அயல் மொழி கற்பதால் மூளையின் நிலை?

தாய்மொழி தவிர்த்த பிறமொழிகளைக் கற்பதனால்,
மூளை தெளிவான அறிவுத்திறத்தைப் பெறுகின்றது.

ஏனெனில் அவ்விதம் கற்கும் மூளையின் தகநெகிழ்விணக்கம்
அதிகரிக்கின்றது.

அத்துடன் தகவலைத் தனக்குரிய வகையில் சேமித்து வைத்துக்
கொள்ளும் அதன் திறனும் அதிகரிக்கின்றது என்பது, ஒரு புதிய
விஞ்ஞான ஆய்வில் தெரிய வந்திருக்கின்றது.

எத்தனை அயல் மொழிகளை நாம் கற்கின்றோமோ அத்தனைத்
திறனுடன் நமது மூளை பதில் கொடுக்கின்றது. நாம் பயிலும்
செயலில் ஈடுபட்டிருக்கும் போது சேரும் டேட்டாக்களை
அத்தனைத் திறனுடன் கையாளுகின்றது என்பது இந்த ஆய்வை
நடத்திய இயல் வல்லுனர்கள் தெரிவிப்பது.

மூளையின் மற்ற செயல்களுடன் ஒப்பிடும்போது, மொழி பேச்சு
தொடர்பான நரம்பியல் செயல்முறை அதிகமாக ஆய்வுக்குட்
படுத்தப் படாதிருக்கி்னறது.

அதை இப்படி அதிகம் கவனிக்காமலிருக்கக் காரணம் சோதனை
ஆய்வு விலங்குகளின் விஷயத்தில் சொல்சார்ந்த செயல்பாட்டை
அறிய முடியாத நிலையே எனலாம்.

ரஷ்யாவில் உள்ள பொருளாதாரங்கள் மேனிலைப் பள்ளியின்
ஆய்வாளர்களும், ஃபின்லாந்தின் ஹெல்சிங்கிப் பல்கலைக்
கழகத்தில் உள்ள அவர்களது ஆய்வு சகாக்களும் சேர்ந்து நடத்திய
இச்சோதனைகளில், மூளையின் மின்செயல்பாடு எலக்ட்ரோ
என்சஃபெலோகிராஃபிக் கருவியினால் அளக்கப்பட்டது.

இந்த ஆய்வில் 10 ஆண்கள் 12 பெண்கள் சோதனைக்குட்பட்டுப்
பங்கு பற்றினர்! அவர்கள் எல்லோருமே சராசரியாக
24 வயதானவர்கள் அவர்கள் தலைகளில் மின் முனைகள்
இணைக்கப்ட்டன. பிறகு அவர்கள் தங்கள் தங்கள் தாய்
மொழிகளிலும் பிற மொழிகளிலம் பதிவான விவரங்களைக்
கேட்கும்படி கேட்டுக் கொள்ளப்பட்டனர்.

தெரிந்த சொற்கள், தெரியாத சொற்கள் ஆகிய இரண்டு வகைச்
சொற்களும் தெறித்தெழுந்த ஒவ்வொரு நொடியிலும் மூளையின்
நடவடிக்கையில் ஏற்பட்ட மாறுதல்களை ஆய்வாளர்கள்
கவனித்தார்கள். தெரியாத வார்த்தைகளை மூளை
சமாளிக்கையில் எந்த வேகத்தில் அது எவ்வாறு சமாளித்தது என்பது
ஒருமுகமாய் ஆழ்ந்து கவனிக்கப்பட்டது

ஒருவரது மொழியறிவு நிலையே செய்திகளைக் கையாள்வதிலுள்ள
அவர் மூளையின் திறன் சார்ந்துள்ளது. தெரியாத மொழிகளில்
அறிவு பெற்றவர்களிடையே மூளையின் மின்செயல்பாடு உயர்
மட்டத்தில் இருப்பதாகக் கடைசியில் ஆய்வு நிபுணர்கள்
கூறுகின்றனர்.
-
-----------------------------------

- பல்லவ சூரியன்
மஞ்சரி

நல்ல தகவல் நன்றி

---அண்ணாமலை சுகுமாரன்