கோஹ்லி அசத்தல் சதம் : இந்திய அணி அபார வெற்றி

மொகாலி:
நியூசிலாந்துக்கு எதிரான மூன்றாவது ஒரு நாள்
போட்டியில் விராத் கோஹ்லி சதம் விளாச,
இந்திய அணி 7 விக்கெட் வித்தியாசத்தில் வெற்றி
பெற்றது.

இந்தியா வந்துள்ள நியூசிலாந்து அணி 5 போட்டிகள்
கொண்ட ஒரு நாள் தொடரில் பங்கேற்கிறது.
முதலிரண்டு போட்டி முடிவில் தொடர் 1-1 என சம
நிலையில் உள்ளது.

மூன்றாவது போட்டி பஞ்சாப்பில் உள்ள மொகாலியில்
நடந்தது. ‘டாஸ்’ வென்ற இந்திய அணி கேப்டன் தோனி
‘பவுலிங்’ தேர்வு செய்தார்.

இந்திய அணியில் மாற்றம் எதுவும் செய்யப்படவில்லை.
நியூசிலாந்து அணியில் டிவ்ரிச் நீக்கப்பட்டு நீஷம் வாய்ப்பு
பெற்றார்.

லதாம் அரை சதம்:

நியூசிலாந்து அணிக்கு கப்டில், டாம் லதாம் துவக்கம் தந்தனர்.
கப்டில் 27 ரன்களில் ஆட்டமிழந்தார். ஜாதவ் ‘சுழலில்’ கேப்டன்
வில்லியம்சன் (22) சிக்கினார். சிறப்பாக செயல்பட்ட லதாம்
அரை சதம் கடந்தார். அமித் மிஸ்ரா ‘சுழலில்’ ராஸ் டெய்லர் (44)
அவுட்டானார்.

கோரி ஆண்டர்சன் (6), ரான்கி (1) ஒற்றை இலக்கில் திரும்பினர்.
ஜாதவ் பந்தில் லதாம் (61) சிக்கினார். சான்ட்னர் 7, சவுத்தீ
13 ரன்கள் எடுத்தனர்.
நீஷம் அசத்தல்:

பின் இணைந்த ஜிம்மி நீஷம், ஹென்றி ஜோடி இந்திய பந்து
வீச்சை பதம் பார்த்தது. உமேஷ் பந்துவீச்சில் இரண்டு பவுண்டரி
அடித்த நீஷம் அரை சதம் கடந்தார். இவர் 47 பந்தில் 57 ரன்
விளாசினார். பவுல்ட் (1) விரைவில் வெளியேற, நியூசிலாந்து
அணி 49.4 ஓவரில் 285 ரன்களுக்கு ‘ஆல்-அவுட்டானது’.

ஹென்றி (39) அவுட்டாகாமல் இருந்தார். இந்திய அணி சார்பில்
அதிகபட்சமாக உமேஷ், கேதர் ஜாதவ் தலா 3 விக்கெட் வீழ்த்தினர்.
கோஹ்லி சதம்:

பின் களமிறங்கிய இந்திய அணிக்கு ரகானே (5) அதிர்ச்சி தந்தார்.
ரோகித் சர்மா 13 ரன்களில் அவுட்டானார். பின் இணைந்த
கோஹ்லி, தோனி ஜோடி சிறப்பாக விளையாடியது. சான்ட்னர்
பந்தை சிக்சருக்கு பறக்கவிட்ட தோனி ஒரு நாள் அரங்கில்
9 ஆயிரம் ரன்களை எட்டினார்.

இந்த இலக்கை பிடித்த 3வது விக்கெட் கீப்பர் என்ற பெருமை
பெற்றார். அதிரடியாக செயல்பட்ட இருவரும் அரை சதம் கடந்தனர்.
தோனி 80 ரன்களில் அவுட்டானார். விராத் கோஹ்லி 26வது சதம்
அடித்தார். மணிஷ் பாண்டே ஒரு பவுண்டரி அடிக்க, இந்திய அணி
48.2 ஓவரில் 289 ரன்கள் எடுத்து வெற்றி பெற்றது. கோஹ்லி (154),
மணிஷ் பாண்டே (28) அவுட்டாகாமல் இருந்தனர்.
இதன் மூலம், இந்திய அணி தொடரில் 2-1 என முன்னிலை
பெற்றது.
–
———————————-
தினமலர்

வாழ்த்துக்கள்