சந்திரா என்றான சந்திரசேகர்!

-
அந்த மூன்று சகோதரர்கள் மோகனூரிலிருந்து மூன்று கி. மீ.
தினமும் நாமக்கல் நடந்து சென்று தமிழ் வழி பள்ளிக் கல்வி
படித்து வந்தனர்.

முப்பது ஆண்டுகளுக்கு முன் அந்த சகோதரர்கள் சென்னையில்
ஓர் அப்பார்ட்மெண்ட்டில் ஒன்றாகக் குடியிருந்து வேலை பார்த்து
வந்தனர். அப்போது அவர்களிடத்தில் இருந்தது ஒரே ஒரு
ஸ்கூட்டர் மட்டும்தான்.

இப்போது அந்த சகோதரர்களில், கடைசி சகோதரரான
நடராஜன் சந்திரசேகரன் டாட்டா குழுமத்தின் தலைவராக சென்ற
வாரம் பொறுப்பேற்றுள்ளார்.

கல்லூரி படிப்பு முடித்தவுடன், அப்பா சொன்னதன் பேரில் ஆறு
மாதம் வயல், வரப்பு பயிர் என்று வேளாண்மை செய்து வந்தாலும்,
கணினி படிப்பின் மீதிருந்த மோகம், அவரை மோகனூரிலிருந்து
திருச்சி, கோவை என்று மேற்படிப்பிற்காக அழைத்துச் சென்றது.

டாட்டா குழும நிறுவனங்களில் ஒன்றான டிசிஎஸ்ஸில் இணைந்து
நிறுவனத்தை வளர்த்து சந்திரசேகரன் உழைப்பால் தானும்
உயர்ந்தார்.

டாட்டா குழுமத்தின் நம்பிக்கையைப் பெற்ற சந்திரசேகரன்
அதன் தலைவராகவும் ஆகியுள்ளார். பொதுவாக, டாட்டா சன்ஸ்
குழுமத்தில் தலைவராக டாட்டா குடும்பத்திலிருந்துதான்
தேர்ந்தெடுக்கப்படுவார்கள்;பார்சி இனத்தவராகவும் இருப்பார்கள்.

முதல் முறையாக டாட்டா குடும்பத்தைச் சேராத, பார்சி
இனத்தவர் அல்லாத ஒருவர் தலைவராக தேர்ந்தெடுக்கப்
பட்டுள்ளது இதுதான் முதல் முறை.

அந்தப் பெருமை தமிழகத்தைச் சேர்ந்த சந்திரசேகரனுக்குக்
கிடைத்திருக்கிறது.

“சந்திரா..’ என்றுதான் டாட்டா குழும நிறுவனங்களில்
சந்திரசேகரனை அழைப்பார்கள். சிறந்த புகைப்படக் கலைஞர்,
கொஞ்சம் ஓய்வு கிடைத்தாலும் கேமிராவில் புகைப்படங்களை
எடுக்கத் தொடங்கிவிடுவார்.

நல்ல மராத்தான் ஓட்டப்பந்தைய வீரர். டோக்கியோ, நியூயார்க்,
பெர்லின், மும்பை உள்ளிட்ட நகரங்களில் நடைபெற்ற மராத்தான்
பந்தையங்களில் பங்கு பெற்று முழு தூரத்தை ஓடி முடித்துள்ளார்.
–
—————————————-
-சுதந்திரன்
தினமணி கதிர்

முதல் முறையாக டாட்டா குடும்பத்தைச் சேராத, பார்சி
இனத்தவர் அல்லாத ஒருவர் தலைவராக தேர்ந்தெடுக்கப்
பட்டுள்ளது இதுதான் முதல் முறை.அந்தப் பெருமை தமிழகத்தைச் சேர்ந்த சந்திரசேகரனுக்குக்
கிடைத்திருக்கிறது.

மிகவும் பெருமையாக இருக்கிறது.................வாழ்த்துகள் ஐயா.............

தலைமை தாங்க தமிழனை விட வேறு யாரு இருக்கா... வாழ்க வளர்க்க.
நம்ம ஊரு ஆட்களுக்கு நிறைய வேலை வாய்ப்பை உருவாக்கி தந்தால் நன்றாக இருக்கும்.

சரவணன் wrote:தலைமை தாங்க தமிழனை விட வேறு யாரு இருக்கா... வாழ்க வளர்க்க.
நம்ம ஊரு ஆட்களுக்கு நிறைய வேலை வாய்ப்பை உருவாக்கி தந்தால் நன்றாக இருக்கும்.

மேற்கோள் செய்த பதிவு: 1232267

அதெப்பிடி சரவணன்,
சந்திரா தன்  திறமையால் டாட்டா குழுமத்தை உயர்த்தி தானும் உயர்ந்துள்ளார். திறமை திறமை.
நம்ம ஊரு ஆட்களும் திறமையும் உழைப்பும் இருந்தால் முன்னுக்கு வரலாம் என்ற எண்ணம்தான் வரவேண்டுமே தவிர , சந்திரா வாய்ப்பு தரவேண்டும் என்று எதிர்பார்க்கக்கூடாது, என்பது எந்தன் கருத்து .

ரமணியன்

T.N.Balasubramanian wrote:

சரவணன் wrote:தலைமை தாங்க தமிழனை விட வேறு யாரு இருக்கா... வாழ்க வளர்க்க.
நம்ம ஊரு ஆட்களுக்கு நிறைய வேலை வாய்ப்பை உருவாக்கி தந்தால் நன்றாக இருக்கும்.

மேற்கோள் செய்த பதிவு: 1232267

அதெப்பிடி சரவணன்,
சந்திரா தன்  திறமையால் டாட்டா குழுமத்தை உயர்த்தி தானும் உயர்ந்துள்ளார். திறமை திறமை.
நம்ம ஊரு ஆட்களும் திறமையும் உழைப்பும் இருந்தால் முன்னுக்கு வரலாம் என்ற எண்ணம்தான் வரவேண்டுமே தவிர , சந்திரா வாய்ப்பு தரவேண்டும் என்று எதிர்பார்க்கக்கூடாது, என்பது எந்தன் கருத்து .ரமணியன்

உங்கள் கருத்தை நான் ஏற்கவில்லை.

மலையாளிகள் போன்று , தமிழினமும் ஒருவொருக்கொருவர் வாய்ப்புகளை ஏற்படுத்தி கொடுக்க வேண்டும். சும்மா திறமையை வைத்து முன்னேறவேண்டும் என்று சொல்லிக்கொண்டிருப்பதில் பயனில்லை. (இங்கு நான் வந்த புதிதில் ஒரு மலையாளிforeman என்னிடம் நான் முதல் வாய்ப்பு மலையாளிக்கு தான் தருவேன் அப்புறம் தான் தமிழ் அதற்கப்புறம் தான் சாரே மற்ற மாநிலத்தார் என்று பெருமையாக சொன்னான்,நான் வேண்டுமென்றே ஒரு தமிழ் எலக்ட்ரிகல் சார்ஜ்ஹேண்ட்ஐ மேலிடத்தில் சொல்லி இரண்டே மாதத்தில் foreman ஆக்கி அவனை வெறுப்பேத்தினேன் )

வேண்டுமானால் இப்படி வைத்துக்கொள்ளலாம் , தமிழர்களுக்கு வாய்ப்பு கொடுங்கள் அதில் திறமையுள்ளவர் ஜெயித்துக்கொள்ளட்டும்

மலையாளிகள் மலையாளிகளுக்கு உதவுவது உலகறிந்த விஷயம்.
அதே போல் பஞ்சாபிகளும், சிந்திகளும், பார்ஸிகளும் அவரவர் இனத்திற்கு உதவுவது தெரிந்ததே.
இருப்பினும் என்னைப் பொறுத்தவரையில், நான் விரும்புவதில்லை.  

 வேண்டுமானால் இப்படி வைத்துக்கொள்ளலாம் , தமிழர்களுக்கு வாய்ப்பு கொடுங்கள் அதில் திறமையுள்ளவர் ஜெயித்துக்கொள்ளட்டும்

இதுவும் சரி போல்தான் இருக்கிறது ,சரவணனும் அதைதான் சொல்லுகிறார் 
ரமணியன்

வாழ்த்துக்கள்