ரெளத்திரம் பழகு - பழகுவது எப்படி?

கோபம் என்பது நெருப்பை போன்றது. மிக எளிதில் அருகில் உள்ளவரை பற்றிக்கொள்ளும். எனவே ஒரு முறை கோபப்பட்டுவிட்டால் அதற்கு பின் ஏற்படும் விளைவுகளை உங்களால் கட்டுபடுத்த முடியாது.


ஆனாலும் யாராலும் கோபமே படாமல் இருக்க முடியாது. பாரதியே “ ரெளத்திரம் பழகு” என்று சொல்லியிருக்கார். எனவே இந்த கோபம் என்னும் நெருப்பை காட்டுத்தீயாக விடாமல் கட்டுபடுத்தி பக்குவமாக எப்படி சமைக்கலாம்?



1. சரியான தருணங்களில் பேச்சை ஆரம்பியுங்கள். தவறான நேர பேச்சு மோசமான விளைவுகளை ஏற்படுத்தும். கோபத்தை வரவழைக்கும்.


(கழிவறையில் சாப்பிடுவதை பற்றி பேசுவது, செம காண்டுல இருக்கறவங்கிட்ட நக்கல் பண்ணி ஜோக் அடிக்கிறது........)

[You must be registered and logged in to see this link.]

2. கோபக்காரனின் நியாயம் யாருக்கும் புரியாது. நீங்கள் கத்துகிறீர்களே என தலையாட்டுவார்களே அன்றி அதிலுள்ள நியாயத்தை உணரமாட்டார்கள். உங்கள் கோபத்தையும் அதற்கான காரணத்தையும் சொல்லுங்கள்.

(சும்மா வாலு வாலுன்னு கத்தாம என்ன சொல்லவற்றிங்கன்னு சொல்லுங்க)



3. கோபத்திலும் மற்றவர்கள் என்ன நினைக்கிறார்கள் என்று கவனம் சொலுத்துங்கள். சில சமயம் நியாயமில்லாத விஷயத்திற்கு நீங்கள் கோபப்பட்டிருக்கலாம்.

( நீங்க டென்சனா பேசிக்கிட்டு இருக்கப்ப சுற்றி இருக்கறவங்க குறுகுறுன்னு பார்த்தாங்கன்னா உஷாரயிடுங்கோ)

[You must be registered and logged in to see this link.]

4. உங்க கோபத்திற்கான காரணம் என்ன, என்ன பண்ணலாம் என தெளிவாக சொல்லுங்கள். நிறைய நேரங்களில் கோபத்தை மட்டும் வெளிப்படுத்துதல் அருகில் இருப்பவர்களுக்கு எரிச்சலை மட்டுமே கொடுக்கும்.

(கோபத்தோட கோபமாக பழைய ஸ்டாக் கடுப்பையும் ஏத்தி லூஸ் டாக் விடாதீங்க. என்ன விசயமோ அதை சொல்லுங்க)



5. கோபத்தில் யாரையும் குறை கூறாதீர்கள். அந்த குறை சொன்னது மட்டுமே அவர்கள் மனதில் நிற்கும்.
(திட்டிக்கிட்டே இருந்தீங்கன்னா எரிச்சல் ஆவாங்க. அத விட்டுட்டு கோபம் ஏன்னு மட்டும் சொல்லுங்க சரியா?)

சும்மானாலும் அடிக்கடி கோச்சுக்கினே இருந்தீங்கன்னா கூட இருக்கிறவங்க கடுப்பாகி விடுவாங்க. அப்புறம் எதுவேன்னா சொல்லிக்கோ அப்படின்னு “லூஸ்” ல விட்டுருவாங்க. அதனால உங்க கோவத்துக்கு ஒரு மரியாதை இருக்கற மாதிரி நடந்துக்கோங்க.


[You must be registered and logged in to see this link.]


இப்படியே சந்தோஷமா இருங்க... ஓக்கே.....


-- by யாசவி