மைக்ரோ கதை

**ayyasamy ram** · **ayyasamy ram** Wed Dec 07, 2016 2:25 pm

பஸ்ஸில் தன் லக்கேஜுடன் அவசரமாக முன் பக்கமாக
ஏறினார் ஒரு முதியவர். லக்கேஜை வைத்துவிட்டு,
கூட்டமாக நின்று கொண்டிருந்தவர்களைப் பார்த்து
கொஞ்சம் நகரச் சொல்லி முண்டியடித்து கண்டக்டரிடம்
சென்று டிக்கெட் வாங்கினார்.

“”ஏம்ப்பா வயதானவர்களிடம் நீயே நேரில் வந்து டிக்கெட்
கொடுக்கக் கூடாதாப்பா? எவ்வளவு சிரமமாக இருக்கிறது?”
என்று கேட்டார்.

“”இவ்வளவு கூட்டத்தில எல்லாம் என்னால் வந்து டிக்கெட்
கொடுக்க முடியாது” என்றார் கண்டக்டர்.

மறுநாள் ஒரு திருமண வரவேற்பு விழாவுக்கு தன் தந்தையுடன்
கண்டக்டர் சென்றார்.

அங்கே செல்ஃப் சர்வீஸ். கண்டக்டரின் தந்தை உணவைத்
தட்டில் வாங்கிக் கொண்டு வந்தபோது சறுக்கி விழுந்துவிட்டார்.

கண்டக்டர் கேட்டார்: “”ஏம்ப்பா முதியவர்களுக்கு உதவுற மாதிரி
நீங்களே சாப்பாடு எடுத்துக் கொடுக்கக் கூடாதா?”
–
——————————————–
முத்து.பார்த்தசாரதி, சென்னை-100.

தினமணி கதிர்