காவிரியில் தண்ணீர்: கர்நாடகாவுக்கு சுப்ரீம் கோர்ட் மீண்டும் உத்தரவு

**ayyasamy ram** · **ayyasamy ram** Wed Jan 04, 2017 4:27 pm

புதுடில்லி :
காவிரியில் தமிழகத்திற்கு விநாடிக்கு 2000 கனஅடி தண்ணீர்
திறக்க கர்நாடக அரசுக்கு சுப்ரீம் கோர்ட் இன்று மீண்டும்
உத்தரவு பிறப்பித்துள்ளது.

சுப்ரீம் கோர்ட் உத்தரவு :

காவிரி நதிநீர் வழக்கின் விசாரணை இன்று சுப்ரீம் கோர்ட்டில்
நடந்தது. வழக்கை விசாரித்த சுப்ரீம் கோர்ட், மறுஉத்தரவு வரும்
வரை தமிழகத்திற்கு காவிரியில் விநாடிக்கு 2000 கனஅடிநீர்
திறந்து விட வேண்டும். இவ்வழக்கின்
அடுத்த விசாரணை பிப்ரவரி 7 ம் தேதி ஒத்திவைக்கப்படுகிறது.

பிப்ரவரி 7 ம் தேதி முதல் வழக்கு விசாரணை தொடர்ந்து நடக்கும்.
தமிழகம், கர்நாடகா, புதுச்சேரி என ஒவ்வொரு தரப்பிற்கும்
பதிலளிக்க 3 வார கால அவகாசம் வழங்கப்படும் என தெரிவித்துள்ளது.

தமிழக அரசின் வாதம் :

முன்னதாக தமிழக அரசு சார்பில் ஆஜரான வழக்கறிஞர் சேகர் நாப்தே,
தமிழகத்தில் வடகிழக்கு பருவமழை பொய்த்து விட்டது. இதனால்
தமிழகத்தில் 60 சதவீதம் தண்ணீர் தட்டுப்பாடு நிலவுகிறது.

தொடர்ந்து காவிரியில் விநாடிக்கு 2000 கனஅடி நீர் திறக்க உத்தரவிட
வேண்டும் என வாதத்தை முன்வைத்தார்.

தமிழக அரசின் இந்த வாதத்தை ஏற்ற சுப்ரீம் கோர்ட், மறுஉத்தரவு
வரும் வரை கர்நாடகா காவிரியில் தண்ணீர் திறக்க வேண்டும் என
உத்தரவிட்டுள்ளது.
-
---------------------------------------
தினமலர்

**T.N.Balasubramanian** · **T.N.Balasubramanian** Wed Jan 04, 2017 5:27 pm

வடிவேலு காமெடிதான் நினைவுக்கு வருகிறது.
" போலீஸ் அடிச்சும் கேட்பாங்க ,அப்பவும் சொல்லிடாதீங்க "

அதே போல் .
"தமிழ்நாடு காவிரி நீர் கேட்பாங்க ..கொடுக்காதீங்க ,
உச்ச நீதிமன்றம் மூலமாகவும் கேட்பாங்க ...அப்பவும் கொடுக்காதீங்க "

இதுதான் தொடர போகிறது .

ரமணியன்

காவிரியில் தண்ணீர்: கர்நாடகாவுக்கு சுப்ரீம் கோர்ட் மீண்டும் உத்தரவு

காவிரியில் தண்ணீர்: கர்நாடகாவுக்கு சுப்ரீம் கோர்ட் மீண்டும் உத்தரவு

Re: காவிரியில் தண்ணீர்: கர்நாடகாவுக்கு சுப்ரீம் கோர்ட் மீண்டும் உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக