எப்படியும் படம் எடுக்கலாம்! இப்படியும் படம் எடுக்கலாம்.

**ayyasamy ram** · **ayyasamy ram** Mon 17 Oct 2016 - 9:32

-
சமீபத்தில், ‘பேஸ்புக்’கில் வைரலாக பரவியது,
ஒரு புகைப்படம்.

அப்புகைப்படத்தில், தாய் ஒருத்தி, தன் முதுகுப் பையில்,
ஒரு குழந்தையை சுமந்தபடி, மார்பு பகுதி பையில் இருந்த
மற்றொரு சிறு குழந்தைக்கு இடது கையால் பால்
புகட்டியவாறு, வலது கையால், விளையாட்டுப் போட்டியை,
படம் எடுக்கிறார்.

பணிபுரியும் பெண்களின் பெருமையை பேசும் இப்படத்தில்
இருப்பவர் பெயர், மெலிசா வார்லோ. அமெரிக்காவின்
டெக்சாஸ் மாநிலம் டல்லாஸ் நகரில் வசிக்கும் இவர், கடந்த,
12 ஆண்டுகளாக, புகைப்படக் கலைஞராக பணியாற்றி
வருகிறார்.

இவரது கணவர் ஜோஷ், இங்குள்ள புகழ்பெற்ற, மேன்ஸ் பீல்டு
லேக் ரைட் என்ற கால் பந்தாட்ட அணியின் பயிற்சியாளராக
இருக்கிறார். இதே அணிக்கான புகைப்படக் கலைஞராக
பணியாற்றி வருகிறார், மெலிசா.

கடந்த, செப்., 9ல், மேன்ஸ் பீல்டு லேக் ரைட் அணிக்கும், மற்றொரு
அணிக்கும் நடந்த பரபரப்பான கால் பந்தாட்ட போட்டியை படம்
எடுக்க வந்தார், ‘மார்னிங் டல்லாஸ்’ என்ற பத்திரிகையின்
புகைப்படக் கலைஞர் ஜான் எப்.ரூட். அப்போது, விளையாட்டுப்
போட்டியை விட, இரண்டு குழந்தைகளோடு ஓடி ஓடி படம் எடுத்த
மெலிசா, அவரது கவனத்தை ஈர்க்க, உடனே, அக்காட்சியை படம் எ
டுத்து, பத்திரிகையில் வெளியிட்டார்.

படத்தை பார்த்தவர்களிடமிருந்து பாராட்டுகள் குவிந்தாலும்,
மெலிசாவோ, ‘நான் அப்படி என்ன செய்து விட்டேன் என்று
ஆளாளுக்கு பாராட்டுகின்றனர். நான், என் கடமையை தான்
செய்தேன்;

எட்டு மாதத்திற்கு முன், என்னை பார்த்து இருந்தால், இதைவிட
பெரிதாக என்னை படம் எடுத்துப் போட்டு இருப்பர். காரணம்,
அப்போது, இதே மைதானத்தில், நிறை மாத கர்ப்பிணியாக
இருந்தேன்.

‘படம் எடுத்த பின், வீட்டிற்கு திரும்பும் போது பிரசவ வலி ஏற்பட்டு,
அப்படியே மருத்துவமனை சென்று குழந்தையை பெற்றெடுத்தேன்.
என் பெரிய மகன் ஜோர்டனுக்கு இப்போது, மூன்று வயது; சின்னவன்
அடிஷனுக்கு, எட்டு மாதம். இரண்டு குழந்தைகளையும்,
எங்கேயாவது விட்டு விட்டு, நான் என் வேலையில் கவனம்
செலுத்துவதை விட, அவர்கள் இருவரையும் சுமந்தபடி வேலை
பார்ப்பது, எளிதாகவே இருக்கிறது.

‘பெரியவனை, நான் முதுகில் தூக்கி வைத்ததுமே, அவனுக்கு
ஜாலியாகி விடும். படம் எடுப்பதற்காக ஓடுவதும், உட்காருவதும்,
திரும்புவதும் அவனுக்கு, ‘த்ரில்’லாக இருக்கும். சின்னவன்,
இப்போது தான், இந்த விஷயங்களை பழகுகிறான். பெரியவன் போல
இல்லாமல், அவ்வப்போது இவனுக்கு பால் கொடுக்க வேண்டும்
என்பதற்காக, ஒரு பால் புட்டியும், என் கேமரா பேகில் தவறாமல்
இடம் பெறுகிறது…’ என்கிறார், இந்த அதிசய பெண் புகைப்பட
கலைஞர்!
–
—————————————-

எல். முருகராஜ்
வாரமலர்

**T.N.Balasubramanian** · **T.N.Balasubramanian** Mon 17 Oct 2016 - 12:13

டல்லாஸ் ,டெக்சாஸ் பெண்ணா , இந்த மெலிசா வார்லோ !
நம்ம பேட்டை பெண்ணாச்சே !!
பெயருக்கு ஏற்றபடி மெலிசாகத்தான் இருக்காங்க !!
வாழ்த்துக்கள் உங்கள் ஆர்வத்திற்கு .

ரமணியன்

Ramalingam K · Ramalingam K Mon 17 Oct 2016 - 12:27

இது அல்லவா தாய்மை -

அதுவும் பாரதத்திற்கு அப்பால் -

ஆச்சரியம்தான்.

பாலாஜி · பாலாஜி Mon 17 Oct 2016 - 13:11

Guest · Guest Tue 18 Oct 2016 - 1:30

அது அங்கே ஆச்சரியம், இது இங்கே ஆச்சரியம்.

எப்படியும் படம் எடுக்கலாம்! இப்படியும் படம் எடுக்கலாம். Funny-Pictures-Of-Indian-People-600x736

அது அங்கே தாய்மை, இது இங்கே தாய்மை.

எப்படியும் படம் எடுக்கலாம்! இப்படியும் படம் எடுக்கலாம். 693f2ba20ab4357446eeb4d71b705206

எப்படியும் படம் எடுக்கலாம்! இப்படியும் படம் எடுக்கலாம். 2324efce5f5f5f9f502a47bef298869f

Ramalingam K · Ramalingam K Tue 18 Oct 2016 - 6:47

ஆஹா . . . . ஆச்சரியம்.

உயிர்களுக்குள் பேதம் காணாதது தானே தாய்மையின் உன்னதம் !

'அயம் ஆத்மா ப்ரம்மம்' - இங்கு இருப்பவை அனைத்தும் மாறுபாடற்ற பரம் பொருளே என்னும் வேத வாக்கியத்தை எவ்வளவு அழகாக வெளிப்படுத்தி நம்மை அசரவைக்கின்றாள் அந்த தாய்.

ஜீவ காருண்யம் ஒருபுறம் - தன் மகளுக்கு நடைப்பயிற்சி மறுபுறம்- இரண்டும் ஒரே நேரத்தில்

ஒரு கல்லில் இரண்டு மாங்காய்-

பெண்கள் ஆண்களைவிட நான்கு மடங்கு அறிவாளிகள் - சாணக்கிய சாஸ்த்திரம் - உண்மை என்பது செயலளவில் வெளிப்படுகின்றது நம் பாரத மாதாவிடம்.

Ramalingam K · Ramalingam K Tue 18 Oct 2016 - 6:53

எந்த ஒரு மனிதனுக்கும் -

அன்னையின் தோளும், அத்தையின் மடியும்தான் சொர்க்கம் என்பது அடியன் கருத்து

அத்தைமடி வளர்ந்தாலும் கிடைப்பது.

அன்னையின் தோள் அறியாப் பிள்ளைப் பருவத்தோடு முடிவது.