உதவுங்கள் நண்பர்களே.....

எனது லேப்டாப்பில் விண்டோஸ் 8.1 Pro with media center ஆப்ரேட்டிங்க் (O.S) உள்ளது. லேப்டாபை ஆன் செய்தவுடன் " Your Windows Expire soon" என வருகிறது.இது வராமல் இருக்க தீர்வு சொல்லுங்கள். நண்பர்களே.

வழமைபோல் விபரங்கள் தராமலே கேள்வி கேட்கப்பட்டதற்கு முதலில் நன்றி.
Build Number,OEM Version,Genuine OS ………...எதுவும் தெரியாது.OS  க்கு மட்டுமன்றி WMC க்கும்  windows 8.1 Pro வந்தபோது Product key கொடுக்கப்பட்டது. பின்னர் இலவசமாக்கி விட்டனர்.Your Windows Expire soon  என வருவதற்கு சில காரணங்கள் உண்டு.Your windows license will expire soon என system த்தில் வரும் இல்லையேல் திரையின்  வலது பக்க கீழ் மூலையில் build இலக்கத்துடன் வரலாம். எதுவும் தெரியாமல் பதிலா?

லாப்டொப் விற்பனை செய்பவர்கள் (OEM Version ) விண்டோஸ் ஓஎஸ் ஐ இணையத் தொடர்பு இல்லாமல் சில சமயம் இன்ஸ்டால் செய்திருப்பார்கள். இது வெவ்வேறு நிறுவனங்களில் (Sony,HP,Dell,Lenova….) வேறு நடைமுறைகள் உண்டு. அப்படி இன்ஸ்டால் செய்யும் போது ஒரு குறிப்பிட்ட காலத்திற்கு (3/6/12 /24 மாதங்கள் என) வேலை செய்யும்படி செய்திருப்பார்கள். அதன் பின் இப்படி செய்தி வரும் போது அல்லது முன்னராக அக்டிவேற் செய்து கொள்ள வேண்டும். சில நிறுவனங்கள்  இன்ஸ்டால் செய்யும் போதே முழுமையாக அக்டிவேட் செய்து விடுவார்கள்.

சில லாப்டொப் மற்றும் கணினிகளில் தனியாக வந்தட்டை பிரித்து D பிரிவில் system files உடன் சேமித்திருப்பார்கள். அங்கிருந்து உண்மையான பிரதியாக இருந்தால் அக்டிவேட் செய்து கொள்லலாம்.

உண்மையான OS என்றால் நேரடியாக Product Key கொடுத்து அக்டிவேட் இணையம் மூலம் செய்து கொள்ளலாம்.

உண்மையாக இருந்து அக்டிவேட் செய்யும் போது சில சமயம் அக்டிவேட் ஆகாமல் விடுவதுண்டு.அப்படி உண்மையான பிரதி என்றால், cmd இல் (windows logo key+R) slui.exe 3  கொடுத்து Product key ஐக் கொடுத்தால் (அக்டிவேசன் முன்னர் சரியாகாமல் இருந்திருந்தால் ) activation process தொடரும்.

activate செய்யப்பட்டுள்ளதா,எத்தனை நாட்கள் ,உண்மையான OS copy என அறிய சில வழிகள்…….

CMD சென்று slmgr/xpr எனக் கொடுத்தால் தனியாக ஒரு சாளரத்தில் பதில் கிடைக்கும்.
Control Panel-System சென்றும் பார்க்கலாம். அங்கே கணினி பற்றிய அனைத்து விபரங்களும்,இறுதியில் Product Key, Windows activated எனவும்,இல்லையேல் எத்தனை நாட்கள் எனவும் உண்மையான பிரதியா (genuine version ) எனவும் காட்டப்பட்டிருக்கும்.

Settings-Update and Security -Activation -இங்கே சென்றாலும் விபரம் இருக்கும்.

உண்மையான OS பிரதியாக இருந்து இந்தச் செய்தி வந்தால், வைரஸ்,மால்வெயர் காரணமாக இருக்கலாம். ஸ்கன் செய்யவும். முடியாவிட்டால்,safe mode இல் சென்று Troubleshooting- repair செய்யலாம்.

விண்டோஸ் 8 இல் இருந்து 8.1 ற்கு அப்டேட் செய்திருந்தாலும் இப்படி வர வாய்ப்புண்டு. 8.1 Pro இல் மட்டுமே WMC இணைக்கும் வசதி தரப்பட்டது. மற்றவை நாமாக தரவிறக்கி இன்ஸ்டால் செய்ய வேண்டும். 8 இல் இருந்து 8.1 ற்கு அப்டேட் செய்யும் போது product key மூலம் அக்டிவேட் ஆகாமல் இருந்திருக்கலாம்.

Build Number பார்க்க….. Win Key+R –    winver   - என்பதைக் கொடுத்து -enter.