குழந்தைகள் பெண்கள் ஆண்கள் –

**ayyasamy ram** · **ayyasamy ram** Fri Nov 04, 2016 4:03 pm

அப்பாவின்
நண்பர் வீட்டில்
‘அப்பா கடன் வாங்கி வரச்
சொன்னார்’ என்று
காத்திருக்கும் குழந்தைகள்
அறிவதில்லை
நிராகரிப்பின் அவமானத்தையும்
எதிர்காலத்தின்
பயமுறுத்தலையும்
–
‘ஓம்’ என்று வரைந்து
அதற்கும் கீழ் லாபம் என்றெழுதிய
நிதி நிறுவனச்
சுவரை முறைத்தபடி
வெள்ளிக்கிழமை
விளக்கு வைத்தபின் வந்து
அவசரத் தேவைக்காக
கடன் கேட்டு கெஞ்சும்
ஆண்கள் அறிவதில்லை
முதலாளியின் புறக்கணிப்பையும்
மூடுபனியைத் தாண்டிய
வெளிச்சித்தையும்
–
மாத இறுதியில் வந்துவிட்ட
விருந்தினர் அறியாமல்
பக்கத்து வீட்டிலிருந்து
ஒரு டம்ளர் சர்க்கரையும்
டப்பா நிறைய அரிசியும்
பின்வாசல் வழியாக
வாங்கி வரும்
பெண்கள் அறிவதில்லை
நிராசையின்
குற்றுக்கு வெட்டுத் தோற்றத்தையும்
நீண்டபடி செல்லும்
கனவுகளின் பட்டியலையும்
இவர்களுக்கும் சேர்த்து
சுற்றிக் கொண்டுதானிருக்கிறது
இன்னமும் பூமி
–
—————————
நா.முத்துக்குமார்
அனா ஆவன்னா – கவிதை தொகுப்பபிலிருந்து