குருதிக்கொடை

குருதிக்கொடை

ஒத்த பனை மரம்
ஊருக்கே பேராகிப் போன அந்த மரம்
உன்னைக்கோ இடி விழுந்த சேதி சொல்லும்
அப்பன் இருளாண்டி வாழும் இல்லம்

ஒத்தப்பனை தாண்டி
ஓடக்கரை தாண்டி
ஓர் ஒத்தையடிப்பாதை அது போய்ச்சேரும்
பெருமாள் கோயில் நேர
அந்த ஊருப் பேரு புலிப்பாறை

ஒத்தப் பனை ஊரு
தாழ்தப்பட்டவன் வாழும் கருவேலங்காடு
அங்கொன்றும் இங்கொன்றுமாய் குடிசை வீடு
புலிப்பாறை ஊரு தெருவெல்லாம் காரவீடு
அந்த ஊரு பண்ணையாரு
ஒத்தக்கொட புடிச்சி
ஒயிலுகள முன்னவிட்டு
பத்து விரல் மறைச்சி
பணியார மோதிரமிட்டு
பவுசாத்தான் போறாரு பண்ணக்காடு பாக்க

தற்குறி சனமெல்லாம்
கஞ்சிக் கலயம் கொண்டு கதிரறுக்கப் போகுது
பண்ணக்காரன் பிஞ்சைக்குப் போய்
மடி பிடிச்சி மொளகா பழமெடுத்து வெயிலுள காயுது

தொட்டாத் தீட்டாம் மூச்சிக்காத்துப் பட்டா பாவமாம்
பண்ணக்காரச்சனம் பலிகாரஞ் சொல்லுது
எழுத்தறிவில்லாச் சனத்த ஏமாத்திப் பொழைக்குது

நட்ட நடுச்சாமத்துல ஒத்தப்பனை ஓரத்துல
பண்ணையாரு மவன் பவுன்ராசு
புல்லட்டு மோதி பொலிசாஞ்சுக் கெடக்கான்

சாதிப் பேரு சொல்லி மனசு குத்துப்பட்ட சனமெல்லாம்
ஓடியாந்து உதவுது பவுன்ராசத் தொட்டுத் தூக்கி ஆஸ்பத்திாியில சேக்குது
பண்ணக்கரச் சனமெல்லாம் பாிதவிச்சி வருகுது
ஒட்டு ஒறவெல்லாம் ஓடியாந்து சேருது

அம்புட்டு இரத்தம் போச்சு
செத்த நேரம் கழிச்சி வந்தா
ஜீவனே போயிருக்கும்
இரத்தம் வேணும் தாங்கா
ரொம்ப நேரமில்ல வாங்க
பவுன்ராசு உசுரு போய்க்கிட்டு இருக்கு
யாரேனும் அவன் இரத்தம் இருந்தா தாங்கா
மருத்துவச்சி சொல்லிப்புட்டா
அரக்கப் பறக்க ஓடி “ஐசியு“ க்குள்ள போயி கதவ சாத்திப் புட்டா

அண்ணன் தம்பி இரத்தம்
ஒன்னுவிட்ட சொந்த இரத்தம்
அங்காளி பங்காளினு அஞ்சு தலைமுறை பந்த இரத்தம்
எதுவும் ஒத்துப் போகல என்னான்னு தொியல
யாரச்சொல்லியும் குத்தமில்ல என்னத்த சொல்ல
மக்க பொலம்புறாக ஆத்தா மடிபுடிச்சி அழுகுறாக

அரசலு பொரசலா சேதி தொிஞ்சி
அரக்கப் பறக்க ஓடி வந்தான் அனந்தப்பன்
ஒத்தப் பனை ஊருக்காரன் ஒரலுக்கல்லு உடம்புக்காரன்
பவுன்ராசு கூடப் படிச்சவன் பட்டணம் போயிப் பொழைச்சவன்

என் இரத்தம் எடுங்க எம்புட்டுனாலும் எடுங்க
அவனுக்கு ஏதாவது ஆச்சு அம்புட்டுத்தான் சொல்லிப்புட்டேன்
அனந்தப்பன் பேச்சு சபையே நடுங்கிப் போச்சு
ஒத்தப்பனை இரத்தம் அனந்தப்பன் இளவட்டம்
செஞ்சூடான இரத்தம் சிதைச்சது சாதி மத மொழிப்பேதம்

எம்மிட சாதியில எம்மிட மதத்தில எம்மிட மொழியில
செக்கச் சிவந்த நெறத்தில ஒசந்த படிப்புல பொண்ணு வேணும்னு
பத்திரிக்கையில பவுசா வௌம்பரம் கொடுக்கும் சாதி சனத்துக்கு
அவசரத்துக்குத் தேவைப்படுற இரத்தம் மட்டும்
ஆம்பளையா பொம்பளையா அலியானு பாக்கத்தோணுறதில்ல
இந்தக் கேவலப்பட்ட சாதி சனத்துக்கு
இரத்தம் கொடுப்போம் இதயங்களை இணைப்போம்

பள்ளப்பட்டி பறைப்பட்டி நல்லாஞ்செட்டிபட்டி
காமநாயக்கன்பட்டி முக்குலத்தேவன்பட்டினு
பதினெட்டுப் பட்டியும் ஒன்னாச்சேந்துச்சு
இரத்ததான முகாம் நடத்துச்சு

குருதி கொடுப்போம் எமனிடம் போராடும் உயிர்களை மீட்போம்
சாதிமதச் சண்டைகளில் வீணாகி சேறாகி ஓடும் இரத்ததை நிறுத்துவோம்
துடிக்கும் உடல்களில் புகுத்துவோம்

உறுதி மொழி எடு குருதி கொடு