டி.டி.வி. தினகரனுக்கு ரூ.28 கோடி அபராதம் ; ஐகோர்ட் உறுதி செய்தது

**ayyasamy ram** · **ayyasamy ram** Fri Jan 06, 2017 5:09 pm

சென்னை: அன்னிய செலாவணி மோசடி வழக்கில், சசிகலா உறவினர் டி.டி.வி. தினகரனுக்கு அமலாக்கத்துறை விதித்த ரூ. 28 கோடி அபராதத்தை சென்னை ஐகோர்ட் உறுதி செய்தது.

அபராதம்:
கடந்த 1991 - 95 வரை, தினகரன் வெளிநாட்டில் பல கோடி ரூபாய் டிபாசிட் செய்யப்பட்டதாக புகார் எழுந்தது. இது தொடர்பாக கடந்த 96ம் ஆண்டில் அவர் மீது அமலாக்கத்துறை அதிகாரிகள் வழக்குப்பதிவு செய்யப்பட்டது. தான் சிங்கப்பூர் குடியுரிமை பெற்றவன் என்ற வாதத்தையும் அமலாக்கத்துறை நிராகரித்தது. இந்த வழக்கில், அவருக்கு ரூ.28 கோடி அபராதம் விதித்து அமலாக்கத்துறை உத்தரவிட்டது. இந்த உத்தரவை எதிர்த்து தினகரன் சென்னை ஐகோர்ட்டில் வழக்கு தொடர்ந்தார்.

மனு தள்ளுபடி :
இந்த வழக்கு நீதிபதி மகாதேவன் பெஞ்ச் முன்பு விசாரணைக்கு வந்தது. இந்த வழக்கில் இன்று தீர்ப்பு வழங்கப்பட்டது. அதில், தினகரன் மனுவை தள்ளுபடி செய்து, ரூ.28 கோடி அபராதம் விதிக்கப்பட்டது சரியே என தீர்ப்பளிக்கப்பட்டது.
-
தினமலர்