இஞ்சி பச்சடி

தாமு · தாமு Mon 30 Nov 2009 - 6:39

இஞ்சி பச்சடி
google_protectAndRun("ads_core.google_render_ad", google_handleError, google_render_ad);
இஞ்சிக்கு பல மருத்துவகுணங்கள் உண்டு. இது ஜீரணசக்தியையும், ஞாபகசக்தியையும் அதிகப்படுத்தும். குடல்கிருமிகளை அழிக்கும். கல்லீரலை சுத்தப்படுத்தும். ஜலதோஷத்திற்கு இஞ்சி கஷாயம் நல்ல மருந்து.
தேவையானப் பொருட்கள் பொடியாக நறுக்கின இஞ்சித் துண்டுகள் - கால் கப் புளி - எலுமிச்சை அளவு மிளகாய்பொடி - 2 தேக்கரண்டி தனியாப்பொடி - 3 தேக்கரண்டி பெருங்காயத்தூள் - ஒரு சிட்டிகை மஞ்சள்தூள் - ஒரு சிட்டிகை வெல்லம் - ஒரு சிட்டிகை(விருப்பப்பட்டால்) உப்பு - தேவையான அளவு தாளிக்க: நல்லெண்ணெய் - ஒரு மேசைக்கரண்டி வெந்தயம் - அரை தேக்கரண்டி கடுகு - அரை தேக்கரண்டி கறிவேப்பிலை - தேவையான அளவு
இஞ்சியை தோல் நீக்கி விட்டு பொடியாக நறுக்கி வைக்கவும். புளியை தண்ணீர் ஊற்றி ஊற வைக்கவும்.
ஒரு பாத்திரத்தில் எண்ணெய் ஊற்றி நறுக்கின இஞ்சியை போட்டு நிறம்மாறும் வரை பொரிக்கவும்.
பொரித்த இஞ்சித் துண்டுகளை மிக்சியில் போட்டு நைசாக நீர் சேர்க்காமல் அரைக்கவும்.
புளியை கெட்டியாக அரை கப் அளவிற்கு கரைத்து அதில் மிளகாய்பொடி, தனியாப்பொடி, மஞ்சள்பொடி, உப்பு போட்டு கலக்கவும்.
பின்னர் பொரித்த எண்ணெயிலேயே கடுகு, வெந்தயம், பெருங்காயத்தூள், கறிவேப்பிலை ஆகியவற்றை ஒன்றன் பின் ஒன்றாக போட்டு தாளிக்கவும்.
அதில் புளிக்கரைசலை ஊற்றி மிதமானத் தீயில் வைத்து பச்சை வாசனை போகும் வரை கொதிக்க விடவும். பாதியளவு சுண்டியதும் இஞ்சி அரைப்பைப்போட்டு கலக்கி விடவும்.
இஞ்சி கலவை நன்றாக சுண்டி எண்ணெய் மேலே மிதக்கும் வரை கொதிக்கவிட்டு விருப்பப்பட்டால் மட்டும் சிட்டிகை வெல்லம் சேர்த்து கலக்கி இறக்கவும்.
சுவையான எளிதாக செய்யக்கூடிய இஞ்சி பச்சடி ரெடி. இதை தயிர்சாதம், வெண்பொங்கல், இட்லி, தோசை, சப்பாத்தி, பிரெட் இவை எல்லாவற்றுக்கும் தொட்டுக் கொள்ளலாம். இந்த குறிப்பினை நமது அறுசுவை நேயர்களுக்காக செய்து காட்டியவர் திருமதி. இளவரசி அவர்கள்.




நன்றி - அறுசுவை.

இஞ்சி பச்சடி

இஞ்சி பச்சடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக