'பணம் எடுப்பதற்கான கட்டுப்பாடுகள் பிப்ரவரிக்குள் நீங்கும்'

வங்கிகள் மற்றும் ஏடிஎம் மையங்களில் பணம் எடுக்க
விதிக்கப்பட்டுள்ள கட்டுப்பாடுகள் பிப்ரவரி மாத இறுதிக்குள்
நீக்கப்படும் என்று வங்கி அதிகாரிகள் நம்பிக்கை
தெரிவித்துள்ளனர்.

புதிய ரூபாய் நோட்டுகளின் புழக்கம் அதிகரித்து வருவதையடுத்து,
அதுதொடர்பான முடிவை ரிசர்வ் வங்கி விரைவில் எடுக்கும் என்றும்
அவர்கள் கூறியுள்ளனர்.

ரூபாய் நோட்டு வாபஸ் நடவடிக்கைக்குப் பிறகு நாட்டில் பணப்
புழக்கம் வெகுவாகக் குறைந்தது. ஏடிஎம் மையங்களில் நாளொன்றுக்கு
ரூ.2,000 மட்டுமே எடுக்க முடியும் என்று முதலில் மத்திய அரசு
அறிவித்தது. பிறகு அந்த அளவு படிப்படியாக உயர்த்தப்பட்டு, தற்போது
நாளொன்றுக்கு ரூ.10,000 வரை எடுக்கலாம் என அறிவிக்கப்பட்டுள்ளது.

அதேவேளையில், வங்கிகளில் வாரத்துக்கு அதிகபட்சமாக
ரூ.24,000 மட்டுமே எடுக்க முடியும் என்ற நிலை நீடிக்கிறது. நடப்புக்
கணக்காக இருக்கும்பட்சத்தில் அந்த வரம்பு ரூ.1 லட்சமாக உள்ளது.

ஏடிஎம் மையங்களில் பணம் எடுப்பதற்கான கட்டுப்பாடுகள் ஓரளவு
தளர்த்தப்பட்ட போதிலும், வங்கிகளில் ரொக்கமாக பணம் எடுப்பதில்
சில வரம்புகள் நீடிக்கின்றன. இந்நிலையில், இந்தக் சிக்கல்கள்
அனைத்தும் அடுத்த மாத இறுதிக்குள் தீரும் என்று மகாராஷ்டிர
வங்கியின் நிர்வாக இயக்குநர் ஆர்.கே.குப்தா நம்பிக்கை தெரிவித்துள்ளார்.

நிலைமையைப் பொறுத்து தகுந்த முடிவை ரிசர்வ் வங்கி எடுக்கும் என்றும்
அவர் கூறியுள்ளார்.

இதேபோன்று பாரத ஸ்டேட் வங்கி மேற்கொண்ட ஆய்வில்,
புதிய ரூபாய் நோட்டுகளின் புழக்கம் பிப்ரவரி இறுதிக்குள் 88 சதவீதம்
வரை அதிகரித்து விடும் என்றும், அதன் காரணமாக பணத்தட்டுப்பாடு
குறையும் என்றும் தெரிவிக்கப்பட்டுள்ளது.

அடுத்த இரு மாதங்களுக்குள் இயல்பு நிலை திரும்புவதற்கான வாய்ப்புகள்
நிறைய உள்ளதாகவும் அந்த அறிக்கையில் குறிப்பிடப்பட்டுள்ளது.

வாபஸ் பெறப்பட்ட பழைய நோட்டுகளுக்கு மாற்றாக ரூ.9.2 லட்சம் கோடி
மதிப்பிலான புதிய ரூபாய் நோட்டுகள் புழக்கத்தில் விடப்பட்டுள்ளதாக
ரிசர்வ் வங்கி ஆளுநர் உர்ஜித் படேல் அண்மையில் தெரிவித்திருந்தார்.

நாடு முழுவதும் நீடிக்கும் பணத்தட்டுப்பாடு விரைவில் நீங்கும் என்றும்
அவர் நம்பிக்கை தெரிவித்திருந்தது குறிப்பிடத்தக்கது.
-
---------------------------------------------
தினத்தந்தி

நல்ல டகவல் பகிர்வுக்கு நன்றீ

நல்ல தகவல் பகிர்விற்கு நன்றி

அட போங்கடா .............

நாடு முழுவதும் நீடிக்கும் பணத்தட்டுப்பாடு விரைவில் நீங்கும் என்றும்
அவர் நம்பிக்கை தெரிவித்திருந்தது குறிப்பிடத்தக்கது.

அப்பப்போ இப்படி அறிக்கை விடுகிறார்கள்..........ஆனால் என்று தான் பணத்தட்டுப்பாடு நீங்கும் என்று தெரியவில்லை.............