நானும் இயந்திரம் ஆனேன்!!

kandhasami saravanan · kandhasami saravanan Tue Nov 08, 2016 3:10 pm

துள்ளி திரிந்த காலம் மாறி
தோளில் பை சுமந்த காலம் மாறி
தொலை தூர பயணத்தில்
தொலைத்து விட்டு தேடுகிறோம் நிம்மதியை!

எதார்த்தமான உறவுகள்
இயற்கையோடு இணைந்த வாழ்க்கை என்று
எப்படி வாழ நினைத்தோமோ அதற்கு
எதிர்மாறலாய் அமைந்த வாழ்க்கையில்
ஏமாற்றத்தோடும் ஏக்கத்தோடும் வாழ
ஏற்காத மனதிற்கு ஆறுதல் சொல்லி
ஏற்க வைத்துவிட்டோம் இந்த
இயந்திர வாழ்க்கை வாழ!

அழிவில்லாத அன்பு கிடைக்குமென நினைத்து
ஆசையோடு பழகியவர்களை விட்டு
ஆறுதல் கூட கிடைக்காத இந்த
அன்னிய தேசத்தில்
அனைவரும் இயந்திரமாய் ஓட
அவர்களோடு இணைந்து ஓட
நானும் இயந்திரமானேன்!!!

க.சரவணன்...