மை-இன் அருமை

ச. சந்திரசேகரன் · 16/09/2012

மை

கன்னத்தில் கரு மை
கண் படாது காக்க
கிண்ணத்தில் கரு மை
நரை தெரியாது காக்க

எண்ணத்தில் பொறுமை
எல்லோரையும் காக்க
அன்னத்தில் மென்மை
அனைவரையும் காக்க

வலக்கையில் கரு மை
வங்கிக்கு வராமல் தடுக்க
இடக்கையில் கரு மை
இரண்டாம் ஓட்டை தடுக்க
ச.சந்திரசேகரன்

**M.Jagadeesan** · **M.Jagadeesan** Thu Nov 24, 2016 7:29 am

சந்திரசேகரன் அவர்களே !

தங்களுடைய " மை " மிகவும் அருமை !

என்னுடைய " மையையும் " கொஞ்சம் படித்துப் பாருங்கள் !

மை
=====
"மை"கள் எத்தனை "மை"களடி! அந்த
"மை"களின் கதையைக் கேளடி நீ!

கண்ணுக்கு அழகு கண்மை ஆகும்
பெண்ணுக்கு அழகு தாய்மை ஆகும்
மண்ணுக்கு அழகு வளமை ஆகும்
விண்ணுக்கு அழகு வெறுமை ஆகும்.

உலகிலுள்ள "மை"களில் சிறந்தது
உண்மை என்கிற மெய்மை ஆகும்
உள்ளம் என்னும் இல்லம் தினமும்
உண்மை பேசத் தூய்மை ஆகும்.

"மை"களில் கொடியது வறுமை என்று
ஒளவைக் கிழவி அன்றே சொன்னாள்
வறுமை என்னும் பேய்தனை ஓட்ட
வாழ்க்கையில் உழைப்பு அவசியம் தேவை.

ஆமையும் முயலும் ஓடிய போதில்
ஆமை தோற்கும் என்றே எண்ண
முயலும் தோற்று ஆமை வெல்ல
முயலின் முயலாமை காரணம் ஆகும்.

கண்டவர் வெறுக்கும் கருமை நிறமே
கண்ணன் கொண்ட தனிநிறம் ஆகும்
கறுத்தவர் எல்லாம் வெறுப்பவர் அல்ல
சிவந்தவர் எல்லாம் சிறந்தவர் அல்ல.

நன்மை தீமை என்பன எல்லாம்
நம்மை நாடி வருவன அல்ல
நன்மை செய்தால் நன்மை வருமே
புன்மை செய்தால் தீமை வருமே

பெண்மையும் ஆண்மையும் சமமெனப் பேசிடு
பெண்மையும் தெய்வமும் ஒன்றெனப் பேசிடு
உண்மையும் நேர்மையும் உள்ளத்தில் இருந்தால்
உயர்வுகள் யாவும் உன்னிடம் சேரும்!

**T.N.Balasubramanian** · **T.N.Balasubramanian** Thu Nov 24, 2016 10:57 am

சந்திரசேகர் / ஜெகதீசன் அவர்களே! அன்பு மலர்

உங்கள் பதிவுகள் என்றுமே அருமை.
மை மீது மையல் கொள்ளவைக்கும்,
பெருமை மிக்கப் பதிவு என்பதும்
அழிக்க முடியா உண்மை.

ரமணியன்

**ayyasamy ram** · **ayyasamy ram** Thu Nov 24, 2016 12:33 pm

**ayyasamy ram** · **ayyasamy ram** Thu Nov 24, 2016 12:35 pm

மை வைப்பது குறித்து தனது அதிகாரப்பூர்வ ட்விட்டர் பக்கத்தில்

, "கறுப்பை வெள்ளையாக்கக் கவலைப்படும்
தேசத்தில் வெள்ளையை ஏன் கறுப்பாக்குகிறீர்கள்?
'மை' அடிப்பதை நிறுத்துங்கள். தலையிலும் விரலிலும்"

என்று தெரிவித்திருக்கிறார் வைரமுத்து.

சசி · சசி Thu Nov 24, 2016 7:32 pm

"மை" அருமை ஐயா.

ச. சந்திரசேகரன் · 16/09/2012

M.Jagadeesan wrote:சந்திரசேகரன் அவர்களே !

தங்களுடைய " மை " மிகவும் அருமை !

என்னுடைய " மையையும் " கொஞ்சம் படித்துப் பாருங்கள் !

மேற்கோள் செய்த பதிவு: 1227793
தங்களுடைய " மை "யும் மிக மிக அருமை. மை-இன் அருமை 103459460

ச. சந்திரசேகரன் · 16/09/2012

சசி wrote:"மை" அருமை ஐயா.

மேற்கோள் செய்த பதிவு: 1227845 மை-இன் அருமை 1571444738

ச. சந்திரசேகரன் · 16/09/2012

ayyasamy ram wrote:மை வைப்பது குறித்து தனது அதிகாரப்பூர்வ ட்விட்டர் பக்கத்தில்

, "கறுப்பை வெள்ளையாக்கக் கவலைப்படும்
தேசத்தில் வெள்ளையை ஏன் கறுப்பாக்குகிறீர்கள்?
'மை' அடிப்பதை நிறுத்துங்கள். தலையிலும் விரலிலும்"

என்று தெரிவித்திருக்கிறார் வைரமுத்து.

மேற்கோள் செய்த பதிவு: 1227809
மை-இன் அருமை 1571444738

ஐயா

.
வைரமுத்து ஐயா கூட தலையில் மை அடிப்பதை நிறுத்த வேண்டுமோ?

சிவனாசான் · சிவனாசான் Sat Nov 26, 2016 6:12 am

எல்லாம் உண் மை தானுங்க. பொய் மை யும் வாய் மை யாகுங்க>>>>>>>>>>>>

Sponsored content · Sponsored content

மை-இன் அருமை

மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

Re: மை-இன் அருமை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக