ஹெச்எம்டி டிராக்டர் தயாரிப்பு ஆலையை மூடுவதற்கு மத்திய அமைச்சரவை ஒப்புதல்

ஹரியாணா மாநிலத்தில் நஷ்டத்தில் இயங்கி வரும்
ஹிந்துஸ்தான் மெஷின் டூல்ஸ் (ஹெச்எம்டி) டிராக்டர்
தயாரிப்பு ஆலையை மூடுவதற்கு மத்திய அமைச்சரவை
வியாழக்கிழமை ஒப்புதல் அளித்தது.
-
பொதுத் துறை நிறுவனங்களில் ஒன்றான அந்த ஆலையின்
ஊழியர்களின் ஊதியம், இதர நிலுவைத் தொகைகளை
வழங்குவதற்காக, ரூ.718.72 கோடியை ஒதுக்கீடு செய்யவும்
முடிவு செய்யப்பட்டது.
-
தில்லியில் பிரதமர் நரேந்திர மோடி தலைமையில்
வியாழக்கிழமை நடைபெற்ற மத்திய அமைச்சரவைக்
கூட்டத்தில் இதற்கான முடிவு எடுக்கப்பட்டது. இதுதொடர்பாக,
மத்திய அரசு வெளியிட்ட அறிக்கையில் கூறப்பட்டுள்ளதாவது:
-
நாட்டின் தொழில் துறையை மேம்படுத்தும் வகையில்,
இயந்திரங்களைத் தயாரிப்பதற்காக, ஹிந்துஸ்தான் மெஷின்
டூல்ஸ் ஆலை, பெங்களூரில் கடந்த 1953-ஆம் ஆண்டு தொடங்கப்
பட்டது. நாட்டின் உற்பத்தி, பொறியியல் துறைகளில் வளர்ச்சிக்கு
அடித்தளமிட்டதில், இந்த ஆலை முக்கியப் பங்கு வகித்தது.
-
அதைத் தொடர்ந்து, ஹரியாணா மாநிலம், பிஞ்சூரில் கடந்த
1971-ஆம் ஆண்டு ஹெச்எம்டி ஆலையின் டிராக்டர் உற்பத்தி
பிரிவும் தொடங்கப்பட்டது. 1990-களில் தாராளமயமாக்கல்
கொள்கை நடைமுறைக்கு வந்த பிறகு, டிராக்டர் உற்பத்தி
பிரிவின் செயல்பாடுகள் குறையத் தொடங்கிவிட்டன.
-
சர்வதேச நிறுவனங்களின் வருகை, மலிவான விலையில்
சந்தையில் பொருள்கள் கிடைப்பது ஆகியவற்றால் ஹெச்எம்டி
ஆலை கடும் போட்டியைச் சந்திக்க நேரிட்டது.
-
ஆலையின் வீழ்ச்சியைத் தடுத்து நிறுத்துவதற்கு பல்வேறு
முயற்சிகள் மேற்கொள்ளப்பட்ட போதிலும், அவை
பலனளிக்கவில்லை.
வருவாய் ஈட்ட முடியாத நிலையில், டிராக்டர் உற்பத்தி
வர்த்தகத்தை தொடர்வது சரியாக இருக்காது எனக் கருதி, அந்த
ஆலையை மூடவும், ஹெச்எம்டி ஆலையின் இதர பிரிவுகளில்
கவனம் செலுத்துவது என்றும் முடிவு செய்யப்பட்டது.
-
இந்நிலையில், பிஞ்சூர் டிராக்டர் தயாரிப்பு ஆலையின்
ஊழியர்களுக்கு கடந்த 2014-ஆம் ஆண்டு ஜூலை மாதம் முதல்
ஊதியம் வழங்கப்படவில்லை. கடந்த 2013-ஆம் ஆண்டு நவம்பர்
மாதம் முதல், அவர்களுக்கு இதர சலுகைகள் வழங்கப்படவில்லை.
-
எனவே, அவர்களுக்கு வழங்க வேண்டிய ஊதியம், இதர நிலுவைத்
தொகை வழங்குவதற்காக, ரூ.718.72 கோடியை ஒதுக்கீடு செய்யவும்
மத்திய அமைச்சரவை முடிவு செய்தது அந்த அறிக்கையில்
தெரிவிக்கப்பட்டுள்ளது.
-
-----------------------------------------------------

-
தேசிய கல்வியியல் களஞ்சியம்:
-
இதனிடையே, பள்ளி, கல்லூரி மற்றும் உயர் கல்வி நிறுவனங்களில்
மாணவ, மாணவிகளுக்கு வழங்கப்படும் சான்றிதழ்களை,
மின்னுருவாக்கம் செய்து, ஆவணப்படுத்தி வைப்பதற்காக,
தேசிய கல்வியியல் களஞ்சியத்தை அடுத்த மூன்று மாதங்களில்
அமைப்பதற்கு மத்திய அமைச்சரவை ஒப்புதல் அளித்தது.
--
-----

நிலப் பரிமாற்றத்துக்கு ஒப்புதல்:

ஒடிஸா மாநிலம், புவனேசுவரில் உள்ள விமான நிலையம் அருகில்
முக்கியப் பிரமுகர்கள் செல்வதற்கான சாலை அமைப்பதற்காக,
அந்த மாநில அரசும், இந்திய விமான நிலைய ஆணையமும் த
ங்களுக்குச் சொந்தமான 1.6 ஏக்கர் நிலத்தை பரஸ்பரம் பரிமாறிக்
கொள்வதற்கு மத்திய அமைச்சரவை ஒப்புதல் அளித்துள்ளது.
-
-------------

nandri.
1990-களில் தாராளமயமாக்கல் கொள்கை நடைமுறைக்கு வந்த பிறகு, டிராக்டர் உற்பத்தி
பிரிவின் செயல்பாடுகள் குறையத் தொடங்கிவிட்டன. ?!?!?!!!
thaniyaar niruvanam (MNC) mattum eppadi labam paarkkirathu. ???
India-வில் இந்தியருக்கு மட்டும் (சுய உதவி குழுவினருக்கு) அரசு நிறுவனங்களை இனி விற்கலாம். அரபு நாடுகளில் அராபியர் தான் முதலாளிகள், வெளிநாட்டினர் அராபியர்-galin velaikkarargal தான். India-வில் மட்டும் veli nattinar முதலாளிகள், Indiar velaikkarargal!??? Yen???
singapore thanadhu nattu makkalukku sathagamaga sattangal vullathai (veli nattinar kadaipidikka) seiyalpaduthugirathu.
???