பெண் குழந்தைகளுக்கு சம உரிமை அளிப்போம் –

**ayyasamy ram** · **ayyasamy ram** Wed Jan 25, 2017 6:52 am

பெண் குழந்தைகளுக்கு சம உரிமை அளிப்போம் என்று கூறி
தேசிய பெண் குழந்தை தினத்துக்கு (ஜன.24) பிரதமர்
நரேந்திர மோடி வாழ்த்து தெரிவித்தார்.

இதுகுறித்து அவர் சுட்டுரையில் செவ்வாய்க்கிழமை வெளியிட்ட
இருவேறு பதிவுகளில் கூறப்பட்டுள்ளதாவது: பெண் குழந்தைகளின்
அசாதாரண சாதனைகளை கொண்டாடுவதற்கு தேசிய பெண்
குழந்தை தினம் ஒவ்வோர் ஆண்டும் கொண்டாடப்பட்டு வருகிறது.

பல்வேறு துறைகளில் பெண் குழந்தைகள் சிறந்து விளங்குவது
நமக்கு பெருமை. பெண் குழந்தைகள் மீதான புறக்கணிப்பை
கட்டாயம் தவிர்க்க வேண்டும். சமூகத்தில் அவர்களும் சம உரிமை
பெறுவதை நாம் உறுதிப்படுத்துவோம்.

பாலின ரீதியான புறக்கணிப்பை எதிர்ப்போம்; பாலின சமத்துவத்தை
ஊக்குவிப்போம் என்று அந்தப் பதிவுகளில் மோடி தெரிவித்துள்ளார்.
–
——————————————
தினமணி

**krishnaamma** · **krishnaamma** Wed Jan 25, 2017 11:30 pm

பெண் குழந்தைகளுக்கு சம உரிமை அளிப்போம் – 103459460

பெண் குழந்தைகளுக்கு சம உரிமை அளிப்போம் – 1571444738

சசி · சசி Thu Jan 26, 2017 7:44 pm

பெண் குழந்தைகள் தினம்

ஈர்ஐந்து மாதங்கள்
சுமப்பவளுக்கு
ஈராயிரம் ஆண்டுகள்
ஆனாலும்
ஏனிந்த பாகுபாடு?

""கருவறையும்
கல்லறை ஆகும்
பெண் சிசுவிற்கு!.??""

வாழ்க்கையை
வண்ணமாய்
பரிசளிப்பவளுக்கு
பாரபட்சம் வேண்டாமே!

கல்வியும்
கலாச்சாரமும்
கன்னியிடமிருந்து தான்
துவங்குகிறது! !

அவளை கண்ணீர்
சிந்தவிடாமல்
கண்ணியமாய்
காப்பது
நமது கடமை அல்லவா!

இன்றே உறுதி கொள்வோம்..

சசி.

**M.Jagadeesan** · **M.Jagadeesan** Thu Jan 26, 2017 9:31 pm

கவிதை நன்று சசி !

ஈர் ஐந்து என்று எழுதினால் ஐந்து ஈர்கள் என்று பொருள் படாதா ? ஈர் என்றால் பேனின் முட்டை என்று பொருள் .

ஈர் + ஐந்து = ஈரைந்து என்று கூட்டி எழுதுவதே சரி என்று எண்ணுகிறேன் .

ஈரைந்து என்றால் பத்து என்று பொருள்படும் .

சசி · சசி Fri Jan 27, 2017 10:10 pm

Press question mark to see shortcut keys available

JOIN

sivayogi
திருமந்திரம்
Sep 21, 2015

ஈர்ஐந்து அவத்தை இசைமுத் துரியத்துள்
நேர்அந்த மாகநெறிவழி யேசென்று
பார்அந்த மான பராபத்து அயிக்கியத்து
ஓர்அந்த மாம்இரு பாதியைச் சேர்த்திடே.திரு - 2430

இரண்டு வகையில் பத்தாக இசையும் அவத்தையில் மூன்று துரியத்தில் நேரான முடிவாகும் நெறி வழியே சென்று முடிந்த முடிவான பராபத்து ஐக்கியத்தில் ஒரே முடிவாகும் இரு பாதியை சேர்த்திடச் செய்க. பின்குறிப்பு – விழுப்பு சொப்பனம் என இரண்டும் ஒர் அந்தமானதாகவே இருக்கிறது.
#திருமந்திரம்

சசி · சசி Fri Jan 27, 2017 10:12 pm

M.Jagadeesan wrote:கவிதை நன்று சசி !

ஈர் ஐந்து என்று எழுதினால் ஐந்து ஈர்கள் என்று பொருள் படாதா ? ஈர் என்றால் பேனின் முட்டை என்று பொருள் .

ஈர் + ஐந்து = ஈரைந்து என்று கூட்டி எழுதுவதே சரி என்று எண்ணுகிறேன் .

ஈரைந்து என்றால் பத்து என்று பொருள்படும் .

மேற்கோள் செய்த பதிவு: 1232562
நன்றி அய்யா. திருமந்திர பாடலில் ஈர்ஐந்து என்றே உள்ளது.

Sponsored content · Sponsored content

பெண் குழந்தைகளுக்கு சம உரிமை அளிப்போம் –

பெண் குழந்தைகளுக்கு சம உரிமை அளிப்போம் –

Re: பெண் குழந்தைகளுக்கு சம உரிமை அளிப்போம் –

Re: பெண் குழந்தைகளுக்கு சம உரிமை அளிப்போம் –

Re: பெண் குழந்தைகளுக்கு சம உரிமை அளிப்போம் –

Re: பெண் குழந்தைகளுக்கு சம உரிமை அளிப்போம் –

Re: பெண் குழந்தைகளுக்கு சம உரிமை அளிப்போம் –

Re: பெண் குழந்தைகளுக்கு சம உரிமை அளிப்போம் –

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக