தொட்டில் – ஒரு பக்க கதை

**ayyasamy ram** · **ayyasamy ram** Wed 19 Oct 2016 - 22:55

–
அண்ணன் வீட்டில் பார்த்தேன்…ஒரு ஸ்பிரிங் தொட்டில்.
ஜிங்கு ஜிங்குன்னு மேலயும் கீழயும் குதிக்குது. நம்ம
குழந்தைக்கும் அதே மாதிரி ஒரு தொட்டில்…
எனக் குழந்தையை மார்பில் அணைத்தவாறு கணவன்
மகேஷிடம் சொன்னாள் புனிதா
–
மகேஷூக்கு பகீர் என்றது. ஏற்கனவே மளிகைக்கடன்
பால் கடன், தவணைக்கு வாங்கிய பொருட்களுக்கான
கடன், குழந்தைக்கான செலவுகளுக்காக வாங்கிய
புதுக்கடன்….
ஆனாலும் பாவம், ஆசைப்படுகிறாள் எப்படி மறுப்பது?
–
என்னங்க காதுல விழலையா? விலை கூட கேட்டுட்டேன்.
ஒரு ஜோடி ஸ்பிரிங்கோட சேர்த்து ஆயிரத்து ஐநூறாம்.
–
யோசித்த மகேஷூக்குள் திடீர் மின்னல்…
அது ஒண்ணுமில்லை புனிதா…என் கூடப் பொறந்தவங்க
யாருக்குமே அந்த மாதிரி தொட்டில் வாங்கலை. என்
தம்பிக்கு மட்டும் அபூர்வமா வாங்கினாங்க.

ராத்திரியெல்லாம் கண் விழிச்சி எங்கம்மா ஆட்டுவாங்க…
மேலும் கீழும் ஜிங்கு ஜிங்குன்னு குதிக்கும். அதே மாதிரி
என் தம்பி இப்ப உப்பு பெறாத விஷயத்துக்கெல்லாம்
தை தைன்னு குதிக்கிறான்.
தொட்டில் பழக்கம் சுடுகாடு மட்டும்னு சொல்வாங்க…
அதான் யோசிக்கிறேன்!
–
ஐயய்யோ…அப்ப வேணாங்க! – பதறியபடியே சொல்லிட்டு
குழந்தையை உச்சி மோந்தாள் புனிதா.
–
மகேஷிடம் நிம்மதிப் பெருமூச்சு!
–
—————————————
– கே.எம்.சம்சுதீன்

Ramalingam K · Ramalingam K Thu 20 Oct 2016 - 12:29

ayyasamy ram wrote:–

ஆனாலும் பாவம், ஆசைப்படுகிறாள் எப்படி மறுப்பது?
–
யோசித்த மகேஷூக்குள் திடீர் மின்னல்…
அது ஒண்ணுமில்லை புனிதா…என் கூடப் பொறந்தவங்க
யாருக்குமே அந்த மாதிரி தொட்டில் வாங்கலை. என்
தம்பிக்கு மட்டும் அபூர்வமா வாங்கினாங்க.

ராத்திரியெல்லாம் கண் விழிச்சி எங்கம்மா ஆட்டுவாங்க…
மேலும் கீழும் ஜிங்கு ஜிங்குன்னு குதிக்கும். அதே மாதிரி
என் தம்பி இப்ப உப்பு பெறாத விஷயத்துக்கெல்லாம்
தை தைன்னு குதிக்கிறான்.
தொட்டில் பழக்கம் சுடுகாடு மட்டும்னு சொல்வாங்க…
அதான் யோசிக்கிறேன்!
–
ஐயய்யோ…அப்ப வேணாங்க! – பதறியபடியே சொல்லிட்டு
குழந்தையை உச்சி மோந்தாள் புனிதா.
–
மகேஷிடம் நிம்மதிப் பெருமூச்சு!
–
—————————————
– கே.எம்.சம்சுதீன்

மேற்கோள் செய்த பதிவு: 1224890

பெண்ணின் அறியாமை(மடம்) என்னும் நற்பண்பை அறிந்த கணவன் அதனை அழகாகப் பயன்படுத்திக் கொண்டான்- அற்புதம்.

அம்மா புனிதாவின் அறியாமை பிள்ளைப் பாசத்தால் விளைந்த முத்துக் குவியல்.

அம்மா ! உன் அறியாமைகூட உன்னைப்போலவே அழகுதான் - என்மட்டில்.