நான் இரசித்த பாடல் - 8

Guest · Guest Thu Nov 10, 2016 10:58 pm

சிவாஜி கணேசனின் முதல் படம் பராசக்தி. இதில் புதுப் பெண்ணின் மனத்தை தொட்டு..... என்ற பாடலை எம்.எஸ்.இராஜேஸ்வரி பாடியுள்ளார்.

இந்தப் பாடல் தொடக்கத்தில் வரும் நீரோ மன்னன் பற்றிய வசனம் தவறானது. ரோம் வரலாற்றில் நீரோ மன்னன் பிடில் வாசித்ததாகக் கூறப்படவில்லை. அதுமட்டுமல்ல அப்போது பிடில் என்ற வாத்தியம் வரவும் இல்லை.
இதை அப்போது நீரோ மன்னனுடன் வாழ்ந்த அரசவை செனட்டரும் வரலாற்று ஆசிரியருமான டாசிட்டஸ்(Tacitus) தனது நூலில் குறிப்பிட்டிருக்கிறார்.அதுபற்றி அவர் குறிப்பிடும் போது நீரோ மன்னனுக்கு எதிரான கிறிஸ்தவ மதத்தினர் மக்களிடையே பரப்பி மக்களை வெறுப்படைய செய்த சதி எனக் குறிப்பிடுகிறார்.இதனால் தான் ரோமில் நடந்த புரட்சி காரணமாக மறைந்து வாழ்ந்த நீரோ, இறுதியில் கட்டாயத் தற்கொலை செய்து கொண்டான். அன்று அரசவைவில் இருந்த வேறெவரும் பிடில் பற்றிக் குறிப்பிடவில்லை.பிடில் 10 ஆம் நூற்றாண்டின் பின்னரே கண்டுபிடிக்கப்பட்டது.
(நூல் நிலையங்களில் வரலாற்று நூல்கள் பகுதியில், தகவலை உறுதிப்படுத்திக் கொள்ள படித்துப் பார்க்கலாம்.)