சிறுகீரை குழிப்பணியரம்

தாமு · தாமு Thu Nov 26, 2009 8:36 am

ஹெல்த்தி டயட் / டேஸ்ட்டி டயட்

சிறுகீரை குழிபணியாரம்

தே.பொருட்கள்:
பச்சரிசி - 1 கப்
புழுங்கலரிசி - 1கப்
வெ.உளுத்தம் பருப்பு - 1 கப்
வெந்தயம் - 1 1/2 டீஸ்பூன்
புளித்த தயிர் - 1/4 கப்
பச்சை மிளகாய் - 4 Nos
கொத்தமல்லித்தழை - சிறிது
கறிவேப்பில்லை - சிறிது
சாம்பார் வெங்காயம் - 15 Nos ( பொடியக நறுக்கியது )
சிறுகீரை - 1கப் ( பொடியக நறுக்கியது )
உப்பு+எண்ணெய் = தேவைக்கு ஏற்ப

தாளிக்க:

கடுகு -1 டீஸ்பூன்
வெ.உளுத்தம் பருப்பு - 1 டீஸ்பூன்
கடலை பருப்பு - 1 டீஸ்பூன்

செய்முறை:

*பருப்பை தனியாக 1 மணி நேரமும் அரிசி வகைகள் 2 மணி நேரமும் ஊற வைக்கவும்

*பருப்பை முதலில் நுரைக்க அரைத்துக் கொள்ளவும்.பின்பு அரிசி வகைகளை ரவை போல அரைத்துக் கொள்ளவும் . இரண்டையும் உப்பு சேர்த்து கலக்கவும்.
* ஒரு நாள் கழித்து பொங்கிய மாவை எடுத்து கொள்ளவும்.

*கடுகு+ வெ.உளுத்தம் பருப்பு+ கடலை பருப்பு சேர்த்து தாளித்து பின் பொடியக நறுக்கிய பச்சை மிளகாய் + வெங்காயத்தை சேர்த்து வதக்கி மாவோடு சேர்க்கவும்.
*பொடியக நறுக்கிய சிறுகீரையும் சேர்த்து வதக்கி சேர்க்கவும்.

*பொடியக நறுக்கிய கொத்தமல்லித்தழை + கறிவேப்பில்லை சேர்த்து கலக்கி பணியாரக் கல்லில் ஊற்றவும். Non stick பணியார கல் கடைகளில் கிடைக்கும்.

தொட்டுக்கொள்ள வரமிளகாய் சேர்த்த தேங்காய் சட்னி ( பொட்டு கடலை /சென்னைக்கு உடைத்த கடலை ) காம்பினேஷனோட சாப்பிட்டு பாருங்கள் எப்படியும் 20-25 உள்ளே தொல்லை குடுக்காம போகும்.

பி.கு:

இதை போல முருங்கை கீரையிலும் செய்யலாம் . ஆனால் கீரையை நறுக்காமல் அப்படியே போட வேண்டும்.

-- by யாசவி.

சிறுகீரை குழிப்பணியரம்

சிறுகீரை குழிப்பணியரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக