வங்கியில் ரூ. 1.48 லட்சம் கள்ள நோட்டுகளை செலுத்த வந்த வியாபாரி மீது வழக்கு

**ayyasamy ram** · **ayyasamy ram** Fri Dec 02, 2016 6:16 am

சிவகாசி வங்கியில் ரூ. 1.48 லட்சம் கள்ள நோட்டுகளை
செலுத்த வந்த வியாபாரி மீது போலீஸார் புதன்கிழமை
வழக்குப் பதிந்தனர்.

சிவகாசியில் அச்சுக் காகிதம் மற்றும் அட்டை வியாபாரம்
செய்து வருபவர் முத்துக்குமார்.

இவர், சிவகாசி பி.கே.எஸ்.ஏ. சாலையில் உள்ள
அரசுடமையாக்கப்பட்ட வங்கியில், தனது நிறுவனத்தின்
நடப்புக் கணக்கிலும், உறவினர் ஜெயராஜ் என்பவரது
நிறுவனத்தின் நடப்புக் கணக்கிலும் தலா ரூ. 75 ஆயிரம்
செலுத்துவதற்காக செவ்வாய்கிழமை சென்றார்.

அவர் பழைய ரூ. 500, 1000 நோட்டுகள் 150-ஐ வங்கிக் காசாளர்
சின்னவீரையாவிடம் கொடுத்து இரு நடப்புக்கணக்கிலும்
பணம் செலுத்தியுள்ளார். காசாளர் ரூபாய் நோட்டுக்களை,
சோதனை கருவியில் வைத்துப் பார்த்தபோது, அதில்
ரூ. 1000 நோட்டுகள் இரண்டு மட்டுமே நல்ல நோட்டாக இருந்தது.
மற்ற 148 நோட்டுகளும் கள்ள நோட்டு எனத் தெரியவந்தது.
இதுகுறித்து புதன்கிழமை வங்கி மேலாளர் சத்தியமூர்த்தி
அளித்த புகாரின் பேரில் சிவகாசி கிழக்கு போலீஸார் வழக்குப்
பதிந்து, முத்துக்குமாரிடம் விசாரித்து வருகின்றனர்.
-
-----------------------------------------
தினமணி

சிவனாசான் · சிவனாசான் Fri Dec 02, 2016 3:33 pm

விசாரித்து எப்படி செய்துள்ளான்னு எல்லா மக்களும் தெரிந்துக்கவா>>>> என்னங்க கள்ள நோட்டுன்னு தெரிந்த பிறகு தண்டனை கொடுக்க
வேண்டியது தானே>>>அதனால்தான் ..நாட்டில் நடுரோட்டில் கொலை
கொள்ளை எல்லாம் சர்வ சாதாரணமாக நடக்கிறது. கடுமையான
தண்டனை இல்லை. மேலும் கொலை செயதவன் ஏன் மூஞ்சை
மறைத்துவர வேண்டும் >>>>>அந்நாளில் செம்புள்ளி கரும்புள்ளி
குத்தி ஊர்வளமக வந்து அவனைமீது காரி உமிழும் அளவிற்கு
செய்து>>>>ஆனால் அக்குற்றாவாளிக்கு நல்ல
பந்தோபஸ்த்து தந்து உணவு கொடுத்து அவன்
செய்த தந்திர செயலை மற்றவர்களுக்கு
தெரிய படுத்தி >>>>விட்டு விடுவார்கள்.
அவன் மீண்டும்>>>>>>>>>>!!!!!!!!!!

வங்கியில் ரூ. 1.48 லட்சம் கள்ள நோட்டுகளை செலுத்த வந்த வியாபாரி மீது வழக்கு

வங்கியில் ரூ. 1.48 லட்சம் கள்ள நோட்டுகளை செலுத்த வந்த வியாபாரி மீது வழக்கு

Re: வங்கியில் ரூ. 1.48 லட்சம் கள்ள நோட்டுகளை செலுத்த வந்த வியாபாரி மீது வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக