கடைசி நேரத்தில் காலியாக உள்ள ரயில் டிக்கெட்களுக்கு 10 % கட்டண சலுகை: ஜனவரி 1ம் தேதி அமல்

**ayyasamy ram** · **ayyasamy ram** Sun Jan 01, 2017 11:31 am

புதுடெல்லி :

ரயில் புறப்படுவதற்கு முன்பு காலியாக உள்ள இருக்கைகளுக்கு
முன்பதிவு செய்தால், அடிப்படை கட்டணத்தில் 10 சதவீத சலுகை
வழங்கப்படும் என ரயில்வே அறிவித்துள்ளது.

இது ஜனவரி 1ம் தேதியில் இருந்து அமலுக்கு வருகிறது.
ரயில் புறப்படுவதற்கு சில மணி நேரம் முன்னதாக முன்பதிவு
விவரங்களுடன் சார்ட் தயாரிக்கப்படும். இதன்பிறகும் காத்திருப்போர்
பட்டியலில் இருக்கை கிடைக்காதவர்கள் நிறைய பேர் இருப்பார்கள்.

ஆனால் சில வழித்தடங்களில் சார்ட் தயாரித்த பிறகும் முன்பதிவு
பிரிவில் இருக்கைகள் காலியாக இருக்கும். இவற்றில் முன்பதிவு
செய்வோருக்கு அதன் அடிப்படை கட்டணத்தில் 10 சதவீத கட்டண
சலுகை வழங்கப்படும். வரும் ஜனவரி 1ம் தேதியில் இருந்து இந்த
திட்டம் அமலுக்கு வரும் என்று ரயில்வே தெரிவித்துள்ளது.

ராஜ்தானி, துரந்தோ, சதாப்தி ஆகிய ரயில்களில் இந்த நடைமுறையில்
தற்போது உள்ளது. பிற ரயில்களுக்கும் இது விரிவு படுத்தப்படுகிறது.
சோதனை முயற்சியாக அடுத்த 6 மாதங்களுக்கு இந்த திட்டம் அமலில்
இருக்கும். கடைசியாக விற்கப்பட்ட டிக்கெட்டுக்கு எவ்வளவு கட்டணம்
வசூலிக்கப்பட்டதோ, அதிலுள்ள அடிப்படை கட்டணத்தின்படி இந்த
கட்டண சலுகை வழங்கப்படும். டிக்கெட் பரிசோதகரிடம் கடைசி
நேரத்தில் பெறப்படும் டிக்கெட்களுக்கும் இந்த சலுகை பொருந்தும் என
ரயில்வே அமைச்சகம் கூறியுள்ளது.

அதோடு முன்பதிவு கட்டணம், சேவை கட்டணம், ரயிலுக்கான சிறப்பு
கட்டணம் போன்றவை வழக்கமான கட்டணத்துடன் சேர்த்து
வசூலிக்கப்படும். அதில் மாற்றமில்லை எனவும் ரயில்வே
தெரிவித்துள்ளது.
-
-----------------------------------------------
தினகரன்

_________________

கடைசி நேரத்தில் காலியாக உள்ள ரயில் டிக்கெட்களுக்கு 10 % கட்டண சலுகை: ஜனவரி 1ம் தேதி அமல்

கடைசி நேரத்தில் காலியாக உள்ள ரயில் டிக்கெட்களுக்கு 10 % கட்டண சலுகை: ஜனவரி 1ம் தேதி அமல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக