மாணவிகளுக்கு பாலியல் தொல்லை வழக்கு டியூசன் சென்டரில் ரகசிய படுக்கை அறை: வயாக்ரா மாத்திரைகள் சிக்கியது

தர்மபுரி: தர்மபுரியில் மாணவிகளுக்கு பாலியல் தொல்லை செய்ததாக புகாரில் சிக்கிய ஆசிரியர் நடத்திய டியூசன் சென்டரில் சோதனை நடத்திய போலீசார் அங்கிருந்த ரகசிய படுக்கை அறையை பார்த்து அதிர்ச்சி அடைந்தனர். அங்கு வைக்கப்பட்டிருந்த வயாக்ரா மாத்திரைகளை பறிமுதல் செய்தனர்.

தர்மபுரி மாவட்டம் பாலக்கோட்டை சேர்ந்தவர் சிவகுமார்(25). ஆசிரியர் பயிற்சி மற்றும் டிப்ளமோ கம்ப்யூட்டர் சயின்ஸ் படித்துள்ளார். இவர், அதே பகுதியை சேர்ந்த நண்பர் ஈஸ்வரன்(26), செல்போன் கடை சிவக்குமார் ஆகியோருடன் சேர்ந்து, தளிர் என்ற பெயரில், தர்மபுரி மற்றும் பாலக்கோட்டில் ஓராண்டுக்கும் மேலாக டியூசன் சென்டர் நடத்தி வந்தார்.

அப்போது டியூசனுக்கு வந்த 25க்கும் மேற்பட்ட மாணவிகளை மயக்கி பாலியல் பலாத்காரம் செய்தனர். ஒரு மாணவி மூலம் இந்த விவகாரம் போலீசாருக்கு தெரியவந்து 3 பேரையும் போலீசார் கைது செய்தனர். சிவகுமார் அளித்த வாக்குமூலத்தில், மாணவிகள் சிலரை பலாத்காரம் செய்ததை ஒப்புக்கொண்டார். இதையடுத்து தர்மபுரி கிளை சிறையில் 3 பேரும் அடைக்கப்பட்டனர்.

இதனிடையே, தர்மபுரி, பாலக்கோட்டில் உள்ள டியூசன் சென்டர்களில் போலீசார் சோதனை நடத்தினர். பாலக்கோட்டில் படுக்கை வசதியுடன் கூடிய ரகசிய அறையும், அங்கு வயாக்ரா மாத்திரைகளும் இருந்ததை கண்டு போலீசார் அதிர்ச்சியடைந்தனர்.

அந்த மாத்திரைகளை பறிமுதல் செய்தனர். போலீசார் நடத்திய விசாரணையில், மாலை 4.30 மணிக்கு டியூசன் தொடங்கி, இரவு 7 மணி வரை நடக்கும். ஆனால் பெரும்பாலான நாட்களில் 9 மணி வரை சில மாணவிகள் இருந்தது தெரியவந்துள்ளது.

இந்த வழக்கு தொடர்பாக முழுமையான விசாரணை நடத்தி 3 பேரையும் குண்டர் சட்டத்தில் கைது செய்ய போலீசார் நடவடிக்கை எடுத்து வருகின்றனர்.
-
------------------------
தினகரன்

TUTION CENTER -ல் பாலியல் கல்வி நடத்தியிருக்கிறார்கள் !

சகல வசதி கூடிய பள்ளிக்கூடம் தானே அது .

ரமணியன்

தவறானவர்கள் சிலரால் ஆசிரியர் சேவைக்கே கெட்ட பெயர்