செய்திகள் என்ன சொல்லுது?...தொடர் பதிவு !

ந.க.துறைவன் · ந.க.துறைவன் Thu Jan 26, 2017 11:45 am

1.
நாட்டின் பொருளாதாரம் சீராக ஒன்றரை ஆண்டுகள் ஆகும்
பொருளாதார நிபுணர் ஆனந்த் எஸ்.சீனிவாசன் கருத்து.

1. கறுப்பு பணம், கள்ளப் பணம் தீவிரவாதத்தை ஒடுக்குவதற்காக என்று கூறி, பணமதிப்பு நீக்க நடவடிக்கையை பிரதமர் மோடி அறிவித்தது மிகவும் தவறான முடிவு.
2. உலகின் எந்த நாட்டிலும் பணமில்லாத பரிவர்த்தனை 100% சதவீத அளவுக்கு நடப்பதில்லை. வளர்ந்த நாடுகளான அமெரிக்காவில் 46 சதவீதம், பிரான்ஸ் 45%, ஜெர்மனி 86%, ஆஸ்திரேலியா 66% பணமில்லா பரிவர்த்தனை நடக்கிறது. இந்தியாவில் 100% பணமில்லா பரிவர்த்தனை மேற்கொள்வது சாத்தியமில்லை. ஏனென்றால், நாட்டின் மொத்த மக்கள் தொகையில் 10 சதவீதம் பேர்தான் இணையம் சேவையை பயன்படுத்துகின்றனர். உத்தரபிரதேசம், பிஹார் போன்ற மாநிலங்களில் இன்னும் முழுஅளவில் மின்சார வசதியே கிடைக்கவில்லை.
3. ரிசர்வ் வங்கி போதிய அளவு பணம் அச்சடித்து வழங்கினால் தான், பணமதிப்பு நீக்க நடவடிக்கையால் ஏற்பட்டுள்ள பணத்தட்டுப்பாடு பிரச்சினை தீரும். பொருளாதார வளர்ச்சி சீராக இன்னும் 12 முதல் 18 மாதங்கள் ஆகும்.
மக்கள் பாடு இன்னும் ஒன்றரை வருடத்திற்கு துயரம் தான் போல தெரியுது. நாட்டு மக்கள் மீது மோடி திணித்து பணவன்முறை இது என்றே கூறலாம்.
2.
உச்ச நீதிமன்றத்தில் பிராணிகள் நல அமைப்பு சார்பில் ஜல்லிக்கட்டு புதிய சட்டத்துக்கு எதிராக மீண்டும் வழக்கு.
மீண்டும் வேதாளம் முருக்கை மரத்தில் ஏறுகிறது. பிரச்சினை மேலும் வளர்கிறது. தீர்வுதான் என்ன???
3. 89 பேருக்கு பத்ம விருதுகள் அறிவிப்பு.
பெரும்பாலும் இந்த விருதைப் பெற்றுள்ளவர்கள். யார் எப்படிப்பட்டவர்கள் என்று யோசித்து பாருங்கள்.

ஆதாரம் ; தி இந்து – நாளிதழ் – 26-01-2017.
தகவல் ; ந.க.துறைவன்.

**M.Jagadeesan** · **M.Jagadeesan** Thu Jan 26, 2017 5:26 pm

ஓடியே மக்களெல்லாம் கால்சலித்தார் வங்கியை
நாடியே போக்குகிறார் நாளெல்லாம் - மோடியால்
ஆடியே போனதய்யா மக்களின் வாழ்வெல்லாம்
நீடுதுயர் நீங்குமோ சொல் .

**krishnaamma** · **krishnaamma** Thu Jan 26, 2017 5:33 pm

M.Jagadeesan wrote:ஓடியே மக்களெல்லாம் கால்சலித்தார் வங்கியை
நாடியே போக்குகிறார் நாளெல்லாம் - மோடியால்
ஆடியே போனதய்யா மக்களின் வாழ்வெல்லாம்
நீடுதுயர் நீங்குமோ சொல் .

மேற்கோள் செய்த பதிவு: 1232515

அருமை அருமை அருமை ஐயா!..............மக்களின் நிலைமையை அழகாக வடித்துவிட்டீர்கள் கவிதையாக............ மகிழ்ச்சி

ந.க.துறைவன் · ந.க.துறைவன் Sun Jan 29, 2017 10:49 am

செய்திகள் என்ன சொல்லுது?
*
1. உலகின் மிகப் பெரிய வர்த்தக நிறுவனமான “ அமேசான் ” அதன் கனடா நாட்டுப் பிரிவு இந்தியாவின் தேசியக் கொடியில் இடம் பெற்றுள்ள மூவர்ண நிறத்தில் கால்மிதியடிகளைத் தயாரித்தற்காகக் கடுமையாக எச்சரிக்கபட்டு, மன்னிப்புக் கேட்க வைக்கப்பட்டது.
இந்தியாவில் யோகா குரு பாபா ராம்தேவ் நடத்தும் பதஞ்சலி நிறுவனம் கூட பதஞ்சலியின் பெயரில் கால்மிதியடிகளைத் தயாரித்து விற்பனை செய்கின்றன என்கிறார்களே உண்மையா? அதற்கென்ன செய்யப் போகிறது இந்திய அரசு.
2. கம்பளா போட்டிக்கு அவசர சட்டம். கர்நாடக முதல்வர் சித்தராமையா முடீவு.
மற்ற மாநிலங்களிலும் இதுபோன்ற போட்டிகள் நடைபெற்று வருகின்றன. அவர்களும் போராட்டக்களத்திற்கு விரைவில் இறங்குவார்கள் போல தெரிகின்றது.
3. பேமெண்ட் வங்கி தொடங்க தபால்துறைக்கு ரிசர்வ் வங்கி அனுமதி.
ஆதித்யா பிர்லா நுவோ, பினோ பெடெக், எஸ்எஸ்டிஎல், ரிலையனஸ், வோடபோன் ஆகிய நிறுவனங்களுக்கு கொள்கை அளவிலான அனுமதி கிடைத்திரு்க்கிறது.
எல்லாமே தனியார்துறைக்கு தாராளமாக அனுமதிக்கபட்டுள்ளது.
தபால்துறையை இன்னும் கொஞ்சநாளில் ஊத்தி மூடிவிடுவார்கள் போல தெரிகிறது.
ஆதாரம் jதி இந்து – நாளிதழ் – 29-01-2017.
தகவல் ; ந.க.துறைவன்.

சிவனாசான் · சிவனாசான் Mon Jan 30, 2017 7:10 am

பதினோரு முட்டாள்கள் விளையாடுவதை பதினோராயிரம் முட்டாள்கள்
பார்த்திடும் விளையாட்டுதான்>கிரிக்கெட் = பெர்னாட்சா.

**M.Jagadeesan** · **M.Jagadeesan** Mon Jan 30, 2017 7:44 am

இத்தனைக்கும் பெர்னாட்ஷா , கிரிக்கெட் தோன்றிய , இங்கிலாந்து மண்ணில் பிறந்தவர் .

**krishnaamma** · **krishnaamma** Mon Jan 30, 2017 10:29 pm

இதை தொடர் பதிவாக போடுகிறேன் துறைவன் ஐயா புன்னகை

**krishnaamma** · **krishnaamma** Mon Jan 30, 2017 10:32 pm

தொடர்ந்து நீங்கள் இதில் பதிவிடலாம், படிக்க எதுவாக இருக்கும் ஐயா புன்னகை

ந.க.துறைவன் · ந.க.துறைவன் Fri Feb 17, 2017 9:37 am

செய்திகள் என்ன சொல்லுது?
*
1.
முதல்வராக எடப்பாடி பழனிசாமி பதவியேற்பு.
இது எத்தனை நாளைக்கு பதவியோ? வாழ்த்துக்கள்.
2.
சொத்துக் குவிப்பு வழக்கில் உச்ச நீதிமன்ற தீர்ப்பு. திமுக நடத்திய சட்டப் போராட்டத்துக்கு கிடைத்த வெற்றி. திமுக செயல்தலைவர் மு.க.ஸ்டாலின் பெருமிதம்.
உங்க கட்சியிலேயும் வழக்கு நிலைவையில் இருக்குங்க. ஞாபமிருக்கட்டும் தலைவரே!
3.
சிறையில் வெள்ளை சேலை சீருடையில் சசிகலா.
மனம் அமைதி பெற சிறந்த ஆடை வெள்ளை என்பதால் சிறைத்துறை தேர்வு செய்து கொடுத்துள்ளது.
4.
தமிழகம் எனது .இரண்டாவது தாய் வீடு. தலைமை நீதிபதி எஸ்.கே. கவுல் நெகிழ்ச்சி.
தமிழக கலாச்சாரமும், பாரம்பரியமும் தலைசிறந்த ஒன்று. இதைக் கண்டு ஆச்சியமடைந்தேன். காதல், வீரம், சுயமரியாதை எல்லாம் தமிழக்தின் அடையாளம். தமிழ்மொழி 5 ஆயிரம் ஆண்டு தொன்மையான பாரம்பரிய மொழி. பல நூறு ஆண்டுகளுக்கு முன்பே “ யாதும் ஊரே யாவரும் கேளீர் ” என்றும் “ தீதும் நன்றும் பிறர் தர வாரா ” என்றும் சங்ககால தமிழ் புலவர் எழுதியுள்ளார்.
அத்தனை பாரமபரியம், கலாச்சாரம் மிக்க தமிழகத்தில் தலைமை நீதிபதியாக பணியாற்றியது மிகுந்த மகிழ்ச்சியைத் தருகிறது. தமிழகத்தை எனது இரண்டாவது தாய் வீடாகத்தான் கருதுகிறேன்.
நீதிபதிக்கு எழுதி கொடுத்ததைச் சரியாகவே படித்துள்ளார். போய் வாருங்கள் சார்.
ஆதாரம் ; தி இந்து – நாளிதழ் – 17-02-2017.
தகவல் ; ந.க.துறைவன்.

**T.N.Balasubramanian** · **T.N.Balasubramanian** Fri Feb 17, 2017 11:09 am

நவின்றவர்களுக்கு

நவின்றவர்களுக்கு

ந.க. துறைவன் இட்ட
நச்சென்ற பதில் ,
நன்றாக உள்ளது.

ரமணியன்

Sponsored content · Sponsored content

செய்திகள் என்ன சொல்லுது?...தொடர் பதிவு !

செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

செய்திகள் என்ன சொல்லுது?

Re: செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

Re: செய்திகள் என்ன சொல்லுது?...தொடர் பதிவு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக