அலங்காநல்லூர் ஜல்லிக்கட்டை நான் நேரில் தொடங்கி வைப்பேன்: முதல்வர் அறிவித்தார்

**ayyasamy ram** · **ayyasamy ram** Sat Jan 21, 2017 5:50 pm

சென்னை:

அலங்காநல்லூர் ஜல்லிக்கட்டுப் போட்டியை நாளை காலை
நான் நேரில் தொடங்கி வைப்பேன் என்று தமிழக முதல்வர்
ஓ. பன்னீர்செல்வம் அறிவித்துள்ளார்.

இது குறித்து அவர் வெளியிட்ட அதிகாரப்பூர்வ அறிக்கையில்,
ஜல்லிக்கட்டுக்கான தடைகள் நீக்கப்பட்டதனால்,
அலங்காநல்லூரிலும், மாநிலத்தின் ஏனைய பகுதிகளிலும்
நாளையே (22.1.2017) ஜல்லிக்கட்டு நிகழ்ச்சிகள் நடைபெறும்.

அலங்காநல்லூர் ஜல்லிக்கட்டு நிகழ்வை நாளை காலை
10 மணிக்கு நான் நேரில் தொடங்கி வைப்பேன் என்பதை
மகிழ்ச்சியுடன் தெரிவித்துக் கொள்கிறேன்.

ஜல்லிக்கட்டு நடைபெறும் மற்ற பகுதிகளில் அந்தந்த
மாவட்டங்களைச் சார்ந்த அமைச்சர்கள் காலை
11 மணிக்கு ஜல்லிக்கட்டு நிகழ்ச்சிகளை தொடங்கி
வைப்பார்கள்.

தமிழ்நாடெங்கும் நடைபெற இருக்கும் ஜல்லிக்கட்டு
நிகழ்ச்சிகளில் மாணாக்கர்களும், இளைய சமுதாயத்தினரும்,
பொதுமக்களும் பெருமளவில் பங்கேற்று இந்நிகழ்வுகளை
வெற்றிகரமாக்கிட வேண்டும் என்று அன்புடன் கேட்டுக்
கொள்கிறேன் என்று கூறியுள்ளார்.
-
தினமணி