தபால் வாக்குகளை மின்னணு முறையில் அனுப்பும் திட்டம் கோவாவில் அறிமுகம்

நாட்டிலேயே முதன்முறையாக சட்டப் பேரவைத் தேர்தலுக்கான
தபால் வாக்குகளை மின்னணு முறையில் அனுப்பும் திட்டம்
கோவாவில் அறிமுகப்படுத்தப்பட்டுள்ளது.

கோவா சட்டப் பேரவைக்கு அடுத்த மாதம் 4-ஆம் தேதி தேர்தல்
நடைபெற உள்ளது. இந்நிலையில், தேர்தல் ஆயத்தப் பணிகளை
ஆய்வு செய்வதற்காக தலைமை தேர்தல் ஆணையர்
சையத் நசீம் ஜைதி மாநிலத் தலைநகர் பனாஜிக்கு ஞாயிற்றுக்
கிழமை வந்தார்.

அப்போது, அவர் செய்தியாளர்களிடம் கூறியதாவது:

கோவாவில் ராணுவம், துணை ராணுவப் படைப் பிரிவுகளைச்
சேர்ந்த 822 பேர் வாக்களிக்க உள்ளனர். இவர்களுக்கான தபால்
வாக்குகளை தேர்தல் அலுவலர்கள் மின்னணு முறையில் அனுப்பி
வைப்பர். அவற்றை சம்பந்தப்பட்ட வீரர்கள் இணையதளத்திலிருந்து
பதிவிறக்கம் செய்து, அவற்றை நிரப்பிய பின் மின்னஞ்சல் வாயிலாக
தேர்தல் அலுவலர்களுக்கு அனுப்பி வைக்க வேண்டும்.

இந்த திட்டத்தின் மூலம், பாதுகாப்புப் படை வீரர்களுக்கு தபால்
வாக்குகளை அனுப்பி வைப்பதற்கான நேரம் வெகுவாகக் குறையும்.

இந்த வசதியை பெரும்பாலான வீரர்கள் பயன்படுத்திக் கொள்வர்
என்று நம்புகிறோம். இந்த திட்டம் நாட்டிலேயே முதல் முறையாக
கோவாவில் தான் அறிமுகப்படுத்தப்பட்டுள்ளது.

மேலும், நாட்டிலேயே முதல் முறையாக மாநிலத்திலுள்ள அனைத்து
சட்டப் பேரவைத் தொகுதிகளிலும் வாக்காளர் சரிபார்ப்பு தணிக்கை
சோதனை இயந்திரங்கள் பயன்படுத்தப்பட உள்ளன.

இதன்மூலம், வாக்காளர்கள் தாங்கள் விரும்பிய வேட்பாளருக்கு
வாக்களித்ததை உறுதிப்படுத்த முடியும்.

மேலும், தேர்தல் தொடர்பான புகார்களை அளிக்க "சமாதான்' என்னும்
திட்டம் செயல்படுத்தப்படுகிறது. இந்த திட்டம் குறித்து அரசியல்
கட்சிகள் உள்ளிட்ட அனைத்துத் தரப்பினரும் திருப்தி தெரிவித்துள்ளனர்.

தேர்தல் சுதந்திரமாகவும், நியாயமாகவும் நடைபெறுவதை உறுதிப்
படுத்தவும், பண விநியோகத்தைக் கட்டுப்படுத்தவும் மாநிலத்தின்
எல்லைப் பகுதிகள், விமான நிலையங்கள், சூதாட்ட விடுதிகள்
ஆகியவற்றில் கடுமையான சோதனைகள் மேற்கொள்ளப்படுகின்றன
என்றார் அவர்.
-
---------------------------------------
தினமணி