ரூ.13 ஆயிரம் கோடி கணக்கு காட்டியவர் வீட்டில் ரெய்டு

ஆமதாபாத்:
குஜராத்தில், வருமான வரி சலுகை திட்டத்தின் கீழ்
ரூ.13 ஆயிரம் கோடி கணக்கு காட்டிய ரியல் எஸ்டேட்
அதிபர் வீடு மற்றும் அவரது சார்ட்டர்ட் அக்கவுன்டன்ட்
வீட்டில் வருமான வரித்துறை அதிகாரிகள் சோதனை
நடந்தது.

சோதனை:

மகேஷ் ஷா என்ற அந்த ரியல் எஸ்டேட் அதிபர் வீட்டில்
சோதனை நடத்துவது தொடர்பாக தகவல் வெளியே
வந்துள்ளது. கடந்த நவம்பர் 29,30 மற்றும் டிசம்பர் 1ம் தேதியில்
சோதனை நடந்தது.. இந்த சோதனையை தொடர்ந்து
மகேஷ் ஷா தலைமறைவாகியுள்ளார்.

இந்த சோதனை தொடர்பாக வருமான வரித்துறை அதிகாரிகள் எ
துவும் தெரிவிக்க மறுத்து விட்டனர். கறுப்பு பணத்தை பதுக்கி
வைத்துள்ளவர்கள், விபரத்தை தெரிவிக்க கடந்த செப்.,30 வரை
கால அவகாசம் அளித்திருந்தது.

அப்போது மகேஷ் ஷா வருமான வரித்துறை அதிகாரிகளிடம்,
ரூ.13, 860 கோடி கணக்கு காட்டியுள்ளார்.

தகவல்:
இது தொடர்பாக மகேஷ் ஷாவின் சி.ஏ, சேத்னா கூறியதாவது:
"கடந்த 2013 முதல் மகேஷ் ஷாவை தெரியும். அவருக்கு சில முறை
ஆலோசனை வழங்கி வருகிறேன். ஆனால் அவர் எனது வழக்கமான
வாடிக்கையாளர் அல்ல. இவர் நில பேரம் தொடர்பாக தீவிரமாக
ஈடுபட்டு வந்தார்.

மத்திய அரசு ஐடிஎஸ் திட்டம் அறிவித்த பின்னர், அமைதியான
மனதுடன் கறுப்பு பணம் குறித்து தகவல் தெரிவிக்க வேண்டும்
என அறிவுரை வழங்கினேன். 67 வயதாகும் மகேஷ் ஷாவிற்கு
இதயம் தொடர்பான பிரச்னைகள் உள்ளது.

வருமான வரித்துறை அதிகாரிகள் ஆலோசனை படி,
ரூ.13,860 கோடி அளவுக்கு கறுப்பு பணத்திற்கு கணக்கு காட்டினார்.
அதற்கு முதல் தவணையாக ரூ.1560 கோடி அபராதமாக செலுத்த
உத்தரவிடப்பட்டது. இதனை செலுத்த அவர் தவறிவிட்டார்.

அவர் வருமான வரித்துறைக்கு தகவல் தெரிவித்த நேரத்தில்,
அவரது பணம் வைத்திருக்க வாய்ப்பில்லை. இதனையடுத்து அவரது
வீடுகளில் சோதனை நடந்தது. வருமான வரித்துறைக்கு முழு
ஒத்துழைப்பு வழங்கினேன்" என்றார்.
-
------------------------------------------------
தினமலர்