ஜல்லிக்கட்டுக்கான போராட்டம் - இன்றைய நிலவரம்

**ayyasamy ram** · **ayyasamy ram** Tue Jan 24, 2017 1:24 pm

இன்று காலை நிலவரப்படி பார்த்தால், தற்போது
400 இளைஞர்கள் மெரினாவில் குழுமியுள்ளனர்.
அவர்களை அகற்றும் பணியில் தற்போது போலீசார்
இறங்கியுள்ளனர்.

இந்த 400 பேரின் கோரிக்கை என்னவென்றால் நிரந்தர
சட்டத்திற்கான நகல் தங்களுக்கு கிடைக்க வேண்டும்
என்பது, அது அரசாணையாக வெளியிடப்பட்டிருக்கிற
விசயம் நகலாக கையில் கிடைக்க வேண்டும் என்பதும்,
அந்த நகலை நாங்கள் பார்க்க வேண்டும் என்று
சொல்லியிருக்கிறார்கள்.

அதுமட்டுமல்லாமல் மத்திய அரசு அதற்கான ஒப்புதல்
அளிக்கக்கூடிய அத்தாட்சியும் நாங்கள் பார்க்க வேண்டும்
என்ற கோரிக்கையும் வைத்திருக்கிறார்கள்.

இதையும் தாண்டி இந்த போராட்டத்தில் ஈடுபட்ட இளைஞர்கள்
கைது செய்யப்பட்டிருக்கிறார்கள். அவர்களை விடுவிக்க
வேண்டும், மேலும் காவல்துறையினரால் கடுமையாக பாதிக்கப்
பட்டிருக்கும் பலருக்கு இழப்பீடு வழங்க வேண்டும் என்ற
கோரிக்கைகளையும் முன் வைத்திருக்கிறார்கள்.

இப்படிப்பட்ட இந்த கோரிக்கைகளோடு 400 இளைஞர்கள்
மெரினாவில் குழுமியுள்ளனர். அவர்கள் தங்கள் போராட்டத்தை
இப்போதைக்கு விலக்கிக் கொள்ளப் போவதில்லை என்று கூறி
அமர்ந்திருக்கிறார்கள். இருப்பினும் அவர்களை அப்புறப்படுத்தும்
நடவடிக்கையில் ஈடுபட வேண்டும் என்று உறுதியாக
இருக்கிறார்கள்.

இங்கு இருக்கும் போலீசார் லத்தியுடன் காட்சியளிப்பதால்,
போராட்டக்காரர்கள் கலைந்து போகவில்லை என்றால் இன்றும்
கலவரம் நடைபெற வாய்ப்பு இருக்கும் என்று கருதப்படுகிறது.

அதற்கு ஏற்றாற்போல் மாநகர பேருந்துகளும் நிறுத்தப்பட்டிருக்கிறது.
-
-------------------------------
தினகரன்

ஜல்லிக்கட்டுக்கான போராட்டம் - இன்றைய நிலவரம்

ஜல்லிக்கட்டுக்கான போராட்டம் - இன்றைய நிலவரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக