொச்சை படுத்துவதுபோல் தெரிகிறதே !! சோகம்

இதையும் படியுங்கள்

டெல்லி:

தமிழ்நாட்டை பார்த்து டெல்லி பாடம் கற்க வேண்டும்
என என்டிடிவி ஆசிரியர் இயக்குனர் சோனியா சிங்
தெரிவித்துள்ளார்.

ஜல்லிக்கட்டு ஆதரவாக சென்னை மெரினா உட்பட தமிழகம்
முழுவதும் இளைஞர்கள் ஆர்ப்பாட்டம் நடத்தி வருகின்றனர்.
இரவு பகல் பாராமல் இளைஞர்களுடன் பெண்களும்
போராட்டத்தில் ஈடுபட்டுள்ளனர்.

இந்நிலையில் இதுகுறித்து என்டிடிவி ஆசிரியர் இயக்குனர்
சோனியா சிங் தெரிவித்துள்ளதாவது: ஜல்லிக்கட்டு ஆதரவாக
சென்னை மெரினாவில் இளைஞர்களுடன் பெண்களும் இரவு
முழுவதும் போராட்டம் நடத்தி வருகின்றனர்.

ஆனால் அவர்களுக்கு எந்த வித தீண்டலோ, பயமோ
ஏற்படவில்லை. பாராட்டத்தக்க இந்த விஷயத்தை பார்த்து
டெல்லி பாடம் கற்றுக்கொள்ள வேண்டும் என சோனியா சிங்
கூறியுள்ளார்.
-

ரமணியன்

சிவனாசான் · சிவனாசான் Sat 21 Jan 2017 - 12:16

இப்படி கல்வி கற்கும் செயலை விட்டு பொது நலன் தமிழ்நாடு பாரம்பரியம்
கலாச்சாரம் என்று செயல்படுவதை பார்த்தால் வருங்கால அரசியல் நிர்வாகம்
எப்படி ஆகுமோ என்று அய்யுரவேண்டியதாக உள்ளது??????????அரசுக்குபடிப்பினை
அளிக்க தன்படிப்பை முடித்து விட்டுசெயல்பட்டால் நலம். ஏன் அரசு ஆளவும் கட்சி
துவங்கி போராடலாம் அது விவேகமாக அமையும். கல்விக்கூடத்தில் அரசியல்
புகுந்தால் கல்விக்கூடம் கல்விக்கூடமாக பரினமிக்காதுங்க>>>>>எதிர்காலம்>>>

**M.Jagadeesan** · **M.Jagadeesan** Sat 21 Jan 2017 - 12:31

ஐயா !

நீங்கள் சொல்லும் கல்விக்கூடத்தில்தான் கலித்தொகை கற்பிக்கப்படுகிறது . அந்த கலித்தொகையில் முல்லைக்கலியில்

கொல்லேற்றுக் கோடஞ்சுவானை மறுமையும்
புல்லாளே ஆய மகள்

என்ற வரிகள் உள்ளன .

அதாவது காளையின் கொம்புக்களுக்கு அஞ்சுபவனை ஆயமகள் மணந்துகொள்ள மாட்டாள் என்பது இதன்பொருள் .

இந்த வீர விளையாட்டுக்கு இப்போது தடை வந்துள்ளது . எனவே மாணவர்கள் போராடுவதில் என்ன தவறு ?