நீண்ட காலத்துக்குப் பிறகு அரசு விழாவில் எதிர்க்கட்சித் தலைவர் பங்கேற்பு

**ayyasamy ram** · **ayyasamy ram** Fri Jan 27, 2017 5:35 am

சென்னை:
தமிழக அரசு சார்பில், சென்னை கடற்கரை சாலையில்
வியாழக்கிழமை நடைபெற்ற குடியரசுதின விழாவில்
எதிர்க்கட்சித் தலைவர் மு.க.ஸ்டாலின், திமுக எம்.எல்.ஏ.,க்கள்
சிலர் கலந்து கொண்டனர்.

நீண்ட காலத்துக்குப் பிறகு, எதிர்க்கட்சித் தலைவர் உள்பட
எதிர்க்கட்சியைச் சேர்ந்த சட்டப் பேரவை உறுப்பினர்கள்
அரசு விழாவில் பங்கேற்றது குறிப்பிடத்தக்கது.

எதிர்க்கட்சித் தலைவர் மு.க.ஸ்டாலினுக்கு முக்கிய பிரமுகர்கள்
பகுதியில் இடம் ஒதுக்கப்பட்டிருந்தது.
அவர் காலை 7.15 மணியளவில் குடியரசு தின விழா நடைபெற்ற
காந்தி சிலை அருகே வந்தார். அவருடன் திமுக எம்.எல்.ஏ.,க்கள்
துரைமுருகன், மா.சுப்பிரமணியன், பி.கே.சேகர்பாபு, ரங்கநாதன்,
தாயகம் கவி உள்ளிட்ட பலரும் வந்திருந்தனர்.

அவர் அமர்ந்திருந்த இருக்கைக்கு அருகே வி.சரோஜா,
வெல்லமண்டி நடராஜன் உள்ளிட்ட அமைச்சர்கள் இருந்தனர்.
முதல்வர் ஓ. பன்னீர் செல்வத்துடன் அவரது குடும்பத்தினரும்
இந்த விழாவில் கலந்து கொண்டனர் என்பது குறிப்பிடத்தக்கது.
-
தினமணி

**M.Jagadeesan** · **M.Jagadeesan** Fri Jan 27, 2017 8:44 am

முன்னாள் முதல்வர் ஜெயலலிதா அவர்கள் எதிர்க்கட்சிகளை எதிரிகளாகவே நினைத்தார் . ஆனால் OPS அவர்கள் அவ்வாறில்லை . எல்லோரையும் அரவணைத்துச் செல்கிறார் . இசுடாலின் அவர்கள் OPS அவர்களுக்குப் பிறந்தநாள் வாழ்த்து சொல்கிறார் . இந்த நயத்தக்க நாகரிகம் தொடருவது நல்லது .

**T.N.Balasubramanian** · **T.N.Balasubramanian** Fri Jan 27, 2017 10:50 am

இந்த தலைமுறையிலாவது இம்மாதிரி நாகரீக செயல்பாடுகள் வெளிப்பட்டால் நல்லது.
வடநாட்டில் மோதியும் சோனியாவும் அரசியல் /அரசியல் அல்லாத நிகழ்ச்சிகளில் சந்திக்கும்போது ,
பேசிக்கொள்ளுவதும் வாழ்த்துகள் கூறிக்கொள்வதையும் பார்க்கையில் தமிழ்நாட்டில் ஏன் அந்த நாகரீகம் துளிர்க்கவில்லை என ஏங்கியது உண்டு. உடல்நலமின்றி இருக்கையில் விசாரிப்பதும் ,சீக்கிரமே நலம் பெற
மலர்ச்செண்டுகள் அனுப்புவதும் நாம் கற்றுக்கொள்ளவேண்டிய அரசியல் நாகரீகம்.
தொடர வாழ்த்துகள்.
ரமணியன்

**T.N.Balasubramanian** · **T.N.Balasubramanian** Fri Jan 27, 2017 5:15 pm

ஆனால் ADMK யிலேயே வேறு ஒருவர் அறிவுறுத்தலின் பேரில்,அதிகம் பேர் வராமல், இருந்தார்களாம்.

வருத்தம், வெட்கம், நம் தலைவிதி.

ரமணியன்

Sponsored content · Sponsored content

நீண்ட காலத்துக்குப் பிறகு அரசு விழாவில் எதிர்க்கட்சித் தலைவர் பங்கேற்பு

நீண்ட காலத்துக்குப் பிறகு அரசு விழாவில் எதிர்க்கட்சித் தலைவர் பங்கேற்பு

Re: நீண்ட காலத்துக்குப் பிறகு அரசு விழாவில் எதிர்க்கட்சித் தலைவர் பங்கேற்பு

Re: நீண்ட காலத்துக்குப் பிறகு அரசு விழாவில் எதிர்க்கட்சித் தலைவர் பங்கேற்பு

Re: நீண்ட காலத்துக்குப் பிறகு அரசு விழாவில் எதிர்க்கட்சித் தலைவர் பங்கேற்பு

Re: நீண்ட காலத்துக்குப் பிறகு அரசு விழாவில் எதிர்க்கட்சித் தலைவர் பங்கேற்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக